JEREMIAH 32:17 - Lai (Hakha) Common Language Bible 2006

¹⁷ ‘Maw Bawipa Pathian, Na ṭhawnnak a nganmi le samhmi na ban in van le vawlei hi na ser hna; nangmah caah a si kho lomi thil zeihmanh a um lo.

JEREMIAH 32:17 ပူးပေါင်းရင်းမြစ်များ

GENESIS 18:14

Bawipa caah hin zei thil paoh hi a har tukmi a um maw? A caan a tlin tikah kumvoi atu tikah hin na sinah ka ra ṭhan lai i Sarah nih fapa a hrin lai,” a ti.

2 SIANGPAHRANG 19:15

Cun Bawipa hmaiah cun Hezekiah nih thla a cam i, “Maw Bawipa, Israel Pathian, cherubim cungah a ṭhumi, vawlei cung pennak vialte hna Pathian cu nangmah lawnglawng hi na si; nangmah nih van le vawlei kha na ser hna.

2 SIANGPAHRANG 3:18

Mah hi cu Bawipa mithmuh ah cun a fawimi thil a si ko; Moab mi hna zong cu nan kut chungah an pek hna lai,

NEHEMIAH 9:6

Nangmah lawnglawng hi Bawipa cu na si; nangmah nih van cu na ser, a sang bik van cu a chung i a ummi thil vialte he na ser hna i vawlei le a cung i a ummi thil vialte zong hi na ser hna i rili le a chung i a ummi thil vialte zong hi na sermi an si dih. An dihlak hin nangmah nih na hmunhter hna i van i a ummi thil vialte nih khin nangmah cu an in biak.

JOB 42:2

“Nangmah nih zeizong vialte na tuah khawh i Na tinhmi cu dawnh khawh a si lo ti kha ka hngalh.

SALM 102:25

hlanpi ah vawlei cu na rak ser cang, Nangmah nih na kut hrimhrim in van khi na ser hna.

SALM 136:12

A ṭhawngmi a kut le a ban in a chuahpi hna, a dawtnak cu zungzal in a hmun.

EXODUS 20:11

Ni ruk chungah Bawipa nih van le vawlei le rili le an chung i a ummi thil vialte kha a ser hna i ni sarih ni ah cun aa din. Cucaah cun Bawipa nih dinh ni cu thluachuah a pek i amah ca rian ṭuannak caah a duh.

ISAIAH 42:5

Pathian nih van khi a ser hna i a samh hna; vawlei le a cung i a ummi thilnung vialte kha amah nih a ser hna; vawlei cung i a ummi vialte kha nunnak le thaw a pek hna. Cu Bawipa Pathian nih cun a sal cu a thawh i,

ISAIAH 44:24

“Keimah cu Bawipa, nanmah an sertu hna le an khamhtu hna ka si. Keimah cu zeizong vialte a sertu Bawipa ka si. Keimah lawnglawng nih van cu ka samh hna; vawlei ka rak ser ah hin ahohmanh nih an ka bawm lo.

ISAIAH 45:12

Vawlei a sertu cu keimah ka si i a cung um dingah mi a sertu cu keimah ka si. Ka ṭhawnnak in van cu ka samh hna i ni le thlapa le arfi cu ka uk hna.

ISAIAH 59:1

Bawipa cu nanmah khamh awkah a kut a tawi lo, bawmhnak nan halmi theihnak caah a hna a chet lo.

JEREMIAH 1:6

Khi tikah kei nih ka thawh i, “Aa, Bawipa Pathian! Zohhmanh, ngakchiate men ka si i biachim ka thiam lo,” tiah ka ti.

JEREMIAH 14:13

Cun kei nih kaa thawh i, “Maw Bawipa Pathian, profet nih an thawh hna i, ‘Vainam nan tong lai lo, mangṭam zong nan ing lai lo, hi hmun ah hin daihnak cu kan pek hrimhrim hna lai,’ a ti, tiah an ti hna,” ka ti.

JEREMIAH 21:2

“Babilon siangpahrang Nebukhadnezzar nih a kan tuk caah hin Bawipa cu rak kan halpiak tuah. Bawipa nih cun hlanah a rak tuah tawn bantuk khan khuaruahharnak a hei tuah ko hnga i Nebukhadnezzar nih a kan kulhnak hi a lak zong a hei lak ṭhan ko hnga,” a ti.

JEREMIAH 27:5

‘Ka ṭhawnnak a nganmi le aa samhmi ka baan in vawlei cu ka ser i vawlei cung i a ummi minung le saram hna cu ka ser hna; cun aa tlak ti i ka ruahmi sin paoh ah ka pek khawh.

JEREMIAH 32:27

“Keimah cu Bawipa, mi vialte i Pathian ka si. Ka caah a si kho lomi thil zeital a um maw?

