JEREMIAH 32:24 - Lai (Hakha) Common Language Bible 2006

²⁴ Babilon mi hna nih khuapi cu lak awkah a velchum in kulhnak chuntlung an ser i annih nih an tuk. Raltuknak le mangṭam le rai nih khuapi cu an kut chungah a tlakter lai. Bawipa, nangmah nih na chimmi cu a tling ko cang ti kha na hmuh ko.

JEREMIAH 32:24 ပူးပေါင်းရင်းမြစ်များ

2 SAMUEL 20:15

Cun Joab sin i a ummi vialte kha an ra i Beth-maakah i Abel khua ah cun amah cu an dum; khua pawngah cun vawlei kha an hun toih i a kulhnak hrap duahmah ah cun a tlun; cun annih nih khua kulhnak cu chimh awkah heh tiah an den.

ISAIAH 37:33

Assiria siangpahrang kong ah Bawipa nih a chimmi cu hihi a si: “Hi khua chungah hin a luh zong a lut lai lo, thal zong pakhat hmanh a thlah lai lo. Phaw aa putmi ralkap zong nih a naih in an naih lai lo i a velchum ah raltuknak chuntlung zong zeihmanh ser a si lai lo.

JEREMIAH 16:4

Zawtnak ṭihnung ngaingai in an thi lai. Ahohmanh nih an ṭah hna lai lo, vui zong an tong lai lo. Vawlei i ek pon bantukin an ril lai. Annih cu ral kut in an thi lai, asiloah mangṭam in an thi lai, an ruak cu van i a zuangmi va hna le vawlei i a ummi saram hna caah rawl an si lai.

JEREMIAH 20:5

Cu hleiah, khuapi chung chawva vialte, rumnak vialte le Judah siangpahrang hna rorah vialte cu an ral hna kut chungah hranchaw ah ka pek hna lai i an tlaih hna lai i Babilon ah an kalpi hna lai.

JEREMIAH 24:10

Cun anmah le an pupa hna sinah ka pekmi hna ram in annih cu hrawh cikcek an si hlantiang, an cungah vainam le mangṭam le rai ka tlunter lai,” tiah a ti.

JEREMIAH 29:17

Mah hihi Ralkapbu Bawipa bia cu a si: An cungah vainam le mangṭam le rai kha ka tlunter lai i theipi ṭhalo, a ṭhat lo tuk ca i ei awk tlak a si lomi bantuk ah ka ser hna lai.

JEREMIAH 29:18

Annih cu vainam le mangṭam le rai in ka zulh hna lai i vawlei cung ram kip ah tuksapur ah ka ser hna lai, ka ṭhawl hnanak miphun kip sinah khan fihnung le ṭeifiak, zawmhtaih awk le nihsawh awkah ka ser hna lai.

JEREMIAH 32:25

Sihmanhsehlaw maw Bawipa Pathian, Babilon mi hna nih khuapi kha la dengmang cang hna hmanh seh law, tehte hna hmaiah lo kha a ka cawktertu cu nangmah na si,” tiah ka ti.

JEREMIAH 32:28

Cucaah hi khuapi cu Babilon siangpahrang Nebukhadnezzar le a ralkap hna sinah ka pek lai i annih nih an lak lai.

JEREMIAH 32:3

“Bawipa nih, ‘Hi khua hi Babilon siangpahrang sinah ka pek lai i a lak lai.

JEREMIAH 32:36

“Cucaah Bawipa, Israel Pathian nih aa thawh i, ‘Jeremiah, hi mi hna cu raltuknak le mangṭam le rai nih hi khuapi cu Babilon siangpahrang kut chungah a phakter lai, tiah na chimh hna. Sihmanhsehlaw atu cu chim awk ka ngeih rihmi kha ngai tuah.

JEREMIAH 32:5

Zedekiah cu Babilon ah an kalpi lai i khika ah a cung i rian ka ṭuan hlantiang a um lai. Babilon mi kha do hmanh hna seh law, a tei hna lai lo, tiah Bawipa nih a ti, tiah Jeremiah cu na chim”, tiah Zedekiah Siangpahrang nih cun a ti i cucaah khika ah khan thong i a thlaknak cu a si.

