JEREMIAH 31:19 - Lai (Hakha) Common Language Bible 2006

¹⁹ Na sinin kan rak pial cang, sihmanhsehlaw ra kir ṭhan zau kha kan duh. Kannih kha dan na kan tat hnuah cun ngaihchia in kan lu lawng kan khun ko. Kannih nih kan no lioah kan rak sual caah khan ningzahnak le hmaichiatnak kha kan rak tong,’ an ti kha ka theih.

JEREMIAH 31:19 ပူးပေါင်းရင်းမြစ်များ

EZRA 9:6

“Maw ka Pathian, nangmah lei hoih hi ka ning a zak i ka hmai a sen ko, zeicahtiah kan ṭhat lonak nih kan lu a lonh i kan mawhnak cu van a tawng.

JOB 13:26

Nangmah nih ka dantatnak ding cu na ṭial hna i Ka tlanval lio ka ṭhat lonak rocotu ah khan na ka ser.

JOB 20:11

A ruh cu tlangval ṭhawnnak in a khat ko, Sihmanhsehlaw leidip ah a cang zau lai.

SALM 119:67

Dan na ka tat hlanah cun a pingah ka kal tawn, sihmanhsehlaw atu cu na bia kha ka ngaih.

SALM 25:7

Ka tlanval lio ka sualnak le ka palhnak kha ka ngaithiam ko hna. A fekmi na dawtnak le na ṭhatnak ruangah keimah cu ka philh hlah, Maw Bawipa.

ISAIAH 54:4

Na thinphang hlah — ningzahnak na ing ti lai lo; serhsatnak na hmu ti lai lo. Na ngaknut lio i zumh awk tlak lo na rak si kha na philh lai i nuhmei na si lio i na umhar vialte kha na philh lai.

JEREMIAH 22:21

Nan tlam a tlin lioah kan chawnh hna, Sihmanhsehlaw ngaih nan duh lo. Mah hihi nan tlanval lio in nan umtuning a si tawnmi a si; Zeitikhmanh ah ka bia nan ngai bal lo.

JEREMIAH 3:25

Ningzak in it ko u sih, kan mualphonak nih khan kan khuh ko seh, Zeicahtiah kanmah le kan pupa hna nih Bawipa kan Pathian cungah khan Hlanpi in atu tiang kan sual i Bawipa kan Pathian kha a bia kan ngai lo,” nan ti.

JEREMIAH 32:30

Hlan lio tein Israel mi hna le Judah mi hna nih hin ka duh lomi lawngte kha an tuah lengmang ko; Israel mi nih siasal an sermi khan ka thin an ka phawh.

EZEKIEL 21:12

“Atu ah mipa, au law awn tuah, zeicahtiah hi thil vialte cu ka mi hna cungah a tla, vainam in thah awkah chanhmi hna Israel bawile hna cungah khan a tla i ka mi hna he an thi ṭi.

EZEKIEL 21:17

Keimah zong nih ka kut ka bengh ve lai i ka thinhunnak kha ka ṭhumh lai, tiah Bawipa nih ka chim,” a ti.

EZEKIEL 23:3

Izipt ram ah khan hlawhhlangnu ah an rak i cang i ngaknu an si ko lioah khan cuticun an um; khika ah khan an hnukpar cu an i muaiter hna i an hnuk cu an i thamter hna.

EZEKIEL 36:26

Lungthin thar kan pek hna lai i thlarau thar nan chungah ka khumh lai. Nan pum chungin lung bantukin a hakmi nan lung kha ka lak lai i titsa bantukin a nemmi lung kha kan pek hna lai.

EZEKIEL 36:31

Nan ziaza ṭhalo le nan tuahsernak a ṭha lomi kha nan i hngal ṭhan lai i nan ṭhat lonak le fihnung nan sinak ruangah khan nanmah le nanmah nan i fih lai.

EZEKIEL 6:9

Nannih cu ram dang i ṭhek nan si tikah, hi ka zuahmi hna, miphun dang hna sin i sal i a tangmi hna nih hin, an lungthin cu zeihmanh ruat loin ka sinin an i mer i an mit cu siasal duh ah a pingah an kal ruangah, zeitluk in dah ka lungthin a fah kha an hngalh lai. Khi tikah ṭhat lonak an tuahmi vialte le fihnung an tuahmi vialte ruangah khan anmah le anmah an i fih lai.

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

LUKA 15:30

Sihmanhsehlaw hi na fapa, thilri vialte hlawhhlangnu sin i a hlolak dihtu hi inn i a hung tlun ṭhan tikah caw thaute kha na thahpiak!’ tiah a ti.

LUKA 18:13

Sihmanhsehlaw ngunkhuai khawltupa cu lamhlatpi ah khin a dir i vanlei hmanh zoh ngam loin a ṭang aa cum i, ‘Maw Pathian, kei misual cungah hin zaangfahnak ngei ko,’ tiah a ti.

ROM 6:21

asinain zeital a miak nan hmu maw? Atu i nan i zahpimi thil hna dah ti lo hi cu, zeihmanh nan hmu lo. Cu hna an donghnak cu thihnak a si.

DEUTERONOMI 30:2

Bawipa nan Pathian sinah nanmah he nan fale hna he nan kir ṭhan i nihin ah kan pekmi hna vialte chungah nan lung dihlak le nan ruahnak dihlak in a aw nan ngaih tikah,

2TIMOTE 2:25

amah a dohtu hna a chimhhrin tik hna i nem tein a chimhringmi a si awk a si. Annih cu Pathian nih an lung a thlen khawh ko hna i biatak kha a hngalhter ṭhan khawh ko hna.