JEREMIAH 34:14 - Lai (Hakha) Common Language Bible 2006

¹⁴ Cucu hihi a si: ‘Nan sin i a hun i zuarmi Hebru mi, kum ruk an rian cangmi hna kha, nannih nih kum sarihnak chungah nan luatter hna lai.

JEREMIAH 34:14 ပူးပေါင်းရင်းမြစ်များ

1 SIANGPAHRANG 21:25

(Bawipa mithmuh i thil ṭha lo tuah awkah aa pemi Ahab bantuk ahohmanh an um lo — cu vialte cu a nupi Jezebel nih a forh ruangah a si.

1 SIANGPAHRANG 9:22

Sihmanhsehlaw Israel mi cu Solomon nih sal ah a ser hna lo; annih cu ralkap, bawi, ralbawi, ralkapbu haotu, a rangleng bawi hna le rangcung ralkap an si.

2 CHANRELNAK 28:10

Cun atu cu nannih nih Judah mi hna le Jerusalem mi hna cu pa he nu he nan sal i zuat hna awkah nan i tim. Nannih tah Bawipa nan Pathian cungah nan sualnak a um ve lo maw?

2 CHANRELNAK 36:16

sihmanhsehlaw Bawipa thinhunnak cu a mi hna cungah a thawh i remh ṭhan khawhnak a um ti lo tiangin Pathian lamkaltu hna cu an rak zawmhtaih lengmang hna i a bia kha zei ah an rel lo i a profet hna kha an nihsawh hna.

NEHEMIAH 9:30

Kum tampi na in hna i na thlarau in na profet hna sin khan ralrinnak na pek hna; sihmanhsehlaw an hnapet hmanh nih an ngai duh lo. Cucaah ramdang miphun hna kut chungah na chanh hna.

ISAIAH 50:1

Bawipa nih aa thawh i, “Mipa nih a nupi a mak bantukin ka mi hna cu ka dawi hna tiin dahra nan ruah? Khuazei ah dah maknak ca cu a si kun? Mipa nih a fale cu sal ah a zuar hna bantukin sal ah a kan zuar tiin dahra nan ka ruah? Asilo, sal i nan taan cu, nanmah nan sual ruangah a si; lamhlatpi i kalpi nan si cu nanmah nan ṭhat lo ruangah a si.

ISAIAH 58:6

“Ka duhmi rawl ulhnak cu hihi a si: Hremnak cikcin kha chat hna u law dinlonak hngawngkual kha phoih hna u law hremmi kha luatter hna u.

JEREMIAH 11:7

Nan pupa hna cu Izipt ram in ka chuahpi hna ri in atu tiang, hi bantukin tuah hlah u, ka ti lengmang hna, ralrinnak ka pek lengmang hna; Ka nawl ka ngai u, ka ti hna.

JEREMIAH 32:30

Hlan lio tein Israel mi hna le Judah mi hna nih hin ka duh lomi lawngte kha an tuah lengmang ko; Israel mi nih siasal an sermi khan ka thin an ka phawh.

JEREMIAH 35:15

Ka sal profet hna cu nan sinah ka rak thlah lengmang ko hna i nan ziaza ṭhalo kha ngol awk le a dingmi thil kha tuah awkah an in chimh lengmang ko hna. Nan pupa hna sinah ka pekmi ram ah hin nan um thluangthluan khawh nakhnga annih nih pathian dang kha biak lo ding le an rian ṭuan lo awkah ralrinnak an in pek lengmang ko hna. Sihmanhsehlaw ka bia kha nan ngai duh lo i zeizong ah nan ka rel fawn lo.

EZEKIEL 20:4

“Mipa, annih cu bia na ceih hna lai maw? Annih cu bia na ceih hna lai maw? Cun an pale nih fihnung an tuahmi vialte kha chim hna law,

EZEKIEL 20:8

“Sihmanhsehlaw an ka doh, ka bia kha ngaih an duh lo i ahohmanh nih an mit lungriam in an rak zohmi thil fihnung kha hlonh an duh hna lo i Izipt siasal kha hlawt an duh hna lo. Izipt ram ah khan, ka thinhunnak cu ka bunghhnawh lawlaw ko hna lai hlah maw, ka thinlinhnak cu ka hlinh lawlaw ko hna lai hlah maw, tiah ka rak ruat.

LEVITIKAS 25:10

Cun kum sawm nganak kum cu nan thianter lai i cu ram chung khuazakip ah, a chung i a ummi vialte kha, luatnak nan thanh hna lai; nan caah jubili a si lai, nannih nan thil cio le nan chungkhar sin cio i nan kir caan cu a si lai.

AMOS 2:6

Mah hihi Bawipa bia an si: Israel nih ṭhat lonak kha pakhat hnu pakhat in a tuah lengmang caah A cung i ka tlunter dingmi dantatnak kha ka let lai lo. Annih nih a sual lomi kha ngun ah an zuarh hna i Sifakmi kha kedan tuah khat ah an thlen hna.

AMOS 8:6

cun sifakmi kha ngun in caw hna u sih law retheimi kha kedan tuah khat caah tlai hna u sih, nan ti fawn. Cucaah hihi ngai tuah u:

ROM 7:24

Mi lungrethei ka va si dah! Thihnak i a ka kalpitu pum chung hin aho nih dah a ka khamh lai? Pathian lawnglawng nih kan Bawipa Jesuh Khrih thawngin a ka khamh lai;

DEUTERONOMI 15:1

“Kum sarih donghnak lengmang ah leiba ngaihthiamnak nan tuah lai

DEUTERONOMI 15:12

“Nan unau, Hebru minu maw Hebru mipa cu nan sinah zuarh a si ahcun, kum ruk chung an rianh hna lai, cun kum sarihnak kum ah cun nanmah sinin nan luatter lai.

DEUTERONOMI 15:9

‘Kum sarihnak kum, ngaihthiamnak kum cu a nai cang,’ tiin nan ti i nan unau a si a fakmi kha hmuh nan duh lo i zeihmanh pe duh loin nan lung chungah ruahnak ṭhalo a um sual nakhnga lo, i ralring tuah u, nanmah kongah Pathian a auh ahcun nan caah sual a si ko lai.