JEREMIAH 33:4

Keimah, Bawipa, Israel Pathian nih, Jerusalem khua chung inn hna le Judah siangpahrang inn cu an rawk lai; Babilon mi hna nih kulhnak chuntlung ah an sermi hna cu va chuah i va tuk kha santlailo a si,” ka ti.

JEREMIAH 34:17

Cucaah hitin Bawipa nih a ti: Ka bia nan ngai lo; nan phunhawi Hebru mi kha luatnak nan pe hna lo. Cucaah keimah zong nih luatnak kan pek ve ding hna cu: tuknak le rai le mangṭam in thihnak kha a si lai. Nan cung i ka tuahmi ruangah vawlei cung ram vialte cu an tuksa nan purh hna lai.

JEREMIAH 52:4

A bawi kum kuanak, thla hra thla, cu thla ni hra ni ah cun Babilon siangpahrang Nebukhadnezzar cu Jerusalem tuk awkah, a ralkapbu pi he an ra i an kulh i a velchum in ralvennak innsang kha an sakhnawh.

JEREMIAH 52:6

Cun khuapi chungah cun mangṭam cu a fak tuk hringhran cang i mi caah rawl a um ti lo caah cu kum thla linak thla a ni kua ni ah khuapi cu an bauh khawh.

JEREMIAH 6:6

Mahtihin Ralkapbu Bawipa nih a ti, “Jerusalem khua thingkung kha hau hna u law Ral tuknak chuntlung kha a pawngah serhnawh u. A chungah hin zeidang um loin hremnak lawnglawng a um caah Hi khua hi dan ka tat lai.”

EZEKIEL 14:21

“Mah hihi Bawipa Pathian bia cu a si: Cucaah cun ka dantatnak pali, vainam le mangṭam, sahrang le rai hna hi, minung le saṭil hna hrawh awkah Jerusalem khua cung i ka tlunter tikah, a caah zeitluk in dah ruahchannak a tlawm chinchin lai!

EZEKIEL 21:22

Camcawhnak thal ‘Jerusalem’ ti i ṭialmi kha a orhlei kamah a tla: cucaah cuka ah cun au i raldohnak hawhawt in hawhawt i kutka chimhnak dennak kha ser i raltuknak chuntlung kha ser i ralvennak buk kha sak awk a si.

EZEKIEL 21:27

Rawhralnak, rawhralnak! Asi, khuapi cu rawhralnak chungah ka phakter lai. Asinain khuapi dantattu dingah ka thimmi a phak hlan cu hi rawhnak hi a tlung lai lo. Amah sinah cun khuapi kha ka pek lai.

EZEKIEL 26:8

Ramlak i a ummi na fanu hna cu vainam in a thah hna lai. Nangmah cu ralvennak buk an sakhnawh lai i kulhnak lungrual kha an chonhnawh lai i phaw kha an tianhnawh lai.

EZEKIEL 4:2

cun Jerusalem khua cu hreng law ralvennak buk kha sakhnawh law raltuknak chuntlung khan kulh law riahhmun hna kha serhnawh law ralhau vampang chimhnak thingthluan kha a velchum in chiahhnawh tuah.

HABAKKUK 1:10

Siangpahrang cu an nihsawh men ko hna i uk bawi hna cu zeihmanh ah an rel hna lo; Ralhau an hmuh ah an nih a chuak men i raltuknak chuntlung kha an serhnawh duak hna i an lak ko hna.

ZEKHARIAH 1:6

Sihmanhsehlaw ka profet hna sinah ralrinnak bia le biachahnak bia ka pekmi hna nih khan nan pupa hna cu a phak hna a si lo maw? Khi tikah annih nih i ngaihchih in, ‘Ralkapbu Bawipa nih aa timhning bantukin kan cungah a tuah cang; kan nunning le kan tuahsernak he aa tlakning in kan cungah a tuah,’ tiah an ti lo maw?” tiah a ti.

MATTHAI 24:35

Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.

DEUTERONOMI 4:26

Jordan tan in nan va co laimi ram chung cun nan rawk cikcek zau lai, tiah nihin ni ah hin nanmah hngaltu ah van le vawlei ka kawh hna; a chungah saupi nan nung lai lo, nan lo dih cikcek ko lai.