JEREMIAH 34:10 - Lai (Hakha) Common Language Bible 2006

¹⁰ Cun bawi vialte hna le mi zapi hna nih, an salle hna cu nu an si ah, pa an si ah, luatter i sal i zuat ti lo dingin biakamnak an tuahmi cu an tlinter i an salle cu an luatter hna.

JEREMIAH 34:10 ပူးပေါင်းရင်းမြစ်များ

EXODUS 21:2

Hebru mi a simi kha sal i na cawk tikah kum ruk chung an rianh lai. A kum sarihnak ah cun amah nih zeihmanh pek hau loin na luatter lai.

ISAIAH 29:13

Bawipa nih, “Hi mi hna nih hin kan in biak tiah an ka ti, sihmanhsehlaw an bia cu sullam a ngei lomi lawngte an si i an lung cu kaa dangpi ah a um. Biaknak an timi cu minung serchommi phung le pupa nih an zulh tawnmi lam lawnglawng kha a si i an kaa in a chim a thiam sawhsawh in an thiammi kha a si.

JEREMIAH 26:10

Cun Judah bawi hna nih hi thil cu an theih tikah siangpahrang inn khan Bawipa inn ah cun an kal i Bawipa inn i kutka thar luhnak ah cun an ṭhu cio.

JEREMIAH 26:16

Cun bawi hna le mi vialte nih cun tlangbawi le profet kha an thawh hna i, “Hi mipa hi thah awk a si lo, zeicahtiah kan sinah Bawipa kan Pathian min in bia a chim ko,” tiah an ti.

JEREMIAH 34:11

Sihmanhsehlaw a hnuah an lung an i let ṭhan i an thlah ciami salpa le salnu hna kha hramhram in sal ah an zuat ṭhan hna.

JEREMIAH 36:12

siangpahrang inn ah cun a vung kal i caṭialtu khaan ah cun a lut; khika ah bawi vialte kha an rak ṭhu: caṭialtu Elishama, Shemaiah fapa Delaiah, Akhbor fapa Elnathan, Safan fapa Gemariah, Hananiah fapa Zedekiah le bawi dang vialte hna cu.

JEREMIAH 38:4

Cun bawi hna nih cun siangpahrang sinah cun, “Hi mipa hi thah awk a si, zeicahtiah hi bantukin a chimnak thawng hin ralkap hna le hi khua chung i a tangmi hna hi an lung a derter hna. Hi pa hi mi ṭhatnak a kawlmi si loin an chiatnak a kawlmi tu a si deuh,” an ti.

LEVITIKAS 25:10

Cun kum sawm nganak kum cu nan thianter lai i cu ram chung khuazakip ah, a chung i a ummi vialte kha, luatnak nan thanh hna lai; nan caah jubili a si lai, nannih nan thil cio le nan chungkhar sin cio i nan kir caan cu a si lai.

MARKA 6:20

Herod nih cun Johan kha a ṭih ngaingai, zeicahtiah mi ṭha le mi thiang a si kha a hngalh i him tein a umter ko. A bia a theih fate lung sivang in a um tawn ko nain a chimmi ngaih kha cu a duh ko.