JEREMIAH 31:22 - Lai (Hakha) Common Language Bible 2006

²² Zeicahdah lung awṭawm in nan um lai, nannih zumhawktlak lomi hna? Bawipa nih thil thar pakhat vawlei cungah hin ka ser: nu nih pa an tluk hna lai.”

JEREMIAH 31:22 ပူးပေါင်းရင်းမြစ်များ

GENESIS 3:15

Nangmah le nu cu nan i hua lai, a tefa le na tefa cu ral an si lai. Mi nih na lu kha rial an in zuam lai i nang nih an kedil kha cuk naa zuam ve lai,” a ti.

ISAIAH 7:14

Atu cu Bawipa hrimhrim nih hmelchunhnak an pek lai. Fa a pawi liomi nu pakhat a um i fapa a hrin lai i a min ah Immanuel sak a si lai.

JEREMIAH 13:27

Va cungin pa nan i duhnak, hor au in nan aunak, nan thurhnawmhnak hna hi ka huat hna. Tlang cungah le ram lakah thil ṭhalo nan tuahmi kha ka hmuh hna. Aize, Jerusalem, nang cu khua thurhnawm na si ai! Zei can dah, zei can dah na rauh rih lai?

JEREMIAH 14:7

Kan ṭhat lonak nih sual kan phaw hmanh seh law, Maw Bawipa, na min ruangah kan bawm ko; Zumhtlak kan si lonak cu a tam ko, nangmah cungah kan sual ko.

JEREMIAH 2:18

Cun Nail tiva ti, va din awkah Izipt ram i na va kal lai cu, Na caah zei miaknak dah a um lai? Asiloah, Zufrates tiva ti va din awkah Assiria ram i na va kal lai cu, Zeidah na miakmi a um lai?

JEREMIAH 2:23

Zeitindah, ‘Kaa thurhhnawmh lo, Baal kha ka zul hna lo,’ na ti khawh? Nelrawn i na kalnak na lam khi zoh ngat; Na thil tuahmi kha philh hlah ngat. Hrem khawh lomi kalauk-la, a tlik tik i a ping le a pang i a tlimi,

JEREMIAH 2:36

Zeicahdah fawi tehlek in na kalnak lam cu naa thlen? Assiria nih an deuh bantuk khan Izipt zong nih an deuh ve lai,

JEREMIAH 3:1

Mipa pakhat nih a nupi kha a mak i a nupi nih cun a kaltak i midang nupi a si tikah, Cu pa nih cun cu nu cu a fuh ṭhan lai maw? Cu nu cu thurhhnawmh a si cang lo maw? A la ṭhan kho ti lo. Sihmanhsehlaw nannih cu duhtu tampi he hlawhhlang nan i celh i Atu cu ka sinah ra kir nan duh! tiah Bawipa nih a ti.

JEREMIAH 3:14

Maw zumh awk tlak lo fale hna, ra kir tuah u, tiah Bawipa nih a ti; Zeicahtiah keimah cu nan Bawipa ka si; Nanmah cu khua khat chungin pakhat, innchungkhar pakhat chungin pahnih in kan lak hna lai i Zion ah kan kalpi hna lai.

JEREMIAH 3:22

Maw a tlaumi ka fale hna, ka sinah ra kir u, Nan tlaunak kha kan damter hna lai. Maw Bawipa, na sinah kan ra, nangmah sinah kan ra; Zeicahtiah nangmah cu kan Pathian na si.

JEREMIAH 3:4

Cun atu naite ah naa thawh i, “Nangmah cu ka Pa, ka no lio in ka hawi ṭha zungzal na si”; na ti i

JEREMIAH 3:6

Josiah Siangpahrang chan ah Bawipa nih a ka thawh i, “Hi zumhawktlak lo Israel nih hin zeidah a tuah kha na hmu cang maw, tlang sang kip i a kai i thingkung hring kip toi i hlawhhlangnu aa celh hi?

JEREMIAH 3:8

Kha zumhawktlak lo Israel kha, vacung in pa aa duh caah maknak ca he ka kalter zong kha a hmuh fawn. Sihmanhsehlaw a unaunu, hlenhmang Judah kha a thin a phang lo, amah zong cu a kal i hlawhhlangnu kha aa celh ve lehlam.

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

JEREMIAH 49:4

Nannih ṭhawnnak a dong cuahmahmi hna, Zeicahdah nan ṭhawnnak cu nan i porhlawt len ko? Nannih mah hriamnam aa bochanmi lamtlaumi hna, Zeicahdah nan hriamnam cu nan i bochan i ‘Ahohmanh nih an kan tu ngam lai lo,’ nan ti?

JEREMIAH 7:24

Sihmanhsehlaw ngaih an duh lo i zeizong ah an rel duh lo, anmah ruahnak le anmah lungkhonnak tu kha an zul deuh i hmailei ah kal loin hnulei tu ah an kir.

HOSEA 11:7

Keimah cu an ka mertak cang i cu ruangah a chuakmi thil kha an hrial kho ti lai lo, An cung i an i khinhmi seihnam rit ruangah khan an ai len lai, sihmanhsehlaw ahohmanh nih an ṭhialpiak kho hna lai lo.

HOSEA 14:4

An zuanzamnak hi keimah nih ka damter lai i Ka lung chung taktak in ka dawt hna lai; An cung i ka thinhunnak cu a dam cang.

HOSEA 4:16

Israel mi cu cawla bantukin a lung a ṭhawngmi an si. Cucaah zeitindah tuufa bantukin ramhnonak ah cun rawl ka pek khawh hna lai?

HOSEA 8:5

Nan cawfa pathian cu an thu, maw Samaria; Ka thinhunnak cu an cungah a alh in a alh. Suallo tein an nun khi zeitik riamruam ah khin dik a hei si te lai.

ZEKHARIAH 7:11

Sihmanhsehlaw ngaih an duh lo, zeirello in keimah kha an ka hnuhoih, an hna kha an i phih i theih an duh lo.

NAMBAR 16:30

Sihmanhsehlaw, Bawipa nih thil thar zeimaw a ser i vawlei nih a kaa a an i an ngeihmi thil vialte he a dolh hna i Sheol ah a nung in an vung kal ahcun, cu tikah cun nannih nih mah hna nih hin Bawipa kha an zawmhtaih tiah nan hngalh lai,” tiah a ti.

MATTHAI 1:21

Fapa a hrin lai i a min ah Jesuh na sak lai — zeicahtiah a mi kha an sualnak chungin a khamh hna lai,” tiah a ti.

GALATI 4:4

Sihmanhsehlaw caan cu a hung phak tikah, Pathian nih A Fapa kha a run thlah. Nu chung khan a hung chuak i Judah mi Nawlbia tangah khan a um,