JEREMIAH 30:23 - Lai (Hakha) Common Language Bible 2006

²³ Zohhmanh, zei bantuk thlichia dah Bawipa sinin a chuakmi khi a si? Zeizong vialte a phiak dihtu phuchim a si khih. Miṭhalo hna lu cungah cun aa zel;

JEREMIAH 30:23 ပူးပေါင်းရင်းမြစ်များ

SALM 58:9

An hngalh manh hlanah Pathian nih burbuk sam in a sam hna lai, an nun ko lioah Pathian nih a thinhun in thli choih in a choih hna lai.

PHUNGTHLÛKBIA 1:27

Launak nih thlichia bangin an den hna tik le Nan vanchiatnak cu phuchim bangin a rat i Harnak le vansang aunak nih an tlunhnawh hna tikah, a nih in kan nih men ko hna lai.

JEREMIAH 25:32

Zohhmanh, rawhralnak cu miphun pakhat sinin pakhat sinah a karh chin lengmang i thlichia cu vanhramdeng in a tho lio, tiah Bawipa nih a ti.

JEREMIAH 4:11

Khi tikah hi mi hna le Jerusalem khuami hna cu hitin chimh an si lai: Thetse ram tlangpar kawng in ka mi hna leiah thli lin a hrang, Cu thli cu vamhnak caah a si lo, thianternak ca zongah a si lo;

ṬAHNAK HLA 1:12

Lam i aa chawkmi hna nan caah, Mah hihi zeihmanhlo maw a si ko? A zoh tal cu ka zohpiak ko sawh u: Ka lungfahnak bantuk lungfahnak hi a um maw? Bawipa nih a thinhun ni ah zaangfahnak um loin dan a ka tatnak hremnak bantuk hi a um ti maw?

ZEKHARIAH 9:14

Bawipa cu an cungah a lang lai i A thal cu nimtlau bangin aa lek lai; Bawipa Pathian nih muko kha a tum lai i Thlanglei ṭotho he khan an kal ṭi lai.