JEREMIAH 31:32 - Lai (Hakha) Common Language Bible 2006

³² Izipt ram in chuahpi awkah an kut in ka hruaimi hna an pupa hna sinah ka tuahmi biakamnak bantuk kha a si lai lo. Ka biakamnak kha an zul lo nain an cungah ka lung a sau, tiah Bawipa nih a ti.

JEREMIAH 31:32 ပူးပေါင်းရင်းမြစ်များ

1 SIANGPAHRANG 8:9

Israel mi nih Izipt ram in an chuah tikah Bawipa nih annih he biakamnak a tuahnak Horeb tlang i Moses nih a khumhmi lung tlap pahnih hna dah ti lo kha cu, kuang chungah zeihmanh a um lo.

SALM 73:23

Asinain nangmah sin ṭhiamṭhiam ah khan ka um i ka kut in na ka hruai.

SALM 78:37

Amah sinah khan zumhawktlak in an um lo, amah sin i bia an i kammi kha an zul lo.

EXODUS 19:5

Cucaah ka nawlbia kha nan ngaih i ka biakamnak kha nan zulh ahcun, ka mi hrimhrim nan si lai. Vawlei hi a dihlak in ka ta a si, asinain, ka thimmi miphun cu nanmah hi nan si lai.

EXODUS 32:8

Nan zulh lai tiah ka timi hna lam cu khulrang in an kaltak i sui cawfa kha an i ser i cucu an biak i raithawinak kha an pek. Annih nih, ‘Israel, Izipt ram in a chuahtertu na pathian cu hihi a si,’ an ti,” tiah a ti.

SOLOMON HLA 8:5

Ho lengnu maw ramlak in rung lang, Lung a tum cia thlanghnun valpa he zaṭial tlaih in um ai hna. Semnak na nu nganfah tuar buin na chuahnak hmun Epal kung toiah in ṭhang ai ing,

ISAIAH 24:5

Mi nih Pathian nawlbia kha an buar caah vawlei cu an thurter i zungzal hmun dingin a sermi biakamnak kha an hrawh caah an hnawmhter.

ISAIAH 41:13

Keimah cu Bawipa nan Pathian ka si i ṭhawnnak kan pek hna; ‘Nan thinphang hlah u, kan bawmh hna lai,’ tiah keimah nih ka ti,” a ti.

ISAIAH 54:5

Nangmah an sertu cu na va bantuk a si lai — a min cu Ralkapbu Bawipa a si! Israel Pathian thiang nih cun an khamh lai — amah cu vawlei cung dihlak uktu a si.

JEREMIAH 11:3

Mah hihi Bawipa, Israel Pathian bia an si, tiah va chim hna.

JEREMIAH 11:4

Thir titnak somei a simi Izipt ram in nan pupa hna kha ka chuahpi hna tikah annih he biakamnak ka rak tuah i kha biakamnak bia a zul lomi paoh cu nan cungah chiatserhnak tlung ko seh. Annih cu ka rak thawh hna i, Ka nawl nan ngaih i kan chimh mi hna vialte nan tuah ahcun, ka mi nan si lai i nan Pathian ka si lai, ka rak ti.

JEREMIAH 2:2

“Va kal law Jerusalem vialte nih an theih nakhnga va au tuah, Bawipa bia cu hi bangin a si: Na ngaknut lio i na ka tlaihchannak le Hammi na si lio i na ka dawtnak kha ka hngalh camcin ko, Thetse ram, zeihmanh cinthlak lonak ram ah khan na rak ka zulh lengmang ko.

JEREMIAH 22:9

Cun an i lehnak cu, ‘Annih nih Bawipa an Pathian biakamnak kha an hlawt i pathian dang kha an biak hna i an rian an ṭuan hna caah a si,’ ti a si lai,” a ti.

JEREMIAH 3:14

Maw zumh awk tlak lo fale hna, ra kir tuah u, tiah Bawipa nih a ti; Zeicahtiah keimah cu nan Bawipa ka si; Nanmah cu khua khat chungin pakhat, innchungkhar pakhat chungin pahnih in kan lak hna lai i Zion ah kan kalpi hna lai.

JEREMIAH 31:1

Khi tikah keimah cu Israel phun vialte hna Pathian ka si lai i annih cu ka mi an si lai, tiah Bawipa nih a ti.

JEREMIAH 34:13

Hihi Bawipa, Israel Pathian bia cu a si: Nan pupa hna cu Izipt ram in, saltannak ram chungin ka chuahpi hna tikah annih sinah biakamnak ka ser.

JEREMIAH 34:14

Cucu hihi a si: ‘Nan sin i a hun i zuarmi Hebru mi, kum ruk an rian cangmi hna kha, nannih nih kum sarihnak chungah nan luatter hna lai.

EZEKIEL 16:8

“Cun na pawngah ka ra ṭhan i va ngeih cu na si cang ti kha kan hmuh. Ka puan cu kan zawnh i na taklawng cu kan huh. Cun kan hamnak kha ka fehter i nupi ah kan ṭhit i keimah ta ah na cang, tiah Bawipa Pathian nih a ti.

