JEREMIAH 32:35 - Lai (Hakha) Common Language Bible 2006

³⁵ Benhinnom Nelrawn ah Baal caah hmunthiang an ser hna i khika ah Molek sinah an fanu hna le an fapa hna kha an pek hna. Hi thil fihnung tuah awk hi le sualnak chungah Judah luhpi hi keimah sinin a chuakmi nawlbia a si lo i ka lunglai ah a chuak balmi zong a si lo.

JEREMIAH 32:35 ပူးပေါင်းရင်းမြစ်များ

1 SIANGPAHRANG 11:33

amah nih a ka hlawt i Sidon mi khuazingnu Ashtoreth le Moab mi pathian Khemosh le Ammon mi pathian Milkom kha a biak hna i ka lam kha a zul hna lo i a pa David bantukin ka mithmuh ah a dikmi a tuah lo i ka nawlbia le ka phunglam kha a zulh hna lo caah, phun hra hi nangmah kan pek lai.

1 SIANGPAHRANG 11:7

Cun Solomon nih Jerusalem nichuahlei tlang ah khan Moab mi khuazing fihnung Khemosh le Ammon mi pathian fihnung Molek caah khan khuahrum bo a ser.

1 SIANGPAHRANG 14:16

Cun Israel mi cu, Jeroboam amah sualnak ruang le Jeroboam nih Israel mi a sualter hnanak ruangah khan, a hlawt hna lai,” tiah a ti.

1 SIANGPAHRANG 15:26

Bawipa mithmuh i thil ṭhalo kha a tuah i a pa lam kha a zul ve i a pa nih Israel mi a sualter hnanak a sualnak kha a tuah ve.

1 SIANGPAHRANG 15:30

mah cucu, Jeroboam nih amah nih a sualmi sualnak hna le Israel mi a sualtermi hna sualnak ruang le Bawipa, Israel Pathian a thin a phawh caah khan a si.

1 SIANGPAHRANG 16:19

mah cucu amah nih a tuahmi sualnak le Bawipa mithmuh i ṭhat lonak a tuahmi le Jeroboam lam a zulhnak le Israel mi a sualter hna ruangah khan a si.

1 SIANGPAHRANG 21:22

cun ka thin na ka phawh ruang le Israel mi na sualter hna caah hin, na innchungkhar cu Nebat fapa Jeroboam innchungkhar bantuk le Ahijah fapa Baasha innchungkhar bantuk ah ka ser lai.

2 SIANGPAHRANG 21:11

“Judah siangpahrang Manasseh nih hi thil fihnung hi a tuah hna i amah hlan ah a rak ummi Amor mi nih an tuahmi vialte nakin a ṭhalo deuhmi thil a tuah hna i a siasal hna in Judah mi kha a sualter hna caah,

2 SIANGPAHRANG 21:4

Bawipa nih, “Jerusalem khua ah ka min cu ka chiah lai,” tiin a rak tihnawh chanmi Bawipa inn chungah biakṭheng a ser hna.

2 SIANGPAHRANG 23:10

Cun Hinnom fapa hna horkuang i a ummi Tofeth kha, khika ah ahohmanh nih an fapa si hna seh an fanu si hna seh, Molek sin i thawinak ah an pekchanh hna nakhnga lo, a thurhnawmhter.

2 SIANGPAHRANG 23:15

Cu hleiah Israel a sualtertu Jeroboam, Nebat fapa nih Bethel khua ah a sermi khuahrum bo biakṭheng, kha biakṭheng kha a khuahrum bo he khan a chimh i a lung cu a den cikcek hna i dip lak in a den hna; cun Asherah zong kha a khangh.

2 SIANGPAHRANG 3:3

Sihmanhsehlaw Nebat fapa Jeroboam nih Israel mi a sualter hnanak a sualnak kha aa tlaih i a kaltak lo.

2 CHANRELNAK 33:6

Cun Hinnom fapa nelrawn ah khan a fapa hna cu raithawinak ah a khangh hna i khuavang kawh le litin le eih kha a lenh i thitlawnthiam le khuavang kha aa ruaih tawn hna. Bawipa mithmuh i thil ṭhalo tampi kha a tuah i a thin kha a phawh.

