JEREMIAH 31:9 - Lai (Hakha) Common Language Bible 2006

⁹ Inn ah an ra tlung, an tlun pah in an ṭap, Sihmanhsehlaw ka hnemh hna lai i keimah cu a cawngtu hna ka si lai. A luangmi tiva ah ka hruai hna lai; An lam kha a mil tuk caah an tlu an ril lai lo. Zeicahtiah keimah cu Israel mi caah an pa ka si cang i Efraim cu ka fapa upa bik a si.

JEREMIAH 31:9 ပူးပေါင်းရင်းမြစ်များ

1 CHANRELNAK 29:10

Cucaah David nih Bawipa cu aa pummi vialte hmaiah cun a thangṭhat i David nih cun, “Maw Bawipa, kan pu Israel i Pathian, nangmah cu zungzal thluangthluan in thangṭhat na si ko.

SALM 107:7

A hruai hna i an umnak ding khua ah khan a kalpi hna.

SALM 23:2

Ramhring lakah a ka bawhter, dinh hmun ti pawngah a ka hruai.

SALM 89:27

Amah cu ka fater ah ka ser lai i siangpahrang vialte lak i a ngan bik ka siter lai.

EXODUS 4:22

Cu tikah Faro cu na thawh lai i, Bawipa nih, ‘Israel cu ka fapa upa bik a si.

ISAIAH 42:16

A mit a cawmi ka mi cu, an kal bal lonak lam khan ka kalpi hna lai. Muihnak cu ceunak ah ka canterpiak hna lai i an hmai i lam bingbo cu lam mil ah ka ser hna lai. Hi thil hi tlolh lo tein ka tuah hrimhrim hna lai.

ISAIAH 43:20

Ka thimmi ka mi hna ti pek awk caah ramcar chung i tiva ka luanter hna tikah cun, ramlak saram hmanh nih khan an ka upat lai, ram-ui le ostrik va hmanh nih khan an ka upat lai.

ISAIAH 45:11

Bawipa, Israel Pathian thiang, hmailei thil um ding a sersiamtu nih, “Ka fale kong ah zeihmanh bia na ka hal awk a si lo; cun khakha na ti awk a si, khakha na tuah awk a si, ti zongah na ka chimh awk a si lo.

ISAIAH 57:14

Bawipa nih, “Ka mi cu ka sinah kirter hna u. An lam i dawntu a ummi vialte kha ṭhial dih hna u. Lam kha co u law sersiam u.

ISAIAH 63:13

Bawipa nih ti thuk a tanpi lio hna ah khan, ramlak rang bantukin an ke a fek i voi khat hmanh an ril lo.

ISAIAH 63:16

Nangmah cu kan Pa na si. A kan hringsortu Abraham le Jakob hmanh nih an kan bawm kho lo, sihmanhsehlaw Bawipa, nangmah cu kan Pa na si. Nangmah cu a kan chuahtu zungzal na si.

ISAIAH 64:8

Sihmanhsehlaw Bawipa, nangmah cu kan Pa na si. Kannih cu tlak bantuk kan si i nangmah cu um sertu bantuk na si. Nangmah nih kannih cu na kan ser,

JEREMIAH 3:19

Zeitluk in dah nannih cu lawmhnak he fa bantukin ka hei in tuah hna hnga i A nuammi ram, miphun vialte hna ram lak i aa dawh bik ro cu ka hei in pek ko hna hnga, ka ti. Cun nannih nih keimah cu, ka Pa, tiah nan ka ti lai i Keimah zulhnak lam khan nan pial ti lai lo, tiah ka ruah.

JEREMIAH 3:4

Cun atu naite ah naa thawh i, “Nangmah cu ka Pa, ka no lio in ka hawi ṭha zungzal na si”; na ti i

JEREMIAH 31:20

“Efraim, nangmah cu ka dawt bikmi fa na si. Na min ka chim fate, nangmah kha dawtnak in kan ruat tawn. Nangmah cu ka lung nih an ngai i na cungah zaangfahnak ka ngei lai,” tiah Bawipa nih a ti.

