JEREMIAH 30:11 - Lai (Hakha) Common Language Bible 2006

¹¹ Zeicahtiah Bawipa nih, na sinah ka um i kan khamh lai, tiah a ti. Nannih kan ṭhek hnanak miphun vialte cu an donghnak ka phakter hna lai. Sihmanhsehlaw nang cu na donghnak kan phakter lai lo. Dantat awk naa tlakning in dan kan tat nain a hloh cu kan hlo taktak lai lo,” tiah Bawipa nih a ti.

JEREMIAH 30:11 ပူးပေါင်းရင်းမြစ်များ

SALM 6:1

Bawipa, na thinhung hlah law, ka si hlah! Na thinhun in dan ka tat hlah.

EXODUS 34:7

A biakamnak kha mi thong tampi cungah a hmunhter i palhnak le ṭhat lonak le sualnak kha a ngaihthiam hna; asinain an pale sualnak ruangah an fale le an tule kha a chan thum a chan linak tiang dantat a tlolh lomi a si,” tiah a au.

ISAIAH 43:25

“Asinain nan sualnak an hnawhpiaktu hna cu keimah ka si, keimah cu keimah ka si ruangah hi bantukin ka tuah cu a si; nan sualnak cu kan cinkenpiak hna lai lo.

ISAIAH 8:10

Khua cu khang lengmang ko u, sihmanhsehlaw nan khuakhanmi cu thlua an chuak bal lai lo. Nan duh zat in chim u, sihmanhsehlaw pakpalawng an si ko lai, zeicahtiah Pathian pei kan sinah a um cu.

JEREMIAH 1:19

Annih nih nangmah cu an in tuk lai, sihmanhsehlaw na sinah ka um i kan huhphenh lai caah an in tei lai lo, tiah Bawipa nih a ti,” tiah a ti.

JEREMIAH 1:8

Annih cu ahohmanh ṭih hna hlah. Zeicahtiah na sinah ka um i kan huhphenh lai”, tiah Bawipa nih a ti.”

JEREMIAH 10:24

Maw Bawipa, kan remh tuah, Sihmanhsehlaw dinnak in si seh, Na thinhun in cun si hlah seh, Zeicahtiah zeihmanhlo ah na kan canter sual hnga.

JEREMIAH 15:20

Nangmah cu an caah pemh khawh lomi dar vampang ah kan ser lai, An in doh lai, sihmanhsehlaw an in tei lai lo, Zeicahtiah nangmah kha huhphenh awk le khamh awkah keimah cu na sinah ka um,

JEREMIAH 4:27

Bawipa nih hi bangin a ti, “Ram cu a ning piin a ṭiao dih lai, Sihmanhsehlaw a donghnak taktak cu ka phakter lai lo.

JEREMIAH 5:10

A mitsur ruang tlar hna lakah cun hung kal law hung hrawk hna, Sihmanhsehlaw donghnak taktak cu hung tuah hlah; An nge cu hung sam dih hna, Bawipa ta an si lo caah.

JEREMIAH 5:18

Sihmanhsehlaw khi caan zong hmanh ah cun, nan donghnak ngaingai cu ka tuah lai lo, tiah Bawipa nih a ti.

ṬAHNAK HLA 3:22

Bawipa dawtnak a fekmi cu, a dong hrimhrim lai lo, A zaangfahnak zong a cat lai lo;

EZEKIEL 11:13

Bia ka chim lengmang lioah cun Benaiah fapa Pelatiah cu a thi; cun ka bawk i fak piin ka ṭap i, “Maw Bawipa Pathian, a tangmi Israel mi vialte kha an donghnak na phakter dih ko hna lai maw?” tiah ka ti.

EZEKIEL 6:8

Sihmanhsehlaw annih cu an thih tikah, miphun hna lakah khan vainam thahnak in a luatmi tlawmpal cu kan zuahpiak hna lai.

HOSEA 11:9

Ka thinhun in kan hrawk lai lo, Israel cu ka hrawk ṭhan lai lo. Zeicahtiah kei cu Pathian ka si, minung ka si lo. A Thiang Mi Keimah cu nan sin i a ummi hi ka si, Nan sinah thinhun in ka ra lai lo.

LEVITIKAS 26:44

Asinain cu vialte ruang hmanh ah cun, an ral hna ram chung i an um tikah, ka hlaw hna lai lo, annih kha hrawh cikcek i annih he ka biakam kha hrawh tiangin ka hua fawn hna lai lo; zeitintiah keimah cu Bawipa an Pathian ka si.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

LAMKALTU 18:10

zeicahtiah keimah nih kan umpi ko. Hi khua chung i a ummi hna lakah hin mi tampi ka minung an si caah ahohmanh nih harnak an in pe kho lai lo,” tiah a ti.

DEUTERONOMI 4:31

zeitintiah Bawipa nan Pathian cu zaangfah thiammi Pathian a si; an deuh hna lai lo, an hrawk hna lai lo, nan pupa hna sin i chiatser in biakamnak a tuahmi zong cu a philh fawn lai lo.

2TIMOTE 4:22

Bawipa cu na thlarau sinah um ko seh. Nan dihlak sinah Pathian vel cu um ko seh.