JEREMIAH 34:16 - Lai (Hakha) Common Language Bible 2006

¹⁶ Asinain, nannih zong nih ka min cu nan thurter ṭhan cang. Nannih nih nan luatter cangmi sal hna kha nan dihlak in nan lak ṭhan hna i nu he pa he nan sal ah hramhram in nan ser ṭhan hna.

JEREMIAH 34:16 ပူးပေါင်းရင်းမြစ်များ

EXODUS 20:7

“Bawipa nan Pathian min cu ningcang loin hmang hlah u, ningcang loin ka min a hmangmi cu dan ka tat hna lai.

JEREMIAH 34:11

Sihmanhsehlaw a hnuah an lung an i let ṭhan i an thlah ciami salpa le salnu hna kha hramhram in sal ah an zuat ṭhan hna.

EZEKIEL 13:22

Miding mi cu an cungah ṭhat lonak tuah ka tim lo nain an lung nan donghter hna i cu bantuk ṭhiamṭhiam in miṭhalo mi hna cu an lam ṭhalo kha hlawt i khamh an si nakhnga tu si loin thazang nan pek lehlam hna;

EZEKIEL 18:24

“Cun miding mipa nih a ziaza ding kha a hlawt ko hnga i miṭhalo mipa nih fihnung a phunphun a tuahmi kha a tuah ve ko hnga; mah hihi tuah buin a nung ko hnga maw? Nung hlah, dinnak a rak tuahmi vialte kha hngalhpiak a si lai lo; zumhawktlak loin a nung, a sual i cucaah cun a thi lai.

EZEKIEL 20:39

“Cucaah maw Israel mi hna, hihi Bawipa Pathian bia cu a si: Va kal u law nan dihlak in nan siasal kha va phiak dih hna u. Cuticun hmailei ah ka nawl kha ngai loin nan um ti lai lo i nan laksawng hna le nan siasal hna khan ka min thiang cu nan thurhhnawmh ti lai lo.

EZEKIEL 3:20

Asiloah, miding mi pakhatkhat cu a pial kho ko i palhnak kha a tuah khawh ko, cucu a rilhnak a chuahtertu ka siter ko lai; nangmah nih ralrinnak na pek lo caah a thi lai. A sualnak ruangah a thi lai; dinnak a rak tuahmi kha relpiak a si lai lo i a thih ruangah khan nangmah cu kan mawhchiat lai.

EZEKIEL 39:7

Ka min thiang cu ka mi Israel mi hna lakah khan hngalh ka siter lai i ka thurter ti lai lo; miphun dang hna nih khan Bawipa cu Israel mi hna lakah ka thian kha an hngalh lai, a ti.

LEVITIKAS 19:12

Ka min chalh in lih in chiat nan ser lai lo, mah cucu nan Pathian min thurhnawmhter a si; keimah cu Bawipa ka si.

MALAKHI 1:12

Sihmanhsehlaw nannih nih cun Bawipa cabuai cu thurhhnawmh khawh a si ko, kanmah i zei i kan rel lomi rawl cu a cungah hun khawh a si ko, ti i nan ruahnak thawng hin ka min cu nan thurhhnawmh.

MALAKHI 1:7

Nannih nih nan i thawh i, “Zeitindah na min cu zeirello in kan um?” nan ti. Zeirello i nan um cu ka biakṭheng cung i a thurhnawmmi rawl nan ka pekchanh hi a si. Nannih nih nan i thawh i, “Zeitindah kan in thurhnawmh,” nan ti. Nan ka thurhhnawmhnak cu hitihin a si: Nan i thawh i, Bawipa cabuai cu zohhnawmh si ko seh,

1 SAMUEL 15:11

“Saul cu siangpahrang i ka rak ser caah hin kaa ngaichih; zeicahtiah keimah zulhnak in aa mer cang i ka nawlbia kha a tuah hna lo,” tiah a ti. Cun Samuel cu a thin a hung i Bawipa kha zan khuadei in a auh.