JEREMIAH 50:4

Khi ni le khi caan ah cun Israel mi hna le Judah mi hna cu hmun khat ah an ra ṭi lai i Bawipa an Pathian cu mitthli he an kawl lai;

HOSEA 12:4

Vancungmi he khan an i pai i a tei. Jakob cu a ṭap i thluachuahnak ka pe tiah a hal. Khi tikah Pathian cu Jakob sinah cun Bethel ah khan a ra i amah he cun an i chawn.

HOSEA 3:5

Sihmanhsehlaw cu hnuah cun Bawipa an Pathian le David an siangpahrang kha an kawl ṭhan hna lai i Caan donghnak ah cun Bawipa leiah khan a ṭhatnak ruangah ṭihzah ngaiin an i mer ṭhan lai,” ka ti.

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

MALAKHI 2:10

Kan dihlak in pa pakhat fa kan si lo maw? Pathian pakhat sermi kan si lo maw? Zeicahdah pakhat le pakhat cung i zumhawktlak lo i kan umnak thawngin kan pupa hna sin i biakamnak cu kan hrawh?

NAMBAR 2:18

“Nitlaklei kam i a um hnga ding cu Efraim riahhmun alan a si lai, an bubu in, Efraim mi a hruitu hna cu Ammihud fapa Elishama a si,

MATTHAI 3:3

Profet Isaiah nih, “Mipa pakhat cu ramlak ah a au i ‘Bawipa cu a lam kha rak sialpiak u, A kalnak dingah lam kha ding tein rak tuahpiak u,’ tiah a ti,” a ti tikah khan a rak chimhnawhchan duhmi cu Johan hi a si.

MATTHAI 5:4

A ṭap a hrammi cu lunglawmmi nan va si dah! Pathian nih an hnemh hna lai.

MATTHAI 6:9

Cucaah hi bantuk hin thla nan cam awk a si: ‘Vancung khua i a um kan Pa, Na min thiang cu upat si ko seh;

LUKA 6:21

Nannih atu i rawl a ṭammi hna i lawm u, Nan paw a khim lai. Nannih atu i a ṭapmi hna i lawm u, Nan ni lai.

ROM 8:26

Cu bantuk ṭhiamṭhiam cun, a der ngaingaimi kan si caah, Thlarau zong cu kanmah bawmh awkah khan a ra. Zeiti hin dah thla kan cam awk a si ti hmanh kan hngalh lo caah bia in chim khawh lomi hram-ainak in Thlarau nih Pathian cu a kan nawlpiak.

2 KORIN 6:18

Keimah cu nan pa ka si lai i nannih cu ka fapale le ka fanule nan si lai, tiah Bawipa Lianngan Bik nih a ti,” tiah a ti.

DEUTERONOMI 14:1

“Nannih cu Bawipa nan Pathian i fapa nan si; mithi caah nan i at lai lo i nan mittlang hmul zong nan i met lai lo.

DEUTERONOMI 32:6

Nannih mihrut le minga hna, Bawipa cu hi bantukin nan rulh lai maw? Amah cu na pa, nangmah an ser, an siam i An fehtertu a si lo maw?

HEBRU 12:13

cun a ping a pang ah nan ke hlang sual lo tein um u. Cu ti nan tuah ahcun a beimi nan ke kha a rawk lan lai lo i hmasa i ṭhawnnak a rak ngeihmi kha a ngei ṭhan kho lai.

HEBRU 12:23

Pathian fapa upa bikbik, vancung ah an min aa ṭial cangmi hna lunglawm in an i pumhnak kha nan phan cang. Mi vialte biaceihtu a simi Pathian le mitling i sermi hna miding mi thlarau hna sin kha nan phan cang.

HEBRU 5:7

Vawlei cung a um lioah, Jesuh nih thihnak in a khamh khotu Pathian sinah aihramnak le mitthli he thlacamnak le nawlnak kha a tuah. Amah cu a lung a nemmi le Pathian sinah aa pemi a si caah Pathian nih a theih.

BIAPHUAN 7:17

Zeicahtiah bawiṭhutdan laifang i a ummi Tuufa kha an tuukhal a si lai i nunnak tiput cerhkam ah a kalpi hna lai. Cun Pathian nih an mitthli vialte kha a hnawhpiak dih hna lai,” a ti.