JEREMIAH 32:34 - Lai (Hakha) Common Language Bible 2006

³⁴ An thil fihnung siasal hna cu ka min umnak inn chungah khan an chiah hna i an thurhnawmhter.

JEREMIAH 32:34 ပူးပေါင်းရင်းမြစ်များ

2 SIANGPAHRANG 21:1

Manasseh cu bawi hram aa thawk ah kum hleihnih a si i Jerusalem in kum sawm nga le kum nga a bawi. A nu min cu Hefzibah a si.

2 SIANGPAHRANG 23:6

Cun Bawipa inn chung khan Asherah kha a chuah i Jerusalem khua lengah Kidron tiva ah a kalpi, Kidron tiva ah cun a khangh i dip lak in a den cikcek i a dip cu mi zapi thlan cungah a thlet.

2 CHANRELNAK 33:15

Cun ramdang pathian hna le siasal kha Bawipa inn khan a ṭhial hna i Bawipa inn umnak tlang le Jerusalem i a sermi biakṭheng vialte kha khua lengah a hlonh dih hna.

2 CHANRELNAK 36:14

Tlangbawi hna lak i haotu deuhdeuh hna le mi zapi hna zong kha, cu bantuk cun zumhtlaklo ngaiin an um i miphun hna thil fihnung vialte kha an zulh ve; cun Jerusalem ah a thiantermi Bawipa inn kha a thurhhnawmh.

JEREMIAH 19:4

Zeicahtiah hi mi hna nih hin an ka hlawt i hi hmun hi keimah ta si hlah seh law cu bang cun an tuah, anmah nih siseh, an pupa hna nih siseh, Judah siangpahrang hna nih siseh, an hngalh bal lomi pathian hna sinah khan rai an thawi i hi hmun cu a sual lomi thisen kha an khahter.

JEREMIAH 23:11

“Profet nih si hna seh, tlangbawi nih si hna seh, An phu hnih in Pathian kha zei ah an rel lo; Ṭhat lonak an tuahmi kha ka inn chung hmanh ah ka hmuh, tiah Bawipa nih a ti.

JEREMIAH 30:14

Nangmah a rak in dawtu vialte nih khan an in philh cang; Zeihmanh ah an in rel ti lo. Ral nih an in ṭhuat bantukin kan ṭhuat i Zaangfahnak ngei loin dan kan tat cang; Zeicahtiah na ṭhat lonak cu a ngan i Na sualnak cu a tam ngaingai.

JEREMIAH 34:15

Nan pupa hna nih cun ka bia cu ngaih an duh lo i ka nawl zong zulh an duh lo. Sihmanhsehlaw nannih tu nih cun tunaite ah sal luatnak ding caah thawng nan thanh i ka hmaika ah, ka min a pumi inn chungah biakamnak nan ser i cucaah ka mithmuh ah a ṭhami thil kha nan tuah.

JEREMIAH 44:4

Ka sal profet vialte hna kha hi ralrinnak bia he hin nannih sinah ka rak thlah lengmang hna i, ‘Ka huatmi thil fihnung hi tuah sawh hlah u,’ tiah ka ti lengmang.

JEREMIAH 7:10

Cun ka sinah nan ra i ka min in kawhmi hi inn chungah hin keimah hmaiah nan dir i, ‘Kan him ko,’ nan ti, hi thil fihnung vialte hna tuah awkah hin kan him ko, tiah nan ruah.

JEREMIAH 7:30

Zeicahtiah Judah mi nih ka mit hmuh ah ṭhat lonak an tuah, tiah Bawipa nih a ti. Ka min in kawhmi inn kha fih a nungmi an siasal in an thurhhnawmh cang,

JEREMIAH 7:31

Benhinnom nelrawn ah Tofeth biaknak hmunthiang kha an ser i khika ah an fapa hna le an fanu hna kha an khangh hna; mah cucu keimah pekmi nawlbia a si lo, ka lunglai chuak balmi zong a si lo.