JEREMIAH 34:17 - Lai (Hakha) Common Language Bible 2006

¹⁷ Cucaah hitin Bawipa nih a ti: Ka bia nan ngai lo; nan phunhawi Hebru mi kha luatnak nan pe hna lo. Cucaah keimah zong nih luatnak kan pek ve ding hna cu: tuknak le rai le mangṭam in thihnak kha a si lai. Nan cung i ka tuahmi ruangah vawlei cung ram vialte cu an tuksa nan purh hna lai.

JEREMIAH 34:17 ပူးပေါင်းရင်းမြစ်များ

ESTHER 7:10

Cun siangpahrang nih, “Cuka ah cun amah kha va thlai u,” a ti. Cucaah Mordekai ca i a phunmi thahnak tung ah khan amah Haman cu an thlai. Khi tikah siangpahrang thinhunnak cu a dam.

JEREMIAH 15:2

Cun annih nih, ‘Khuazei ah dah kan kal lai?’ tiah an in hal tikah, annih cu na thawh hna lai i, ‘Hi bangin Bawipa nih a ti: “Rai ca i a simi cu rai sinah, Vainam ca i a simi cu vainam sinah; Mangṭam ca i a simi cu mangṭam sinah, Saltannak ca i a simi cu saltannak ah,” tiah na ti hna lai,’ a ti.

JEREMIAH 15:4

Cun Judah siangpahrang Hezekiah fapa Manasseh nih Jerusalem khua chung i a tuahmi sualnak ruangah annih cu vawleicung ram vialte hna sinah tuksum ah ka ser hna lai.

JEREMIAH 21:7

Cun cu hnuah cun, Judah siangpahrang Zedekiah le a sinum hna le a mi hna, hi khua chung i rai le vainam le mangṭam a luatmi hna kha Babilon siangpahrang Nebukhadnezzar le anmah thah a duhmi an ral hna kut chungah ka sanh hna lai. Vainam in an sam cikcek hna lai; anmah cu an zaangfah hna lai lo, a nganh zong an ngan hna lai lo, vel zong an ngeih hna lai lo,’ tiah a ti.

JEREMIAH 29:17

Mah hihi Ralkapbu Bawipa bia cu a si: An cungah vainam le mangṭam le rai kha ka tlunter lai i theipi ṭhalo, a ṭhat lo tuk ca i ei awk tlak a si lomi bantuk ah ka ser hna lai.

JEREMIAH 29:18

Annih cu vainam le mangṭam le rai in ka zulh hna lai i vawlei cung ram kip ah tuksapur ah ka ser hna lai, ka ṭhawl hnanak miphun kip sinah khan fihnung le ṭeifiak, zawmhtaih awk le nihsawh awkah ka ser hna lai.

JEREMIAH 32:24

Babilon mi hna nih khuapi cu lak awkah a velchum in kulhnak chuntlung an ser i annih nih an tuk. Raltuknak le mangṭam le rai nih khuapi cu an kut chungah a tlakter lai. Bawipa, nangmah nih na chimmi cu a tling ko cang ti kha na hmuh ko.

JEREMIAH 32:25

Sihmanhsehlaw maw Bawipa Pathian, Babilon mi hna nih khuapi kha la dengmang cang hna hmanh seh law, tehte hna hmaiah lo kha a ka cawktertu cu nangmah na si,” tiah ka ti.

JEREMIAH 32:36

“Cucaah Bawipa, Israel Pathian nih aa thawh i, ‘Jeremiah, hi mi hna cu raltuknak le mangṭam le rai nih hi khuapi cu Babilon siangpahrang kut chungah a phakter lai, tiah na chimh hna. Sihmanhsehlaw atu cu chim awk ka ngeih rihmi kha ngai tuah.

JEREMIAH 34:8

Siangpahrang Zedekiah nih Jerusalem khuami vialte he an sal hna luatter awkah biakamnak a ser hnuah Bawipa sinin Jeremiah sinah a rami bia cu hihi a si.

JEREMIAH 38:2

Bawipa nih, “Khua chungah a tangmi cu ral kut in maw mangṭam in maw an thi lai. Sihmanhsehlaw a chuak i Khaldi mi hna sinah aa pemi cu an thi lai lo, zeidang an i chuahpi khawh lo hmanh ah an nunnak he tal cun an luat lai,” a ti, ti hi a si.

ṬAHNAK HLA 1:8

Jerusalem cu fak piin a sual ko, Cucaah puanchia thur bantuk ah rel a si cang; A rak upat tawntu vialte nih khan zei ah an rel ti lo, Zeicahtiah a taklawng in a um kha an hmuh. Cucaah a hrum a ai i ningzak in mi hmai a zoh ngam ti lo.

DANIEL 6:24

Siangpahrang nawlbia in Daniel sual phawtu vialte hna an nupile le an fale he chiandeih thong chungah cun an vun thlak hna i a ṭuang hmanh an phak manh hlanah khin an rak zuanhnawh hna i an ruh he an zeizong tein an khai dih hna.

MATTHAI 7:2

midang na soi hna ning te khan Pathian nih an soi lai i midang cung i na hmanmi tahnak te kha Pathian nih na cungah a hman ve lai.

GALATI 6:7

Nanmah le nanmah i hleng hlah u; ahohmanh nih Pathian cu an deh kho lo. Mi nih a tuhmi cu a zun ko lai.

DEUTERONOMI 19:19

a unau cung i tuah a rak i tinhmi bantuk khan a cungah nan tuah lai; cuticun nan lakin ṭhat lonak cu nan thianh lai.

DEUTERONOMI 28:25

“Bawipa nih nannih cu nan ral hna hmaiah khan an sunghter hna lai; annih doh awkah lam pakhat in nan kal lai i an hmai in lam pasarih in nan zam lai; vawleicung pennak vialte hna mithmuh ah tuksapur nan si lai.

DEUTERONOMI 28:64

Cun khattelei vanhramdeng in khattelei vanhramdeng tiang Bawipa nih miphun kip sinah an ṭhek hna lai i, nanmah nih siseh nan pupa hna nih siseh nan hngalh lomi pathian, thing le lung in an sermi hna kha, khika ah nan biak hna lai.

JEIM 2:13

Zeicahtiah zaangfahnak a ngei lomi cu Pathian nih a bia a ceih tikah a zaangfah ve lai lo; zeicahtiah zaangfahnak cu biaceihnak nih a tei.

BIAPHUAN 16:6

Pathian mi hna le profet hna kha an thi an rak chuah hna caah nangmah nih annih cu din awkah thi kha na pek ve hna. Annih nih hmuh awk i an i tlakmi kha an hmuh ko,” a ti.