2 CHANRELNAK 33:9

Manasseh nih Judah le Jerusalem mi cu a lem khawh hna caah Israel mi hmai i Bawipa nih a hrawhmi miphun hna nakkhan ṭhat lonak tam deuh an tuah.

2 CHANRELNAK 36:14

Tlangbawi hna lak i haotu deuhdeuh hna le mi zapi hna zong kha, cu bantuk cun zumhtlaklo ngaiin an um i miphun hna thil fihnung vialte kha an zulh ve; cun Jerusalem ah a thiantermi Bawipa inn kha a thurhhnawmh.

EXODUS 32:21

Aaron cu a thawh i, “Hi mi hna hi na cung i zei an tuah ruangah dah hi bantuk sualnak ṭihnung hi na tuahter hna?” a ti.

ISAIAH 57:5

Hrinsor ṭhatnak pathian kha nan biak hna i cu biaknak ah cun nu le pa sualnak tuah kha a si nan ti i thingkung thiang nan timi hna toiah khan nan sual. Tiva kam lungkua ah khan nan fale cu rai ah nan thawi hna.

JEREMIAH 19:2

Ben-hinnom Nelrawn i Peipahau Kutka luhnak ah khan va kal u, cun khika ah khan kan chimhmi bia cu va thanh.

JEREMIAH 30:14

Nangmah a rak in dawtu vialte nih khan an in philh cang; Zeihmanh ah an in rel ti lo. Ral nih an in ṭhuat bantukin kan ṭhuat i Zaangfahnak ngei loin dan kan tat cang; Zeicahtiah na ṭhat lonak cu a ngan i Na sualnak cu a tam ngaingai.

JEREMIAH 44:4

Ka sal profet vialte hna kha hi ralrinnak bia he hin nannih sinah ka rak thlah lengmang hna i, ‘Ka huatmi thil fihnung hi tuah sawh hlah u,’ tiah ka ti lengmang.

JEREMIAH 7:30

Zeicahtiah Judah mi nih ka mit hmuh ah ṭhat lonak an tuah, tiah Bawipa nih a ti. Ka min in kawhmi inn kha fih a nungmi an siasal in an thurhhnawmh cang,

JEREMIAH 7:31

Benhinnom nelrawn ah Tofeth biaknak hmunthiang kha an ser i khika ah an fapa hna le an fanu hna kha an khangh hna; mah cucu keimah pekmi nawlbia a si lo, ka lunglai chuak balmi zong a si lo.

EZEKIEL 23:37

Annih nih va cung in pa an i duh i an kut chungah thisen kha a um. Annih nih an siasal sinah khan va cung pa duhnak an tuah i an ka hrinpiakmi ka fale hna kha an siasal hna cu an rawl caah an pekchanh hna.

LEVITIKAS 18:21

Molek sin i mei in chanh awkah na fale chungin ahohmanh na pe lai lo; cu bantuk tuahnak in na Pathian min thurter hlah; keimah hi Bawipa cu ka si.

LAMKALTU 7:43

Nannih nih nan i phorhmi thlam cu Molok pathian thlam kha a si i Nan i kalpimi milem cu nan pathian Refan arfi siasal kha a si; Annih cu nanmah nih biak awk caah nan ser chommi siasal an si. Cucaah nannih cu Babilon pinah kan kalter hna lai,’ tiin aa ṭial.

DEUTERONOMI 12:31

Cu bantuk cun Bawipa nan Pathian cungah nan tuah lai lo; zeitintiah Bawipa nih a huatmi thil fihnung vialte cu an pathian hna cungah khan an tuah; zeitintiah an fapale hna le an fanule hna hmanh kha an pathian hna biaknak caah mei chungah an khangh hna.

DEUTERONOMI 18:10

Nannih lakah ahohmanh pekchanhnak caah a fapa siseh a fanu siseh a khaangmi nan um lai lo, litinthiam, bong zummi, mang ihthiam, eihthiam,

DEUTERONOMI 24:4

khi tikah a rak kaltertu a va hmasa nih khan, thurhhnawmh a si hnuah, a nupi si awk caah a la ṭhan ti lai lo; zeitintiah mah cucu Bawipa hmaiah fihnung a si i, ro caah Bawipa nan Pathian nih an pekmi hna ram cungah mawhnak nan tlunter lai lo.