JEREMIAH 30:15 - Lai (Hakha) Common Language Bible 2006

¹⁵ Zeicahdah na hliamhma ruangah na phunzai len ko i Ka hma cu an dam kho ti lai lo, na ti? Na ṭhat lonak cu a ngan i na sualnak a tam ngaingai caah pei hi bantukin dan kan tat cu.

JEREMIAH 30:15 ပူးပေါင်းရင်းမြစ်များ

EZRA 9:13

Cun kan ṭhat lonak le kan mawhnak a nganmi ruang i kan cung i a tlungmi thil vialte hna hnuah hin, kan Pathian, kan ṭhat lonak nih a hmuh awk hnga nakin tlawm deuh in nangmah nih dan na kan tat i hi bantuk a tangmi hi na kan pek ti kha kan hmuh caah

JOB 34:29

Dai tein a um zongah aho nih dah sual an phawt khawh lai? A hmai kha a thuh tikah aho nih dah an mawhchiat khawh lai? Lung a khongmi miphun le a mi vialte hna cungah, Pathian zei i a rel lomi siangpahrang kha an bawi i a ser bel ah zeitindik a si hnga?

JOB 34:6

Ka ding ko nai kei cu lihchim ah rel ka si; Ka hma cu damh khawh ding a si lo, phungbuarnak zeihmanh ka tuah lo nain,’ a ti.

SALM 107:17

A cheu cu an sual ruangah an zaw, ṭhat lonak an tuah ruangah temhnak an ing;

ISAIAH 1:6

Nan kechik in nan luthlung tiang, nan pum cungah hin khuazei hmanh ah damnak a um lo, hma le rung in nan khat dih. Nan hma cu an in ṭawlpiak hna lo i an in tuampiak hna lo. Si zong an in thuhpiak hna lo.

ISAIAH 5:2

Vawlei kha a cawh i lung kha a hlonh hna; mitsur kung ṭha bik phun kha a cin hna. Mitsur ruang cawnghnak caah cun parthlam pakhat a sak i mitsur thei nennak caah cun khor pakhat a cawh. Mitsur thei an hmin lai cu a hngah, sihmanhsehlaw an thor dih ai.

JEREMIAH 11:13

Zeicahtiah, maw Judah na pathian cu na khua zat an si; cun Baal sin i raithawinak khanghnak ding caah na sermi biakṭheng hna cu Jerusalem khua chung lam zat an si.

JEREMIAH 15:18

Zeicahdah ka fahnak hi a dongh kun lo? Zeicahdah ka hma hi hnabei dong a si i a dam duh lo? Nangmah cu ka caah, a ti a car tawnmi tivate, bochan awk a tlak lomi bantuk na si.

JEREMIAH 2:19

Nangmah dan an tattu cu na ṭhat lonak kha a si ko lai i Sual an phawtu cu na tlaunak kha a si ko lai. Bawipa na Pathian hlawt le keimah upat ti lo cu Na caah zeitluk in dah a ṭhat lo i zeitluk in dah a khaat fawn, ti kha hngal tuah; Mah hihi Ralkapbu Bawipa Pathian bia hrimhrim a si.

JEREMIAH 30:12

Hi bia hi Bawipa nih Zion sinah a chimmi a si: Na hma cu damh khawh ding a si ti lo i Tuknak na inmi cu a fak ngaingai ko.

JEREMIAH 30:14

Nangmah a rak in dawtu vialte nih khan an in philh cang; Zeihmanh ah an in rel ti lo. Ral nih an in ṭhuat bantukin kan ṭhuat i Zaangfahnak ngei loin dan kan tat cang; Zeicahtiah na ṭhat lonak cu a ngan i Na sualnak cu a tam ngaingai.

JEREMIAH 30:16

Asinain, an eitu vialte cu ei an si ve lai i An hremtu vialte hna cu sal ah an tang lai. Nangmah aan ramhtu cu ramh an si ve lai i nangmah aan hrawktu cu hrawh ka siter ve hna lai.

JEREMIAH 30:17

Mi nih nang cu, “Ṭhawlmi, hawikom zeihmanh a ngei lomi Zion, an in ti nain, Cuar thar cu ka corhter ṭhan lai i na hma cu ka damter ṭhan lai,” tiah Bawipa nih a ti.

JEREMIAH 46:11

Gilead ah hung kal law damnak si hung i lak tuah, Maw Izipt fanu thiang. Nangmah nih si tampi na hneksak lengmang cang i pakpalawng an si dih; Na caah damnak zeihmanh a um lo.

JEREMIAH 6:13

Annih cu a hme bik in a ngan bik tiang, hrokhrawl in hmuhmi miaknak kha a duhmi an si; Profet le tlangbawi hna hmanh kha lih in rian a ṭuanmi an si.

ṬAHNAK HLA 1:5

A ral hna cu a bawi ah an cang, A ral hna cu nuam tein an um, Zeitintiah a tuahmi a ṭha lomi rel cawk lo ruangah khan Bawipa nih amah cu fak piin dan a tat; A fano cu an lo dih, Ral nih khan saltannak chungah an kalpi hna.

ṬAHNAK HLA 2:13

Maw Jerusalem fanu, na caah zeidah ka chim khawh lai i Zei he dah kaan tahchunh khawh lai? Nangmah hnemh awk caah zei he dah kan tahṭhimh khawh lai Maw Zion fanu thiang? Zeicahtiah na hma cu rili ngaw a ti i aho nih dah aan damter khawh lai?

ṬAHNAK HLA 3:39

Zeicahdah minung, a thi khomi minung nih hin, a phun a zai lai?

ṬAHNAK HLA 4:13

A kulhnak vampang chungah Miding mi hna thisen a chuahtu A profet hna sualnak ruang le A tlangbawi hna ṭhat lonak ruangah a si.

MIKAH 1:9

Samaria cu a hma kha a dam kho ti lo; Judah zong cu bantuk hma cu a ing ve lai; Rawhralnak cu ka mi an umnak Jerusalem khua kutka kha a phan cang.

MIKAH 7:9

Bawipa cungah cun ka sual cang, cucaah a thinhunnak cu tu caan tlawmte chung cu ka in lai. Sihmanhsehlaw a donghnak ah cun keimah kha a ka ṭanh lai i ka cung i ṭhat lonak an tuahmi vialte kha ding tein a tuah ṭhan dih lai.

NAHUM 3:19

Na hma cu damh khawh an si lo, naa hliamnak cu thih phu a si; Nangmah na sicannak thawng a rak theimi vialte nih lunglawmhnak in an kut an bengh. A dongh in a dong lomi na puarhrannak nih, a tongh lomi aho tal an um maw?