JEREMIAH 32:40 - Lai (Hakha) Common Language Bible 2006

⁴⁰ Annih he zungzal in a hmunmi biakamnak kha ka ser lai i donglo in ka ṭhatnak in ka vorh hna lai; an lung kha keimah ṭihnak in ka khahter lai i keimah sinin an pial ti lai lo.

JEREMIAH 32:40 ပူးပေါင်းရင်းမြစ်များ

2 SAMUEL 23:4

Khuadawm a thiangmi zing i a hung ceumi ni bantuk, Zinglei ceunak bantuk khin annih cungah a rung ceu, Vawlei in ram a khohtertu ruah bantuk a si.

SALM 80:19

Kan kirpi ṭhan ko, Maw Lianngan Bik Bawipa Pathian! Na dawtnak kha kan cungah langhter law kannih nih khamhnak k zeitikhmanh ah kan in mertak ti lai lo; nungdam in kan umter law kan in thangṭhat lai.

ISAIAH 24:5

Mi nih Pathian nawlbia kha an buar caah vawlei cu an thurter i zungzal hmun dingin a sermi biakamnak kha an hrawh caah an hnawmhter.

ISAIAH 55:3

“Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai.

ISAIAH 61:8

Bawipa nih, “Dinnak kha ka duh i hremnak le thil ṭhalo tuahnak kha ka huat. Ka mi cu ka lehrulh hrimhrim hna lai i anmah he zungzal hmunmi biakamnak ka ser lai.

JEREMIAH 24:7

Keimah hngalh khawhnak lungthin kha ka pek hna lai, zeicahtiah keimah cu Bawipa ka si; an lungthin a dihumnak in keimah sinah an kir ṭhan lai caah annih cu ka mi an si lai i kei cu an Pathian ka si lai.

JEREMIAH 31:34

Cun annih nih pakhat le pakhat kha, ‘Bawipa kha hngal tuah,’ tiin i cawnpiak kha an herh ti lai lo, zeicahtiah a hme bik in a ngan bik tiang, an dihlak in an ka hngalh lai. An ṭhat lonak kha ka ngaihthiam hna lai i an sualnak kha ka hngal camcin ti lai lo,’ tiah Bawipa nih a ti.

JEREMIAH 50:5

Zion lei hoih in cuka kalnak ding lam cu an hal hna lai i, “Ra tuah u, zungzal hmunmi, philh khawh lo ding biakamnak in Bawipa sinah i peh u sih,” an ti lai, tiah Bawipa nih a ti.

EZEKIEL 36:26

Lungthin thar kan pek hna lai i thlarau thar nan chungah ka khumh lai. Nan pum chungin lung bantukin a hakmi nan lung kha ka lak lai i titsa bantukin a nemmi lung kha kan pek hna lai.

EZEKIEL 36:27

Ka thlarau cu nan chungah ka khumh lai i ka nawlbia he aa tlak in kan umter hna lai i ka phunglam zulh in nan nung lai.

EZEKIEL 37:26

Annih kha thluachuahnak pek awk caah anmah he biakamnak ka ser lai i cu biakamnak cu zungzal in an ta a si lai. Tam piin ka karhter hna lai i an lakah cun a zungzal in ka hmunthiang cu ka chiah lai.

EZEKIEL 39:29

Israel mi hna cungah ka thlarau kha ka thlet lai caah annih cu ka hmai kha ka thuhkanh ti hna lai lo, tiah Bawipa Pathian nih a ti.

MIKAH 4:5

Mi vialte hna cu anmahle an pathian min cio ah an kal ko lai, Sihmanhsehlaw kannih cu Bawipa kan Pathian min in a zungzal in kan kal lai.

DEUTERONOMI 31:6

Ṭhawng u law, nan ral ṭha ko u, ṭih hlah u, an hmaiah therphang hlah u; zeicahtiah nanmah he a kalmi cu Bawipa nan Pathian a si; an deuh hna lai lo i an hlaw fawn hna lai lo,” a ti.

DEUTERONOMI 31:8

Na hmaiah a kalmi cu Bawipa a si; na sinah a um lai i an deuh lai lo i an hlaw fawn lai lo; ṭih hlah, na lung zong dong hlah,” tiah a ti.

HEBRU 13:20

Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.

HEBRU 4:1

Atu cu Pathian nih dinnak a rak chimmi kha kan hmuh nakhnga, a biakam kha a kan pek i cu kamhmi dinhnak chungah cun a lut lomi nan um sual nakhnga lo, ralring tein um u sih.

HEBRU 7:24

Sihmanhsehlaw Jesuh cu zungzal in a nungmi a si caah zungzal in tlangbawi a si.

JEIM 1:17

Laksawng ṭha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.

1 PETER 1:5

Cu an chiahpiak hna cu Pathian kha nan zumh caah le khamhnak a phak hlantiang amah ṭhawnnak nih an huhphenh hna caah a si — cu a ra dingmi khamhnak cu atu zongah hin timhcia a si ko cang i caan dongh tikah phuan a si te lai.