JEREMIAH 31:13 - Lai (Hakha) Common Language Bible 2006

¹³ Cun ngaknu hna cu an lam lai i an i lawm lai, Tlangval le patar hna cu an tha a nuam lai; An mithi zunngaihnak cu lunglawmhnak ah ka thlen lai, Ka thin ka nemter lai i an ngaihchiatnak lonh in lunglawmhnak ka pek hna lai.

JEREMIAH 31:13 ပူးပေါင်းရင်းမြစ်များ

EZRA 6:22

Cun thilnu telh lo changreu puai kha ni sarih lunglawmhnak in an tuah; zeicahtiah Pathian nih an lung a lawmhter hna i Assiria siangpahrang lung cu anmah leiah khan a merter, cucaah anih nih khan Pathian, Israel mi hna Pathian inn rian ah khan, a bawmh hna.

NEHEMIAH 12:27

Cun Jerusalem kulhnak vampang an pekchanh ah khan, lunglawmhnak le thanuamnak le hla in, sumsel, tingtang le thonglawi he tiah pekchanhnak cu conglawmh awkah Levi mi cu an umnak cio ah khan Jerusalem i ratpi awkah an va kawl hna.

NEHEMIAH 12:43

Cun cu ni ah cun raithawinak ngan pipi an pekchanh hna i Pathian nih lunglawmhnak nganpi in an lung a lawmhter hna caah an i lawm; nu le ngakchia zong kha an i lawm ve. Cun Jerusalem khua chung i lunglawmhnak cu lamhlapi tiang a thang.

ESTHER 9:22

zeicahtiah hi ni hna ah hin Judah mi nih an ral hna sinin himnak an hmuh i hi thla hi an caah ngaihchiatnak in lunglawmhnak ah, ṭahnak in dinhnak ni ah aa thlen thla a si; cun nannih nih hi ni hna cu puai tuahnak le lunglawmhnak ni le laksawng ṭhaṭha i kuatnak le sifakmi hna laksawng peknak ni ah nan hman lai tiin nawl a pek hna.

SALM 126:5

Mitthli he thlaici a tuhmi nih, lunglawmh aunak he an zun lai;

SALM 148:12

Tlangval le ngaknu hna, tar le no le ngakchia vialte hna, amah cu thangṭhat u!

SALM 149:3

Nan lamnak ah khan a min cu thangṭhat u, amah cu khuang le tingtang in thangṭhat u.

SALM 30:11

Ka ngaihchiatnak cu lunglawmh lamnak ah na ka thlenpiak cang, ka mithi ngaihnak puan cu na ka lakpiak i lunglawmhnak puan kha na ka pek.

ISAIAH 12:1

Ni khatkhat cu mi nih hitin hla an sak ni a phan te lai: “Bawipa, nangmah cu kan lawmh ko. Ka cungah na thin a rak hung, sihmanhsehlaw atu cu na ka hnemh i na thin cu a hung ti lo.

ISAIAH 35:10

Jerusalem cu lunglawm tein an phan lai i hla an i sak pah lai i lawmhnak in an au lai. Zungzal in an i lawm lai i ngaihchiatnak le lung retheihnak an ing ti lai lo.

ISAIAH 51:11

Na luattermi hna nih khan Jerusalem cu, lunglawmhnak le hlasak pah le thanuam au khuannak he an phak lai. Zungzal in an i lawm lai i ngaihchiatnak le lung retheihnak in an luat zungzal cang lai.

ISAIAH 51:3

“Zion cungah zaangfahnak ka langhter lai, a rawkmi a hmun chung i a ummi hna kha ka zaangfah hna lai. A ram cu thetse ram a si nain dum ah ka ser lai, Eden chung i ka chiahmi dum bantuk ah khan ka ser lai. Cuka ah cun lunglawmhnak le thanuamnak, keimah thangṭhatnak le lawmhnak hla an um lai.

ISAIAH 60:20

Na ngaihchiat ni cu a dong lai. Bawipa cu zungzal in na caah ceunak ka si lai, nika le thlapa nakin a hmun deuhmi ceunak ka si lai.

ISAIAH 61:2

Bawipa nih a mi cu a khamh cang hna lai i an ral cu a tei cang hna lai, ti thanh awkah a ka thlah. A ngaih a chiami vialte kha hnemh awk le

ISAIAH 61:3

Zion i ngaihchia in a ummi vialte hna cu vutcam caah pangpar ṭhi, mitthli caah lawmhnak chiti le thangṭhatnak hla pek awkah a ka thlah. Annih cu Bawipa hrimhrim nih a phunmi thingkung bantuk an si lai. Thil ṭha kha an tuah lai i Pathian cu a tuahmi thil ruangah khan an thangṭhat lai.

JEREMIAH 31:4

Nannih cu kan tunmer ṭhan hna lai. Nan tingtang kha nan i lak ṭhan hna lai i lawmhnak in nan lam ṭhan lai.

JEREMIAH 33:11

Sihmanhsehlaw hi hmun ah hin thanuamnak thawng le lunglawmhnak thawng, nupi ṭhitu aw le a mo aw cu theih an si ṭhan lai. Mi nih ka biaknak inn ah lunglawmhnak laksawng an rak put tikah hla an sa lai i, A lianngan bik Bawipa cu lawm tuah u, Zeicahtiah amah cu a ṭha, A fekmi a dawtnak cu zungzal in a hmun, an ti lai. Hi ram cu hmasa ah a rak rum tlukte khan ka rumter ṭhan lai,” tiah Bawipa nih a ti.

ZEKHARIAH 8:19

“Thla linak thla, thla nganak thla, thla sarihnak thla le thla hranak thla i rawl ulhnak hna cu Judah innchungkhar caah lawmhnak le nuamhnak puai ah an cang lai. Biatak le daihnak cu duh ko u,” a ti.

JOHAN 16:22

Cu bantuk cun nannih zong nan si lai: atu cu nan ngaih a chia, sihmanhsehlaw kan hmuh ṭhan hna lai i nan lung cu lunglawmhnak in a khat lai; cu lunglawmhnak cu ahohmanh nih an in chuh khawh lomi hna lunglawmhnak phun a si lai.

BIACEIHTU 21:21

Cun Shiloh khua ngaknu hna nih lamnak chung i i tel ve awkah an ra chuah tikah, mitsur dum chung cun ra chuak u law, Shiloh ngaknu hna cu pakhat nih pakhat cio nupi ah i tlaih hna u law, Benjamin ram ah kal tuah u.