JEREMIAH 30:18 - Lai (Hakha) Common Language Bible 2006

¹⁸ Bawipa nih hitin a ti: Zohhmanh, Jakob tefa hna cu an vanṭhatnak kha ka pek ṭhan hna lai i An umnak kip ah khan ka dawtnak kha ka hmuhsak hna lai. Khua cu an rawknak mual cungah khan sak an si ṭhan cio lai i Inn kip chungah khan a rak um tawnmi chungkhar kha an um ṭhan cio hna lai.

JEREMIAH 30:18 ပူးပေါင်းရင်းမြစ်များ

1 CHANRELNAK 29:1

Siangpahrang David nih aa pummi cu a thawh hna i, “Ka fapa Solomon hi Pathian nih a timhmi cu a si. Asinain amah cu a no rih i a hmuhtonmi a tlawm; sihmanhsehlaw ṭuan ding vial cu rian nganpi a si ṭung, zeicahtiah sak ding inn hi minung ca siangpahrang inn a si lo i Bawipa Pathian ca a si.

1 CHANRELNAK 29:19

Ka fapa Solomon nih hin lung ṭengnge lo tein na nawlbia hna le na hngalhternak bia hna le na phunglam hna kha a zulh hna i a tuah dih hna i ka timhlamh ciami biakinn hi a sak khawh nakhnga, nangmah nih amah cu bawm ko,” tiah a ti.

NEHEMIAH 7:4

Khua cu a ngan i a kau ko, sihmanhsehlaw a chung i a ummi hna cu an tlawm i inn cu sak an si rih lo.

SALM 102:13

Na tho lai i Zion cu na zaangfah lai, a cung i zaangfah ngeih caan cu a phan cang; atu hi cu caan cu a si cang.

SALM 102:14

Hrawh dih cikcek a si ko nain na salle nih kan duh ṭhiamṭhiam, a rawk dih ko nain a cungah zaangfahnak kan ngei ṭhiamṭhiam.

SALM 122:7

Na kulhnak vampang chunglei ah daihnak um seh law na siangpahrang inn hna chungah himnak um seh.

SALM 48:13

a vampang kha ngia hna u law a ralhau kha ṭha tein zoh hna u; cu ti nan zoh i nan ngiat ahcun, nanmah nan tefa hna kha

SALM 48:3

Pathian cu a chungah a um caah a ralhau chungah khan himnak a um.

SALM 78:69

Cuka ah cun a biakinn kha a sak, vancung i a inn bantuk a si; vawlei bantuk fek in a ser i zungzal him dingin a tuah.

SALM 85:1

Bawipa, na ram cu na zaangfah ko, Israel cu a kumvui na ṭhatter ṭhan.

ISAIAH 44:26

Sihmanhsehlaw ka sal nih cun thil a chimchung tikah le ka timhmi phuan awkah lamkal ka thlah tikah, cu ka timhmi hna le chimchungmi thil hna cu ka tlinter hna. Jerusalem cu ka thawh i, na chungah mi an um ṭhan lai, Judah ram khua cu remh an si ṭhan lai tiah ka chimh. Hi khua hna cu an rawhnak chung khan an tho ṭhan lai.

ISAIAH 44:28

Sairas cu ka thawh i, ‘Keimah aiawh in uktu a si ding cu nangmah na si; tuah seh ti kan duhmi kha na tuah lai: Jerusalem cu sa ṭhan u tiah nawl na pek hna lai i Biakinn cu a hram ser u, tiah na ti hna lai,’ ka ti,” tiah a ti.

JEREMIAH 23:3

Ka tuu a tangmi hna cu ka dawinak hna ram kip khan keimah hrimhrim nih ka pumh ṭhan hna lai. Anmah le an inn cio ah ka ṭinpi ṭhan hna lai i an pungzam lai i an karhcho lai.

JEREMIAH 29:11

Nan ca i ka tinhmi cu keimah lawnglawng nih ka hngalh, tiah Bawipa nih a ti. Cucu vanchiatnak si loin thluachuahnak a si lai i nan hnu i a rung um ding tefa tampi kong a si lai.

JEREMIAH 29:14

keimah cu nan ka hmuh lai, tiah Bawipa nih a ti. Cun nannih cu nan vanṭhatnak kha kan pek ṭhan hna lai i miphun vialte hna sin le hmun kip i kan ṭhawl hnanak hmun khan kan pumh ṭhan hna lai i saltannak chungah kan kalter hnanak hmun khan cuka i nan rak kalnak nan ram ah khan kan kirpi ṭhan hna lai, tiah Bawipa nih a ti.

JEREMIAH 30:3

zeicahtiah mah hihi Bawipa bia hrimhrim a si: Ka mi Israel mi hna le Judah mi hna an vanṭhatnak ka pek ṭhan hna lai ni a ra lio, tiah Bawipa nih a ti; an pupa hna sinah ka pekmi ram ah khan ka kirpi ṭhan hna lai i cu ram cu an co lai.

JEREMIAH 31:23

Ralkapbu Bawipa, Israel Pathian nih hitin a ti: “Annih cu an ram ah ka kirter ṭhan hna tikah, Judah ram le a khua hna ah cun, ‘Bawipa nih Jerusalem tlang thiang a umnak hmun thiang cu, Thluachuahnak pe ko seh,’ tiah an ti ṭhan lai.

JEREMIAH 31:38

“Zohhmanh, khuapi cu Hananel Innsang in Kil Kutka timi tiang, Bawipa upatnak caah sak ṭhan a si lai ni kha a ra lio.

