JEREMIAH 31:16 - Lai (Hakha) Common Language Bible 2006

¹⁶ Bawipa nih hi bangin a ti: “Fak piin na ṭah lengmang ko cu ngol cang law na mitthli thla ti hlah; Zeicahtiah na rianṭuan man ah laksawng kan pek lai, Annih cu an ral hna ram in an kir ṭhan lai.

JEREMIAH 31:16 ပူးပေါင်းရင်းမြစ်များ

GENESIS 43:31

A hmai aa phiah dih in a ra chuak i zei poi lo bantuk tein i umter in, rawl cu kan pe u, tiah a ti hna.

GENESIS 45:1

Josef cu a zimuaitu hna hmaiah khan aa sum kho ti lo i, “Chuak dih hna seh,” tiah a au. Josef nih a unau pawl kha aho a si a chimh hna lioah hin ahohmanh midang a sinah an um lo.

2 CHANRELNAK 15:7

Sihmanhsehlaw nannih cu nan lung ṭhawng ko u! Nan kut kha derter hna hlah u, zeitintiah nan rian cu man a ngei lai,” tiah a ti.

SALM 126:5

Mitthli he thlaici a tuhmi nih, lunglawmh aunak he an zun lai;

SALM 30:5

A thinhun cu caan tawite chung lawng a si; a ṭhatnak tu nih cun chantlung a nguh. Zan ah mitthli tlaknak um hmanh seh law zinglei ah cun lawmhnak a ra ṭhan ve.

PHUNGCHIMTU 9:7

Va kal ko, na rawl cu va ei law vaa nuam ko, na zu cu va ding law na tha va nuam ko, na tuahmi paoh cu Pathian hnatla a si ko.

ISAIAH 25:8

Bawipa nih thihnak cu zungzal ca in a hrawh lai. Mi vialte cu an mitthli a hnawh hna lai i a miphun nih vawlei cung khuazakip ah zawmhtaihnak an inmi kha a lakpiak hna lai. Hi bia cu Bawipa hrimhrim nih a chimmi bia a si.

ISAIAH 30:19

Jerusalem khua i a ummi hna, nan ṭap ti lai lo. Bawipa cu zaangfah a thiammi a si i bawmhnak nan hal tikah nan auhnak cu an leh hna lai.

ISAIAH 40:10

Bawipa nih ṭhawnnak in a uk hna lai i a khamhmi kha aa ratpi hna lai.

JEREMIAH 23:3

Ka tuu a tangmi hna cu ka dawinak hna ram kip khan keimah hrimhrim nih ka pumh ṭhan hna lai. Anmah le an inn cio ah ka ṭinpi ṭhan hna lai i an pungzam lai i an karhcho lai.

JEREMIAH 29:14

keimah cu nan ka hmuh lai, tiah Bawipa nih a ti. Cun nannih cu nan vanṭhatnak kha kan pek ṭhan hna lai i miphun vialte hna sin le hmun kip i kan ṭhawl hnanak hmun khan kan pumh ṭhan hna lai i saltannak chungah kan kalter hnanak hmun khan cuka i nan rak kalnak nan ram ah khan kan kirpi ṭhan hna lai, tiah Bawipa nih a ti.

JEREMIAH 30:18

Bawipa nih hitin a ti: Zohhmanh, Jakob tefa hna cu an vanṭhatnak kha ka pek ṭhan hna lai i An umnak kip ah khan ka dawtnak kha ka hmuhsak hna lai. Khua cu an rawknak mual cungah khan sak an si ṭhan cio lai i Inn kip chungah khan a rak um tawnmi chungkhar kha an um ṭhan cio hna lai.

JEREMIAH 30:3

zeicahtiah mah hihi Bawipa bia hrimhrim a si: Ka mi Israel mi hna le Judah mi hna an vanṭhatnak ka pek ṭhan hna lai ni a ra lio, tiah Bawipa nih a ti; an pupa hna sinah ka pekmi ram ah khan ka kirpi ṭhan hna lai i cu ram cu an co lai.

JEREMIAH 33:11

Sihmanhsehlaw hi hmun ah hin thanuamnak thawng le lunglawmhnak thawng, nupi ṭhitu aw le a mo aw cu theih an si ṭhan lai. Mi nih ka biaknak inn ah lunglawmhnak laksawng an rak put tikah hla an sa lai i, A lianngan bik Bawipa cu lawm tuah u, Zeicahtiah amah cu a ṭha, A fekmi a dawtnak cu zungzal in a hmun, an ti lai. Hi ram cu hmasa ah a rak rum tlukte khan ka rumter ṭhan lai,” tiah Bawipa nih a ti.

JEREMIAH 33:7

Judah le Israel cu an vanṭhatnak kha ka pek ṭhan hna lai i hmasa ah an rak sining te bantuk khan ka sak ṭhan hna lai.

EZEKIEL 37:21

annih cu na thawh hna lai i Bawipa Pathian nih hi bangin a ti, na ti hna lai, Israel mi cu ṭhek an sinak miphun hna chung khan ka lak hna lai i ram kip chung khan ka pumh hna lai i anmahle an hmunte ah khan ka chiah hna lai.

HOSEA 1:11

Cun Judah mi le Israel mi hna cu hmunkhat ah fonh an si lai i anmahte nih hruaitu pakhat kha an i thim lai, cun annih nih ram kha an co lai, Jezreel ni cu a lianngan lai.

1THESALON 4:14

Jesuh cu a thi i a tho ṭhan ti kha kan zumh; cucaah amah zumh buin a thimi hna cu Pathian nih amah sinah cun a ratpi hna lai ti kha kan zumh.

HEBRU 11:6

Ahohmanh nih zumhnak loin Pathian lung ton khawh a si lo; zeicahtiah Pathian a fuhmi paohpaoh nih cun, Pathian cu a um i amah a kawlmi cu laksawng a pek hna, ti kha an zumh awk a herh.

HEBRU 6:10

Pathian cu miding lo a si lo. Rian nan rak ṭuanmi le nan Khrihfa hawi nan rak bawmh tawn hna i atu zongah nan bawmh ko rih hna thawngin nan langhtermi amah nan dawtnak kha a philh lai lo.

RUTH 2:12

Bawipa nih na tuah ciami cu in rul seh law, Bawipa, Israel Pathian, a thla tangah i dor awk i na rak fuhmi nih cun, tampi in laksawng in pe ko seh!” tiah a ti.