JEREMIAH 32:20 - Lai (Hakha) Common Language Bible 2006

²⁰ Izipt ram chungah khan hmelchunhnak le khuaruahharnak kha na tuah hna i nihin tiang zong hin Israel mi hna lak le minung vialte hna lakah na tuah lengmang ko rih hna, cun nihin ni tiang i a nungmi min kha nangmah nih naa ser.

JEREMIAH 32:20 ပူးပေါင်းရင်းမြစ်များ

2 SAMUEL 7:23

Pathian nih amah mi si awk ca i tlanh awkah a kalhnawh hna i amah ca i min pakhat i ser i, amah mi hna hmai in miphun pakhat le cu miphun khuazing hna kha ṭhawl in annih cu thil lianngan le ṭihnung a tuahpiakmi hna, na mi Israel mi hna bantuk hi, vawlei cungah hin zei miphun tal an um ti maw?

1 CHANRELNAK 17:21

Pathian nih amah mi si awk ca i tlanh awkah a kalhnawh hna i, thil lianngan le thil ṭihnung in nangmah caah min pakhat i ser i Izipt ram chungin na mi hna hmai in miphun hna kha na dawipiakmi na mi Israel mi hna bantuk hi vawlei cungah zei miphun dah a um ti?

NEHEMIAH 9:10

kan pupa hna kha zeirello in an ti hna kha na hngalh caah Faro le sinum hna le a ram mi vialte hna cungah hmelchunhnak le khuaruahhar kha na tuah i nihin ni tiangah a si bang hin min pakhat naa ser.

NEHEMIAH 9:11

Cun an hmaiah rili kha na cheu i cucaah rili chungah khan vawlei ro cungin an kal; cun a dawitu hna kha, a ṭhawngmi ti chungah lung a tlak bangin, a thukmi ti chungah na paih hna.

SALM 135:9

Faro le a bawi pawl dantatnak ah khuaruahharmi thil le hmelchunhnak kha a ser hna.

EXODUS 10:2

Cun cu lawng si loin annih lakah hi khuaruahharmi thil ka tuah tikah zeitindah Izipt mi cu mihrut ah ka ser hna ti kha nan fale le nan fale fachin kha nan chimh hna nakhnga caah a si fawn. Nan dihlak in Bawipa ka si kha nan hngalh lai,” a ti.

EXODUS 3:20

Ka ṭhawnnak kha ka hman lai i cuka ah cun khuaruahharmi thil kha ka tuah hna lai i cu khuaruahharmi thil cun Izipt cu dan ka tat lai. Cu hnu ceo ah cun an kalter hna lai.

EXODUS 7:3

Sihmanhsehlaw Faro cu a lung ka ṭhawnter lai i Izipt ram chungah hin khuaruahharmi thil tampi ka tuah lai nain

EXODUS 9:16

Sihmanhsehlaw ka ṭhawnnak kha nangmah cu kan hmuhsak khawh nakhnga kan nunter i cuticun ka minthannak nih vawleicung kha a cul dih lai.

ISAIAH 63:12

Zungzal hmunmi minthannak hmuh awkah, a mi hna hmaiah rili hmanh a cheu i a sal Moses thawngin thil lianngan a tuah i a ṭhawnnak a hmangmi Bawipa kha khuika ah dah a si hnga?” an ti.

ISAIAH 63:14

Cawrun kha ram ṭhatnak nelrawn ah an kanh hna bangin Bawipa nih a mi cu dinhnak a pek hna. Cuticun Bawipa nih khan a mi cu a hruai hna i a min cu thangṭhatnak a hmu.

JEREMIAH 13:11

Biar cu tai ah hren chih a si bantukin Israel mi vialte hna le Judah mi vialte hna cu an ning piin keimah ah kaa hren chih hna. Zeicahdah mahtin ka tuah ti ahcun, annih kha ka mi an si i ka caah min ṭhatnak le sunparnak an chuahpi nakhnga, ti caah a si; sihmanhsehlaw ka bia cu ngaih an duh lo.

DANIEL 6:28

Cuticun Daniel cu Darius uk chung le Persia mi Sairas uk chungah thluachuak in a um.

DANIEL 9:15

“Maw Bawipa kan Pathian, nangmah nih na mi hna Izipt ram in na chuahpi hnanak ah khan na ṭhawnnak cu na langhter i na ṭhawnnak cu atu tiangin hngalh camcin a si ko. Kannih cu kan sual cang, kannih cu kan palh cang.

LAMKALTU 7:36

A miphun kha Izipt ram in a chuahpi hna i Izipt ram le Rili Sen le thetse ram ah khan kum sawm li chung khuaruahhar le hmelchunhnak thil kha a tuah hna.

DEUTERONOMI 11:3

Izipt ram chungah Izipt siangpahrang Faro le a ram vialte cungah a tuahmi a hmelchunhnak le khuaruahharnak;

DEUTERONOMI 4:34

Asiloah, pathian zei tal nih miphun dang pakhat chungin miphun pakhat cu amah ca i va kal i vaa lak awkah, hneksaknak le hmelchunhnak le khuaruahharnak le ral dohnak le a ṭhawngmi kut le samhmi ban le thil ṭihnung in, Bawipa nan Pathian nih Izipt ram ah nan mit hmuh ah an tuahpiakmi hna vialte bang khan tuah a zal bal maw?

DEUTERONOMI 6:22

Bawipa nih cun a ngan le ṭih a nungmi hmelchunhnak le khuaruahharnak hna cu Izipt le Faro le a innchungkhar vialte cungah kan mithmuh ah a langhter hna i,

DEUTERONOMI 7:19

nan mi nih a hmuhmi hneksaknak ngan le hmelchunhnak le khuaruahharnak le a ṭhawngmi kut le samhmi ban in Bawipa nan Pathian nih an chuahpi hnanak kha hngal camcin ko u; cu bangin Bawipa nan Pathian nih nan ṭihmi miphun vialte hna cungah a tuah lai.