JEREMIAH 33:3

“Nan ka auh ahcun kan leh hna lai i a nganmi le a thukmi thil nan hngalh bal lomi hna kha kan chimh hna lai.

JEREMIAH 4:10

Cun kei nih ka thawh i, A, Bawipa Pathian, hi mi hna le Jerusalem khua cu, ‘Daihnak nan hmu lai,’ tiin na rak timi hna kha na hlen diam hna a si ko, zeicahtiah vainam tu nih pei an nunnak cu a chunh kun hna hi, ka ti.

JEREMIAH 51:15

Pathian nih vawlei hi a ṭhawnnak in a ser, Vawlei hi a umnak hmun ah hin a fimnak in a umter; Van khi a thiamnak in a samh hna.

JEREMIAH 51:19

Jakob sertu Pathian cu hi hna bantukin a si lo, Zeicahtiah amah cu zeizong vialte sertu a si i Israel hi amah ca hrimhrim i aa kawhmi miphun a si, Amah a min cu Ralkapbu Bawipa a si.

EZEKIEL 11:13

Bia ka chim lengmang lioah cun Benaiah fapa Pelatiah cu a thi; cun ka bawk i fak piin ka ṭap i, “Maw Bawipa Pathian, a tangmi Israel mi vialte kha an donghnak na phakter dih ko hna lai maw?” tiah ka ti.

EZEKIEL 9:8

Annih nih an rian an ṭuan lioah khan keimah lawng cu ka um i khi tikah ka bawk i, “Maw Bawipa Pathian, Israel mi a tangmi vialte hi na thah dih hna lai maw? Jerusalem khua cungah na thinhunnak cu na bungh ko lai maw?,” tiah ka au.

DANIEL 2:22

A thukmi biathuk kha a phuan; mui lakah zeidah aa thup ti kha a hngalh i ceunak nih amah cu a kulh.

DANIEL 6:20

Siangpahrang cu cuka cu a va phak tikah Daniel cu lau lengmang in a vun auh i, “Daniel, a nungmi Pathian salpa, a rian na ṭuan zungzalmi na Pathian nih cun chiandeih hna sin khan an khamh kho maw?” tiah a ti.

ZEKHARIAH 12:1

Chimmi bia: Mah hihi Israel kongah Bawipa nih a chimmi bia cu a si, Bawipa cu van kha a samh i vawlei kha a ser i minung chungah thlarau a sertu kha a si.

ZEKHARIAH 8:6

Mah hihi ralkapbu Bawipa bia cu a si: “Hi miphun chungin a tangmi hna caah, cucu cu ni ah cun a si kho lomi thil lo hmanh seh law, ka caah tah a si kho lomi thil a lo ve hnga maw?” ti hi ralkapbu Bawipa bia hrimhrim a si.

NAMBAR 11:23

Cun Bawipa nih Moses sinah cun, “Bawipa kut cu a tawi hlah maw? Nannih ca i ka bia bangin a tlin le tlin lo cu na hmuh ko lai,” tiah a ti.

MATTHAI 19:26

Jesuh nih dengteo in a vun zoh hna i, “Hihi minung caah cun a si kho lo, sihmanhsehlaw Pathian caah cun zeizong vialte hi a si kho ko,” tiah a leh hna.

MARKA 10:27

Jesuh nih cun dengteo in a zoh hna i, “Hihi minung caah cun a si kho lo, sihmanhsehlaw Pathian caah cun a si kho ko, zeicahtiah Pathian nih a tuah khawh lomi zeihmanh a um lo,” tiah a ti hna.

LUKA 1:37

zeicahtiah Pathian nih a tuah khawh lomi thil zeihmanh a um lo,” tiah a ti.

LUKA 18:27

Jesuh nih a leh hna i, “Minung tuah khawh lomi hi Pathian nih cun a tuah khawh ko,” tiah a ti.

LAMKALTU 14:15

“Zeicahdah mah hihi nan tuah? Kannih zong minung sawhsawhte kan si ve ko, nanmah bantuk minung kan si ve ko. Hika i kan ratnak cu nannih kha hi santlailo thil hna hi hlawt i van le vawlei le rili le a chung i a ummi thil vialte a sertu Pathian lei i mer awkah Thawngṭha ra chim kha a si.

LAMKALTU 15:18

Cuticun Bawipa, hlanlio piin thil a rak chimtu nih cun a ti.’

LAMKALTU 17:24

Vawlei le a cung i a ummi thil vialte a sertu Pathian hi vancung le vawlei Bawi a si i minung sermi biakinn chungah a ummi a si lo.

BIAPHUAN 4:11

“Kan Bawipa le kan Pathian, Nangmah cu sunparnak le upatnak le lianhngannak kha hmuh awkah aa tlakmi na si. Zeicahtiah zeizong vialte kha nangmah nih na ser hna i Nangmah duhnak bangin annih cu ser an si i nunnak an ngei,” tiah an ti.