JEREMIAH 31:35 - Lai (Hakha) Common Language Bible 2006

³⁵ Chun ceutertu ah ni a chia i zan ceutertu ah arfi le thlapa kha a chia i rili tilet kha a thawhter i a awnhtertu nih hitin a ti, a min cu Ralkapbu Bawipa a si:

JEREMIAH 31:35 ပူးပေါင်းရင်းမြစ်များ

JOB 26:12

A ṭhawnnak in rili rulpi kha a cheu, a thiamnak in Rahab kha a thah.

JOB 38:33

Van a uktu phung hna khi nangmah nih maw na ser hna? Vawleicung thil umtuning a uktu phung hna hi nangmah nih dah na chiah hna?

SALM 106:9

Rili Sen cu nawl a pek i a ro, cun a mi cu vawlei ro cung kal bantukin a kalpi hna.

SALM 119:89

Bawipa, na bia cu zungzal in a hmun lai; vancung ah khin fek tein a um.

SALM 119:91

Nangmah nawlbia thawngin zeizong vialte hi nihin ni tiang an hmun, zeicahtiah zeizong vialte cu an dihlak in na sal an si.

SALM 148:6

amah nawl pekmi thawngin annih cu an umnak hmun cio ah khan zungzal in an um i a nawl ngai loin an um lo.

SALM 72:17

A min cu zeitikhmanh ah philh si ti hlah seh; a minthannak cu ni a um chung paohpaoh dai loin um zungzal ko seh. Miphun zakip nih amah cu thangṭhat hna seh, mi vialte nih Pathian cu, siangpahrang thluachuah na pek bantukin kannih zong ka pe ve, tiin nawl hna seh.

SALM 72:5

Ni a ceu chung paoh le thla a ceu chung paoh cu na mi nih a zungzal in in bia hna seh.

SALM 74:13

A ṭhawngmi na thazang in rili kha na cheu i rili chung rulpi kha an lu na den dih hna.

SALM 74:16

Chun le zan cu nangmah nih na ser hna, ni le thlapa cu an umnak hmun cio ah khan na chiah hna.

SALM 78:13

Rili kha a cheu i a chungin a hruai hna; ti cu vampang bantukin a dirter hna.

SALM 89:2

Na dawtnak cu zungzal in a hmun lai ti kha ka hngalh, zumhawktlak na sinak cu van tlukin a fek.

ISAIAH 48:2

Asinain, kannih cu khua thiangmi kan si, Israel Pathian aa bochanmi kan si, cu Pathian cu a min ah Ralkapbu Bawipa a si, tiin nan i porhlaw.

ISAIAH 51:15

“Keimah cu Bawipa nan Pathian ka si; rili cu ka thawhter i a tilet cu ka awnhter hna. Ka min cu Ralkapbu Bawipa a si!

ISAIAH 54:5

Nangmah an sertu cu na va bantuk a si lai — a min cu Ralkapbu Bawipa a si! Israel Pathian thiang nih cun an khamh lai — amah cu vawlei cung dihlak uktu a si.

ISAIAH 63:12

Zungzal hmunmi minthannak hmuh awkah, a mi hna hmaiah rili hmanh a cheu i a sal Moses thawngin thil lianngan a tuah i a ṭhawnnak a hmangmi Bawipa kha khuika ah dah a si hnga?” an ti.

JEREMIAH 10:16

Jakob sertu Pathian cu mah hna bantuk hi a si lo, Amah cu zeizong vialte sertu a si i Israel hi amah ca hrimhrim i aa kawhmi miphun a si; Amah a min cu Ralkapbu Bawipa a si.

JEREMIAH 32:18

Minung thong tampi cungah khan zumhawktlak na sinak kha na langhter peng ko, sihmanhsehlaw an pale sualnak man kha an hnu i a hung ummi an fale cungah khan na tlunter fawn.

JEREMIAH 33:20

“Hi hi Bawipa bia a si: Chun ca le zan ca i phung ka sermi hi hrawh khawh a si i annih nih ningcang loin an um khawh a si ahcun,

JEREMIAH 33:25

Sihmanhsehlaw Bawipa keimah nih chun le zan he biakamnak kan ngei i vawlei le van a uktu phunglam kha ka ser hna.

JEREMIAH 33:26

Mah hihi ka tuah bantukte hin Jakob tefa hna le ka sal David sin i ka biakamnak cu ka fehter lai. Abraham, Isak le Jakob tefa hna uktu ah David tefa pakhat kha ka thim lai. Ka mi cu an van ṭhatnak kha ka pek ṭhan hna lai i an cungah zaangfahnak ka ngei lai,” tiah a ti.

JEREMIAH 46:18

“Ka nun bangin,” tiah Siangpahrang, a min Ralkapbu Bawipa a simi nih cun a ti. Tlang hna lak i Tabor tlang a san cem bantuk le Karmel tlang cu rili cung sangpi ah aa hlorh bantukin Nangmah an dohtu dingmi a ṭhawnnak cu a si lai.

JEREMIAH 5:22

Nan ka ṭih lo maw? tiah Bawipa nih a ti; Ka hmaiah nan tha a ther lai lo maw? Rili caah thetse kha ramri ah a chia i A lonh khawh lo zungzalmi dawntu a caah a chiatu keimah hmaiah hin nan tha ther loin maw nan um ko lai? Rili tilet cu an tho ko lai, sihmanhsehlaw an lonh kho lo; Tilet cu an awn ko lai, sihmanhsehlaw an pah kho lo.

JEREMIAH 50:34

Sihmanhsehlaw bawmtu ṭhawng an ngei, A min cu Ralkapbu Bawipa a si; Amah hrimhrim nih an bia cu a chimpiak hna lai, Babilon le a mi hna cungah cun harnak le hnahnawhnak a tlunter lai.

JEREMIAH 51:19

Jakob sertu Pathian cu hi hna bantukin a si lo, Zeicahtiah amah cu zeizong vialte sertu a si i Israel hi amah ca hrimhrim i aa kawhmi miphun a si, Amah a min cu Ralkapbu Bawipa a si.

HOSEA 13:14

Hi mi hna hi Sheol chungin ka khamh hna lai lo, Thihnak ṭhawnnak chung zongin ka chuah hna lai lo. Maw thihnak, na rai hna he cun ra tuah! Sheol, hrawh khawhnak ṭhawnnak na ngeihmi he cun ra tuah! Hi mi hna hi an cungah zaangfahnak zeihmanh ka ngei lo.

AMOS 9:8

Zohhmanh, Bawipa Pathian nih hi a sualmi pennak cungah hin ka mit ka chiah i, Vawlei cung hin ka hloh lai,” tiah a ti. Asinain Jakob tefa hna cu an ci an ruang in ka hlo hna lai lo, tiah Bawipa nih a ti.

MATTHAI 5:45

Cuticun vancung khua i a ummi nan Pa fale cu nan si lai. Anih nih cun a ṭhami he a ṭha lomi he, an cungah a ni kha a tlanter i, ṭhatnak a tuahmi he ṭhat lonak a tuahmi he, an cungah a ruah kha a surter.

DEUTERONOMI 4:19

Cun van khi nan hun zoh i nika le thlapa le arfi hna, van i a ummi thil vialte cu, nan hmuh tik hna ah, annih biak awk le an hmai i kun awkah hnuh nan si sual nakhnga lo i ralring tuah u. Mah hna hi cu Bawipa nan Pathian nih vanrang toi miphun dang vialte tu kha a pek hna,