JEREMIAH 33:18 - Lai (Hakha) Common Language Bible 2006

¹⁸ Levi tlangbawi hna zong nih khan ka hmaika i khangh thawinak pechantu ding le chang thawinak a khangtu ding le pekchanhnak a tuahtu ding minung kha ngei loin an um bal hna lai lo.

JEREMIAH 33:18 ပူးပေါင်းရင်းမြစ်များ

EZRA 3:5

cun cu hnuah cun pekchanh camcinmi khangh thawinak, thla thar i pekchanhnak le Bawipa ca i caan ngei in tuahmi puai hna i pekchanhnak le mah lungtho tein Bawipa sinah pekchanhmi thil hna kha an pekchanh hna.

ISAIAH 56:7

“Ka tlang thiang Zion ah kan kalpi hna lai. Thlacamnak inn ka inn ah khan lawmhnak kan pek hna lai i biakṭheng cung i nan ka pekchanhmi raithawinak kha ka cohlan hna lai. Ka Biakinn cu miphun vialte caah thlacamnak inn ti a si lai,” a ti.

ISAIAH 61:6

Nang tu cu Bawipa tlangbawi tiah ti na si lai i miphun hna rumnak cu na ei lai, na ta an si caah khan na hmai a hngal lai.

JEREMIAH 33:19

Bawipa nih Jeremiah cu a thawh i,

JEREMIAH 33:22

Van i arfi rel cawk lo le rili thetse rel cawk a si lomi bantukin, ka sal David i a tefa cu ka karhter hna lai i ka rian a ṭuanmi Levi mi hna zong ka karhter hna lai,” tiah a ti.

JEREMIAH 35:19

hi bangin Ralkapbu Bawipa, Israel Pathian nih, ‘Rekhab fapa Jonadab nih zeitikhmanh ah ka hmai i a dir dingmi tefa a bau bal lai lo,’ a ti,” tiah a ti hna.

EZEKIEL 44:15

Sihmanhsehlaw Israel mi hna cu ka sinin lam an tlau tikah khan Levi miphun tlangbawi hna, Zadok innchungkhar chung mi a simi tu nih khan cun ka hmunthiang kha ṭha tein an zohkhenh; hi hna tu nih hin cun ka rian ṭuan awkah an ka naih lai. Anmah nih an ka tuammuai lai, sathau le sathi cu an ka pek lai, tiah Bawipa Pathian nih a ti.

EZEKIEL 45:5

Dong sang hnih le thong nga a sau i dongsang khat a kaumi hmun kha Levi mi, biakinn rianṭuantu hna, ta ah khan a si lai; hi hmun chungah hin an umnak khua hna zong cu an um lai.

NAMBAR 3:5

Cun Bawipa nih Moses cu a chawnh i,

ROM 1:21

Pathian cu hngalh cu an hngalh ko, sihmanhsehlaw pek awk a simi upatnak kha an pe duh lo; a lawmh zong an lawm duh fawn lo. An ruahnak kha pakpalawng tu ah a cang i an lungthin kawlawngpi cu muihnak in a khat.

ROM 15:16

Khrih Jesuh sal sinak nawl a ka pekmi ruangah hin a si. Jentail mi cu Pathian cohlan awk tlakmi raithawinak an si nakhnga le Thiang Thlarau thawngin Pathian sin pekmi an si nakhnga, Pathian sin i a rami Thawngṭha ka chimnak ah hin tlangbawi bantuk ka si.

DEUTERONOMI 18:1

“Levi mi tlangbawi hna, cucu Levi phun a ningpi in, cu hna nih cun Israel mi lakah covo siseh ro siseh an ngei lai lo; Bawipa sinah mei in pekchanhmi thil hna le anmah nih an hmuh awk a simi thil hna cu an ei lai.

DEUTERONOMI 24:8

“Thinghmui zawtnak kong ah i ralring tuah u, Levi tlangbawi hna nih an in chimhmi hna bangin ṭha tein tuah u; nawl kan pek hna bangin nannih nih ralring tein nan tuah lai.

JOSHUA 3:3

mi kha, “Bawipa nan Pathian biakamnak kuang kha Levi tlangbawi pawl nih an put kha nan hmuh tikah, nan umnak cio khan nan i thawh lai i nan zulh lai,

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

BIAPHUAN 1:6

a Pathian le a Pa rian kha tlangbawi bantukin a ṭuantu dingah siangpahrang phun ah a kan ser. Cu Jesuh cungah cun sunparnak le ṭhawnnak kha zungzal in zungzal tiang um camcin ko seh! Amen.

BIAPHUAN 5:10

Kan Pathian rian tlangbawi bantukin a ṭuantu dingah siangpahrang phun ah na ser hna i Annih nih vawlei cu an uk lai,” an ti.