JEREMIAH 34:20 - Lai (Hakha) Common Language Bible 2006

²⁰ An ral hna sinah ka pek hna lai. Anmah thah a duhmi hna sinah khan ka chanh hna lai i an ruak cu va le ramlak saram nih an ei hna lai.

JEREMIAH 34:20 ပူးပေါင်းရင်းမြစ်များ

1 SIANGPAHRANG 14:11

Jeroboam chungkhar a simi paoh khuapi chungah a thimi cu uico nih an ei lai; ramlak i a thimi cu van i a zuangmi va nih an ei lai, zeicahtiah Bawipa nih a chim cang,” a ti,” tiah va chim.

1 SIANGPAHRANG 16:4

Baasha ta a simi paoh khua chung i a thih ahcun uico nih an ei lai; ramlak i a thih ahcun van i a zuangmi va nih an ei lai,” tiah a ti.

SALM 79:2

Na mi hna an ruak cu langta ei awkah an hlonh hna i na sal hna an ruak cu saram ei awkah an hlonh hna.

JEREMIAH 11:21

Cucaah ka nunnak kha lak a zal i, ‘Bawipa min in bia chim ti hlah, na chim ahcun kan in thah lai,’ a timi Anathoth khuami hna kong ah khan,

JEREMIAH 12:9

Ka thimmi ka mi hna hi mupi, a ka kip in mupi dang nih an sanhmi bantuk a si. Ra u, nannih sahrang hna, ra u nan dihlak in, Rawl danghnak ah hin ra ei cio u.

JEREMIAH 16:4

Zawtnak ṭihnung ngaingai in an thi lai. Ahohmanh nih an ṭah hna lai lo, vui zong an tong lai lo. Vawlei i ek pon bantukin an ril lai. Annih cu ral kut in an thi lai, asiloah mangṭam in an thi lai, an ruak cu van i a zuangmi va hna le vawlei i a ummi saram hna caah rawl an si lai.

JEREMIAH 19:7

Hi hmun ah hin Judah le Jerusalem khuakhannak kha thawl khuai bantukin ka khuai lai. Annih cu an ral hna nih khan an tei hna lai i vainam in an thah hna lai. An ruak cu van i a zuangmi va hna le vawlei i a tlongmi saram hna sinah rawl caah ka pek hna lai.

JEREMIAH 21:7

Cun cu hnuah cun, Judah siangpahrang Zedekiah le a sinum hna le a mi hna, hi khua chung i rai le vainam le mangṭam a luatmi hna kha Babilon siangpahrang Nebukhadnezzar le anmah thah a duhmi an ral hna kut chungah ka sanh hna lai. Vainam in an sam cikcek hna lai; anmah cu an zaangfah hna lai lo, a nganh zong an ngan hna lai lo, vel zong an ngeih hna lai lo,’ tiah a ti.

JEREMIAH 22:25

Nangmah thah an duhmi, nangmah nih na ṭihmi hna Babilon siangpahrang Nebukhadnezzar le Khaldi mi hna kut chungah khan nangmah cu kaan chanh lai.

JEREMIAH 38:16

Cun Siangpahrang Zedekiah nih Jeremiah sinah cun a thli tein chiat a ser i, “Ka nunnak a sertu Bawipa a nun bangin, kan that lai lo i na nunnak hrawh awk a kawlmi hna kut chung zongah kan chan lai lo,” tiah a ti.

JEREMIAH 39:6

Cun Babilon siangpahrang nih khan Zedekiah fapa hna cu a hmuhhngan te ah khan Riblah khua ah cun a thah hna, Judah ram bawi hna zong kha a thah hna.

JEREMIAH 4:30

Maw nang, ṭiaotakmi, puan sen in naa thuamh i sui hlawn in naa ṭamh i Na mit hna cu thuhmi si in na kauhter hna hi, a sullam zeidah a si? Pakpalawng ah pei naa ṭamh ko cu. Na tlangval hna nih an in nihsawh i na nunnak kha lakpiak an in timh.

JEREMIAH 44:30

Hi bangin Bawipa nih a ti: Judah siangpahrang Zedekiah cu a nunnak thah awkah a kawltu a ral Babilon siangpahrang Nebukhadnezzar sinah ka pek bantuk khan Izipt siangpahrang Faro Hofra cu a ral hna kut chung le a nunnak hrawh awk a kawlmi hna kut chungah khan ka chanh lai,” tiah a ti.

JEREMIAH 49:37

Elam cu anmah hrawh awk aa timmi an ral hna hmaiah khan ka hrawh lai. An cungah ka thinhunnak ka chuahter ciammam lai i ka hrawh dih hna lai, an loh cikcek hlantiang, vainam in ka hrem hna lai.

JEREMIAH 7:33

Cun hi mi hna ruak cu van i a zuangmi va hna caah le lei i a tlongmi saram hna caah rawl an si lai i annih ṭhawltu ah ahohmanh an um ti lai lo.

EZEKIEL 23:28

“Mah hihi Bawipa Pathian bia an si: Na huatmi hna, na luakchuak cikcek in an nortu hna kut chungah khan nangmah cu kan chanh lai i

EZEKIEL 29:5

Na tiva hna chung nga hna he cun thetse ram ah khan kan thlak hna lai; Ahohmanh chartu um lo le vuitu um loin vawlei ro ah khan na tla lai. Nangmah cu saram rawl le va rawl caah kan ser lai.

EZEKIEL 32:4

Vawlei ah khan kan hlonh lai i lei car ah khan kan tengh lai. Van i a zuangmi va vialte kha na cungah ka futter hna lai i ram sa nih na sa cu an i serh lai.

DEUTERONOMI 28:26

Cun nan ruak hna cu van i a zuangmi va vialte le vawlei i a ummi saram hna caah rawl an si lai i, a ṭhawltu ahohmanh an um lai lo.

1 SAMUEL 17:44

Filistin mipa nih cun David cu, “Ka sinah ra tuah, na sa kha van i a zuangmi va hna le vawlei i a ummi saram hna ka pek hna lai,” tiah a ti.

1 SAMUEL 17:46

Nihin ni ah hin Bawipa nih nangmah cu keimah kut chungah a ka pek lai i kan thah lai i na lu kan tan lai; cun Filistin ralkapbu chung i a thimi ruak hna cu nihin ah hin van i a zuangmi va hna le vawlei i a ummi sahrang hna sinah ka pek hna lai; zeitintiah vawlei cung dihlak nih Israel mi lakah Pathian a um ti kha an hngalh nakhnga le