JEREMIAH 32:43 - Lai (Hakha) Common Language Bible 2006

⁴³ Jeremiah, hi ram hi minung siseh, saram siseh, an um lonak thetse ram bantuk a si lai tiah na ti i Babilon mi sinah pek a si lai, na ti. Sihmanhsehlaw hi ram chungah hin lo kha i cawk le i zuarh an si ṭhan lai.

JEREMIAH 32:43 ပူးပေါင်းရင်းမြစ်များ

JEREMIAH 32:15

Zeicahtiah Ralkapbu Bawipa, Israel Pathian bia cu: Hi ram chungah hin inn hna, lo hna, mitsur dum hna, i zuarh i cawk an si ṭhan lainak caan a ra lio, ti hi.

JEREMIAH 32:25

Sihmanhsehlaw maw Bawipa Pathian, Babilon mi hna nih khuapi kha la dengmang cang hna hmanh seh law, tehte hna hmaiah lo kha a ka cawktertu cu nangmah na si,” tiah ka ti.

JEREMIAH 32:36

“Cucaah Bawipa, Israel Pathian nih aa thawh i, ‘Jeremiah, hi mi hna cu raltuknak le mangṭam le rai nih hi khuapi cu Babilon siangpahrang kut chungah a phakter lai, tiah na chimh hna. Sihmanhsehlaw atu cu chim awk ka ngeih rihmi kha ngai tuah.

JEREMIAH 33:10

Bawipa nih hitihin a ti: “Nannih nih nan i thawh i, hi hmun cu a rawk cang, Judah ram khua chungah siseh, Jerusalem khua chungah siseh, mi siseh, saram siseh, an um ti lo. Pakpalawng ah a cang ko cang, mi zong an um ti lo, saram zong an um ti lo, nan ti.

JEREMIAH 33:12

Mah hihi Ralkapbu Bawipa bia a si: Hi hmun le a khua vialte hna, a rawk i a ril komi, a chungah mi siseh, saram siseh an um lonak ah hin, tuukhal hna nih an tuu an pumh hnanak himnak hmun a um ṭhan lai.

EZEKIEL 28:26

Khika ah khan lungdai tein an um lai i inn an sak hna lai i mitsur dum an ser hna lai; annih a nihsawhtu hna an pawngkam i a ummi hna cungah khan biaceihnak ka tuah tikah, annih cu lungdai tein an um lai. Cuticun keimah cu Bawipa an Pathian ka si kha an hngalh lai.