EZEKIEL 20:37

“Ka fung tangin kan lanhter hna lai i biakamnak chungah kan luhpi hna lai.

EZEKIEL 23:4

A upa u cu a min ah Oholah a si i a ngakchia deuh u cu Oholibah a si. Annih cu keimah ta ah an cang i fapa le fanu hna kha an ka hrinpiak. Oholah cu Samaria a si i Oholibah cu Jerusalem a si.

HOSEA 11:1

Israel cu ngakchia a si lio in ka dawt; Ka fapa cu Izipt ram chungin chuah awkah ka auh;

HOSEA 2:2

Nan nu cu lem tuah u, Amah cu keimah nupi a si lo maw? Keimah cu a va ka si lo maw? Hlawhhlangnu muisam a kenmi cu a hlawt i a duhtu hna cu a ṭang in a ṭhen hna nakhnga, lem tuah u.

HOSEA 3:1

Bawipa nih a ka thawh i, “Bawipa keimah nih Israel mi hna cu pathian dang kha an bia hna nain le siasal pekchanhmi mitsur tlai car changreu thlum kha an duh nain ka dawt ṭhiamṭhiam ko hna bantukin, Va kal law midang nih an duhmi, va cung pa duh nu nu pakhat cu va daw tuah,” tiah a ti.

LEVITIKAS 26:15

ka phungbia kha zei i nan rel hna lo i nan nunnak nih ka phunglam kha a huat i cucaah ka nawlbia tuah duh loin ka biakamnak lehlam kha nan hrawh ahcun,

MARKA 8:23

Jesuh nih cun mitcawpa cu a kut in aa hruai i khua lengah a chuahpi. Mipa mit cu a cil a chak hnuah Jesuh nih cun a cungah a kut a chuan i, “Zei tal na hmu kho maw?” tiah a hal.

JOHAN 3:29

Ṭhitmi ngaknu cu a ṭhitu tlangval ta pei a si cu. Nupi ṭhitu tlangval kawi cu a pawng khan a dir i nupi ṭhitu aw a theih tikah khan a lung aa lawm. Kei ka lunglawmhnak tlinter a sining zong cuticun a si ko.

LAMKALTU 23:19

Ralkapbu haotu nih cun a kut in a hruai i amah lawngin aa kalpi i, “Zeidah chimh awk na ka ngeih?” tiah a hal.

2 KORIN 11:2

Pathian nih an sian hna lo bantukin kei zong nih kan siang ve hna lo. Nannih cu Khrih he i um dingin ka ham cangmi ngaknu thiang bantuk nan si.

DEUTERONOMI 29:1

Horeb tlang i annih he biakamnak a rak tuahmi hleiah khan, Moab ram chungah Bawipa nih Israel mi hna sinah Moses cu biakamnak a sertermi chung i bia hna cu mah hi an si.

DEUTERONOMI 29:21

Cun hi phungbia cauk chung i aa ṭialmi biakam chiatsernak vialte ningin Bawipa nih amah cu Israel miphun vialte chungin chiatnak pek awkah a vun thur lai.

DEUTERONOMI 29:24

miphun vialte nih, ‘Zeicaahdah Bawipa nih hi ram cungah hi bangin a tuah? Hi thinhunnak a linhnak hi zei sullam dah a si?’ an ti lai.

DEUTERONOMI 31:16

Cun Bawipa nih Moses sinah, “Zohhmanh, na pupa hna sinah na it dengmang cang; khi tikah hi mi hna hi an tho lai i, an va umnak dingmi hna lakah cun cu ram pathian hna sinah cun hlawh an hlang lai i, an ka hlawt lai i, anmah he ka biakamnak ka sermi kha an buar lai.

DEUTERONOMI 31:20

Zeitintiah an pupa hna sinah pek awkin chiat ka sermi ram, cawhnuk le khuaihliti in a luangmi chungah ka luhpi hna i, khika ah annih nih an ei i an khim i an thau tikah, pathian dang leiah an i mer lai i an biak hna lai i an ka sersat lai i ka biakamnak kha an buar lai.

DEUTERONOMI 5:2

Bawipa kan Pathian nih Horeb ah kanmah he biakamnak a ser.

DEUTERONOMI 5:3

Hi biakamnak cu Bawipa nih kan pupa hna he a ser a si lo, sihmanhsehlaw nihin ah hika i a nung rihmi kannih kan dihlak he hin a ser a si.

HEBRU 8:9

Izipt ram chungin an pupa hna cu chuahpi awkah an kut in ka rak hruai hna ni i an sin i ka tuahmi biakamnak bantuk kha cu, a si lai lo. Anmah he ka tuahmi biakamnak kha zei ah an rel lo caah annih cu zei ah ka rel ve hna lo,’ tiah Bawipa nih a ti.