JEREMIAH 3:25 - Lai (Hakha) Common Language Bible 2006

²⁵ Ningzak in it ko u sih, kan mualphonak nih khan kan khuh ko seh, Zeicahtiah kanmah le kan pupa hna nih Bawipa kan Pathian cungah khan Hlanpi in atu tiang kan sual i Bawipa kan Pathian kha a bia kan ngai lo,” nan ti.

JEREMIAH 3:25 ပူးပေါင်းရင်းမြစ်များ

SALM 106:6

Kan pupa hna an rak sual bantuk khan kannih zong kan sual ve, palhnak kha kan tuah ve i ṭhat lonak kha kan tuah ve.

SALM 106:7

Izipt ram i a rak ummi kan pupa hna nih khan Pathian tuahmi thil khuaruahhar kha an hngalthiam lo, an cungah a dawtnak voi tampi a langhter kha an philh i Lianngan Bik cu Rili Sen ah khan an doh.

SALM 109:29

Ka ral cu ningzahnak nih a khuh in khuh hna seh; hmaichiatnak cu puan bangin i aih hna seh.

PHUNGTHLÛKBIA 13:18

Cawnpiaknak zei ah a rel lomi cu sifahnak le ningzahnak nih a phak hna, sihmanhsehlaw chimhhrinnak zei ah a relmi cu upatnak an hmu.

PHUNGTHLÛKBIA 5:13

Ka sayate aw kha ka rak ngai lo i a ka cawnpiaktu hna an bia kha zei ah ka rak rel hna lo.

ISAIAH 48:8

Rinh awk tlak na si lo cu ka hngalh, na chuahka in midohhmang na si cu hngalh a si. Hi ti na rak si ruangah hin hi kong na theih bal lonak le bia pakhat hmanh na hna a phak bal lonak cu a si.

ISAIAH 50:11

Midang hrawhnak khua a khang lengmangmi hna, nan dihlak in nanmah khuakhanmi lila nih an hrawh hna lai. Cucu Bawipa hrimhrim nih nan cungah a tlunter lai i temhnak cu nan in lai.

JEREMIAH 11:13

Zeicahtiah, maw Judah na pathian cu na khua zat an si; cun Baal sin i raithawinak khanghnak ding caah na sermi biakṭheng hna cu Jerusalem khua chung lam zat an si.

JEREMIAH 12:13

Ka mi hna nih changvut an cin i hling an zun, Thaba ngaiin an ṭuan, sihmanhsehlaw rawl fang zeihmanh an hmu lo. Bawipa kha a thin a hun caah an kumvui cu a ṭha hrimhrim lo.

JEREMIAH 14:20

Kan ṭhat lonak le kan pupa hna sualnak kha na sinah kan phuan ko, Maw Bawipa, na cungah kan sual ko.

JEREMIAH 14:7

Kan ṭhat lonak nih sual kan phaw hmanh seh law, Maw Bawipa, na min ruangah kan bawm ko; Zumhtlak kan si lonak cu a tam ko, nangmah cungah kan sual ko.

JEREMIAH 2:17

Bawipa nan Pathian nih lam an hruai hna tikah, Nanmah nih amah kha nan zamtak caah, Mah hi vialte hi nanmah nih nanmah lila cungah nan i tlunter, a si lo mei?

JEREMIAH 2:19

Nangmah dan an tattu cu na ṭhat lonak kha a si ko lai i Sual an phawtu cu na tlaunak kha a si ko lai. Bawipa na Pathian hlawt le keimah upat ti lo cu Na caah zeitluk in dah a ṭhat lo i zeitluk in dah a khaat fawn, ti kha hngal tuah; Mah hihi Ralkapbu Bawipa Pathian bia hrimhrim a si.

JEREMIAH 2:2

“Va kal law Jerusalem vialte nih an theih nakhnga va au tuah, Bawipa bia cu hi bangin a si: Na ngaknut lio i na ka tlaihchannak le Hammi na si lio i na ka dawtnak kha ka hngalh camcin ko, Thetse ram, zeihmanh cinthlak lonak ram ah khan na rak ka zulh lengmang ko.

JEREMIAH 2:26

Mifir cu tlaih a si tikah a ning a zah bantukin Israel innchungkhar cu an ning a zak lai; Anmah le an siangpahrang hna le an bawi hna le an tlangbawi hna le an profet hna zong an ning a zak lai;

JEREMIAH 20:18

Zeicahdah ngaihchiatnak le retheihnak lawng hmuh awkah le Ka chan cu ningzahnak lawngin hman awkah Ka nu paw chungin ka rak chuah hnga?

JEREMIAH 22:21

Nan tlam a tlin lioah kan chawnh hna, Sihmanhsehlaw ngaih nan duh lo. Mah hihi nan tlanval lio in nan umtuning a si tawnmi a si; Zeitikhmanh ah ka bia nan ngai bal lo.

