JEREMIAH 32:32 - Lai (Hakha) Common Language Bible 2006

³² Israel le Judah nih an siangpahrang hna le an bawi hna le an tlangbawi hna le an profet hna le Jerusalem le Judah ram chung i a ummi an mi hna nih ṭhat lonak an tuahmi in ka thin an ka phawh cang.

JEREMIAH 32:32 ပူးပေါင်းရင်းမြစ်များ

EZRA 9:7

Kan pupa hna chan in nihin tiang mawhnak nganpi kan tuah lengmang ko; cun kan ṭhat lonak caah cun kanmah le kan siangpahrang hna le kan tlangbawi hna cu ramdang siangpahrang hna kut chungah pek kan si i vainam le saltannak le ramhnak le mualphonak cu nihin i bang hin rak in lengmang kan si.

ISAIAH 1:23

Na bawi hna cu ralthawh hmangmi le mifir hna hawikom an si; laksawng le ziknawh kha an ei thluangthluan ko. Zung ah khan ngakṭah kha zeitikhmanh ah an ṭanh duh bal hna lo i nuhmei cu an bia kha a ngaih hmanh an ngaihpiak duh bal hna lo.

ISAIAH 22:1

Hi bia hi Langhnak Nelrawn kong bia a si. Zei thil dah a um? Zeicahdah khuapi chung mi hna cu an dihlak in an inn cung cio ah puai an tuah?

JEREMIAH 2:26

Mifir cu tlaih a si tikah a ning a zah bantukin Israel innchungkhar cu an ning a zak lai; Anmah le an siangpahrang hna le an bawi hna le an tlangbawi hna le an profet hna zong an ning a zak lai;

JEREMIAH 44:17

Judah ram khua hna le Jerusalem khua chung lam hna ah, kanmah le kan pupa hna le kan siangpahrang hna le bawile hna nih kan tuah tawn bantuk khan Vancung Khuazingnu sinah cun raithawinak kha kan khangh ko lai i thlet thawinak kha kan pekchanh ko lai. Zeicahtiah kha caan ah khan rawl tampi kan rak ngei i kan hna a rak ngam; vanchiatnak zeihmanh kan tong lo.

JEREMIAH 44:21

‘Nanmah le nan pupa hna le nan siangpahrang hna le nan bawile hna le hi ramchung mi hna nih Judah ramchung khua hna ah le Jerusalem khuachung lam ah nan tuahmi raithawinak kha Bawipa nih a philh hna lo,

JEREMIAH 7:17

Judah ram chung khua hna le Jerusalem khua chung lam hna ah khan zeidah an tuah kha na hmu lo maw?

EZEKIEL 22:6

Nangmah chungah hin Israel mi bawi vialte hna nih an thil ti khawhnak cu thisen chuahnak caah an hman;

DANIEL 9:16

Maw Bawipa, nang cu na ding ko, cucaah Jerusalem khua cungah na thin hung ti hlah. Jerusalem cu nangmah khua a si, na tlang thiang a si. Kan sualnak le kan pupa hna nih an rak tuahmi ṭhat lonak ruangah kan pawngkammi hna nih na mi le Jerusalem cu an kan zohchuk cang.

DANIEL 9:6

Kan siangpahrang hna le kan bawi hna le kan pupa hna le hi ram chung mi vialte hna sinah nangmah min in bia a rak chimtu na sal na profet hna cu an bia kan rak ngai hna lo.

DANIEL 9:7

Maw Bawipa nangmah cu na ding zungzal ko i kannih cu kan dihlak in kan tuahmi cu ningzak a si zungzal ko — Judea ram chungah a ummi le Jerusalem khua chungah a ummi si u sih, ram hla ah siseh, ram nai ah siseh, na kan ṭhekmi si u sih, nangmah sinah zumhawktlak loin khua a sami kan si ko.

DANIEL 9:8

Maw Bawipa, kan siangpahrang hna le kan bawi hna le kan pupa hna cung i ningzahnak a tlun bantuk khan kan cung zongah a tlung ve ko; nangmah cungah kan dihlak in kan sual ko.