JEREMIAH 31:4

Nannih cu kan tunmer ṭhan hna lai. Nan tingtang kha nan i lak ṭhan hna lai i lawmhnak in nan lam ṭhan lai.

JEREMIAH 31:40

Miruak le hmunhnawm an hlonhnak horkuang kha a ning piin, cun Kidron tiva cung i a ummi lo vialte, nichuahlei, ah Rang Kutka timi tiang kha Bawipa ca i a thiangmi thil an si lai. Khuapi cu ṭheh i hrawh a si ti lai lo,” tiah Bawipa nih a ti.

JEREMIAH 32:15

Zeicahtiah Ralkapbu Bawipa, Israel Pathian bia cu: Hi ram chungah hin inn hna, lo hna, mitsur dum hna, i zuarh i cawk an si ṭhan lainak caan a ra lio, ti hi.

JEREMIAH 32:44

Benjamin ram chungah siseh, tlang ram khua hna chungah siseh, Shefelah ram chungah siseh, Negeb khua hna chungah siseh, lo cu i cawk le i zuarh an si ṭhan lai i cawknak ca hna cu minthut le minkhenhnak in khenh le tehte theihhngalh in tuah an si ṭhan lai, zeicahtiah an vanṭhatnak cu ka pek ṭhan hna lai,” tiah Bawipa nih a ti.

JEREMIAH 33:11

Sihmanhsehlaw hi hmun ah hin thanuamnak thawng le lunglawmhnak thawng, nupi ṭhitu aw le a mo aw cu theih an si ṭhan lai. Mi nih ka biaknak inn ah lunglawmhnak laksawng an rak put tikah hla an sa lai i, A lianngan bik Bawipa cu lawm tuah u, Zeicahtiah amah cu a ṭha, A fekmi a dawtnak cu zungzal in a hmun, an ti lai. Hi ram cu hmasa ah a rak rum tlukte khan ka rumter ṭhan lai,” tiah Bawipa nih a ti.

JEREMIAH 33:7

Judah le Israel cu an vanṭhatnak kha ka pek ṭhan hna lai i hmasa ah an rak sining te bantuk khan ka sak ṭhan hna lai.

JEREMIAH 46:27

“Sihmanhsehlaw maw ka sal Jakob, ṭih hlah, Maw Israel, na hnabei dong hlah; Zeicahtiah ram hlapi khan him tein kan kirpi ṭhan hna lai i Nan tefa hna cu sal i an tannak ram khan ka kirpi ṭhan hna lai. Jakob cu thadam tein a um ṭhan lai i Nunnuam le thinphang lo tein khua a sa ṭhan lai.

JEREMIAH 49:39

Sihmanhsehlaw hmailei caan ah cun Elam cu a vanṭhatnak kha ka pek ṭhan lai,” tiah Bawipa nih a ti.

JEREMIAH 49:6

Sihmanhsehlaw hi hnuah hin Amon mi hna cu, An vanṭhatnak kha ka pek ṭhan hna lai, tiah Bawipa nih a ti.

EZEKIEL 36:11

Nan cungah minung tampi le saṭil tampi ka phun hna lai; annih cu an karh lai i tefa tampi an ngei lai. Nannih cu hlanlio nakin tam deuh le rum deuh ah kan ser hna lai. Cuticun Bawipa ka si kha nan hngalh lai.

AMOS 9:14

Ka mi Israel mi hna cu an vanṭhatnak kha ka pek ṭhan hna lai; Chuahtak ciami khua kha an ser ṭhan hna lai i an umhnawh ṭhan hna lai, Mitsur dum kha an ser hna lai i mitsur hang kha an din hna lai, Dum kha an ser hna lai i an theitlai kha an ei hna lai.

ZEKHARIAH 1:12

Khi tikah Bawipa vancungmi nih cun aa thawh i, “Maw ralkapbu Bawipa, hi kum sawm sarih chung na thinhunnak na chuahhnawhmi Jerusalem khua le Judah ram khua hna hi, zei can dah zaangfah loin na um rih hna lai?” tiah a ti.

ZEKHARIAH 1:16

Cucaah mah hihi Bawipa bia a si: Jerusalem cu zaangfahnak he ka kirhnawh ṭhan cang i a chungah ka inn kha sak a si ṭhan lai, tahnak hri in tah a si ṭhan lai, tiah Bawipa nih a ti.

ZEKHARIAH 12:6

Khi ni ah cun Judah phun hna cu ramlak i meipung bantuk le facang phal a khang dihtu meizik tom bantuk ah ka ser hna lai. Annih nih an pawngkam i a ummi miphun vialte kha, keh he orh he, an khangh dih hna lai i Jerusalem mi tu cu an khua chungah him tein an um lai.

ZEKHARIAH 12:7

David tefa sunparnak le Jerusalem khua chung ummi hna sunparnak nih khan Judah sunparnak cu a lonh nakhnga lo, Bawipa nih Judah chungkhar hna kha a luatter hmasa bik hna lai.

ZEKHARIAH 14:10

Ram cu a ning piin Geba in Timmon thlanglei tiang a rawnmi Arabah ram bantukin a rawn lai; sihmanhsehlaw Jerusalem cu amah a hmunte ah khan sang piin a dir ko lai, Benjamin Kutka in A Kil Kutka timi tiang cucu hmasa deuh kutka a rak dirnak hmun kha a si. Hananel Innsang in Siangpahrang mitsur nennak tiang, a chungah mi an khat lai.