JEREMIAH 3:13

Palhnak na tuahmi kha ka tuah taktak ti ko law Bawipa na Pathian na dohnak kha i phuang ko. Thing thladem toi kip ah ram dang pathian hna he nan i duhnak kha i phuang law Ka bia na ngaih lonak kha i phuang ko, tiah Bawipa nih a ti.

JEREMIAH 31:19

Na sinin kan rak pial cang, sihmanhsehlaw ra kir ṭhan zau kha kan duh. Kannih kha dan na kan tat hnuah cun ngaihchia in kan lu lawng kan khun ko. Kannih nih kan no lioah kan rak sual caah khan ningzahnak le hmaichiatnak kha kan rak tong,’ an ti kha ka theih.

JEREMIAH 6:26

Maw ka mi hna fanu, buri i aih law vutcam i phulh tuah; Fapa ngeih chunte a thih i an ṭah bantukin fak piin ṭap tuah, Zeicahtiah a kan hrawktu ding nih a kan tuk dengmang cang.

JEREMIAH 7:19

Sihmanhsehlaw a thin an huntermi cu keimah ka si maw, tiah Bawipa nih a ti. Si hlah, anmah tu kha an si deuh, ningzahnak in anmah le anmah aa khuhmi hna kha an si.

JEREMIAH 8:14

Zeicahdah nan ṭhut sawhsawh ko? Hmunkhatte ah nan dihlak in tho tuah u, Kulhnak hau a ngei mi kan khua hna ah khan va kal u si law Khika ah khan va thi dih hna u sih; Zeicahtiah Bawipa cungah kan sual caah, Bawipa kan Pathian nih hrawh awkah a kan ruah cang i Sivai paihmi ti kha din awkah a kan pek cang.

JEREMIAH 9:18

Khulrang in ra hna seh law ka ṭah hna seh, Kan mitthli a luan i kan mitthli a tlak nakhnga.

ṬAHNAK HLA 5:16

Pangpar ṭhirual cu kan lu cungin an tla cang; Harnak nih a kan khuh cang, misual kan si caah.

ṬAHNAK HLA 5:7

Kan pupa hna nih an rak sual i atu ah an um ti lo, Annih sualnak thilrit kha kannih nih kan phorh.

EZEKIEL 2:3

A ka thawh i, “Mipa, nangmah cu Israel mi hna sinah khan kan thlah lai, annih cu ralthawh hmang miphun, keimah a ka doh tawnmi miphun an si.

EZEKIEL 36:32

Hi ti ka tuah hi nanmah ruangah a si lo ti kha fiang tein hngal u, tiah Bawipa Pathian nih a ti. Cucaah Israel mi hna, nan ziaza ruangah ningzak hmaichia in um tuah u,” a ti.

EZEKIEL 44:13

Ka sinah tlangbawi rian ṭuan awkah ratnak lam an ngei lai lo; a thiangmi ka thil kha an naih hna lai lo i Hmun Thiang Bik pawngah khan an ra lai lo; annih nih fihnung an tuahmi thil ningzahnak kha an in lai.

EZEKIEL 7:18

Buri puan i aih in an i chawk lai i an lu in an ke tiang an ther lai, an hmai cu vawlei kha an bih lai i an lu kha an i kongh dih lai.

DANIEL 12:2

Leidip chungah a itmi hna lakin tampi cu an hun i ṭhang lai, a cheu cu zungzal nunnak chungah an hun i hlau lai i a cheu cu zungzal huatnak le ningzahnak chungah an hun i hlau lai.

HOSEA 9:10

Bawipa nih aa thawh i, “Israel hi ka rak hmuh terte ah cun thetse ram i a khomi mitsur thei bantuk a rak si. Nan pupa hna ka rak hmuh hmasa terte ah hin theipi a hung tlai hmasa bikmi hna hmuh bantuk khi a rak si. Sihmanhsehlaw Baal-Peor an phak tikah Baal biak hram kha an thawk i an duhmi an siasal ka huat tluk khan anmah cu ka huat hna.

ZEFANIAH 1:17

Bawipa nih, “Minung cungah a fakmi harnak kha ka tlunter lai; Bawipa cung i an sual ruangah khan mitcaw bantukin an i chawk lai. An thi cu ti bantukin thlet a si lai i an ruak zong ek bantukin hlonh a si lai,” a ti.

ROM 6:21

asinain zeital a miak nan hmu maw? Atu i nan i zahpimi thil hna dah ti lo hi cu, zeihmanh nan hmu lo. Cu hna an donghnak cu thihnak a si.

BIACEIHTU 2:2

hi ram i a ummi hna he hin biakamnak zeihmanh na tuah lai lo; an biakṭheng cu na hrawh dih hna lai,’ tiah ka ti. Sihmanhsehlaw nawl kan pekmi cu na ngai lo. Na tuahmi hi zeidah a si?