JEREMIAH 3:24 - Lai (Hakha) Common Language Bible 2006

²⁴ Hlanliopi in ningzahnak pathian Baal nih cun Kan pupa hna nih an ṭuanmi theitlai hna le, an tuurun hna le an cawrun hna le, An fapa hna le an fanu hna kha a ei dih hna.

JEREMIAH 3:24 ပူးပေါင်းရင်းမြစ်များ

JEREMIAH 11:13

Zeicahtiah, maw Judah na pathian cu na khua zat an si; cun Baal sin i raithawinak khanghnak ding caah na sermi biakṭheng hna cu Jerusalem khua chung lam zat an si.

JEREMIAH 22:21

Nan tlam a tlin lioah kan chawnh hna, Sihmanhsehlaw ngaih nan duh lo. Mah hihi nan tlanval lio in nan umtuning a si tawnmi a si; Zeitikhmanh ah ka bia nan ngai bal lo.

JEREMIAH 44:7

“Atu cu Bawipa, Ralkapbu Pathian, Israel Pathian nih hi bangin a ti: Zeicahdah nanmah lila cungah hi bantuk a nganmi rawhralnak hi nan i tlunter? Zeicahdah Judah mi nan cungah, pa si u, nu si u, ngakchia si u, bawhte si u law, a nungmi um lo tiangin, rawhnak nan i tlunter?

JEREMIAH 8:16

An rangtum hna hnarphit thawng cu Dan in theih a si, An rangtum tildit lo hna awnh thawng ah vawlei cu a ning piin aa hnin. Ral cu an ra i ram cu a chung i a ummi thil vialte he khan an ei dih, Khuapi le a chung i a ummi hna zong, an hrawh dih hna.

JEREMIAH 9:18

Khulrang in ra hna seh law ka ṭah hna seh, Kan mitthli a luan i kan mitthli a tlak nakhnga.

EZEKIEL 16:19

Kan pekmi rawl, changvut, chiti le khuaihliti, nangmah kan cawmnak kha na lak i an hmaiah cun rim thaw ṭhawinak caah na hun hna. Mah hihi Bawipa Pathian bia hrimhrim a si.

EZEKIEL 16:20

“Fanu, fapa na ka hrinpiakmi hna kha na lak hna i hi siasal hna hmaiah hin an rawl caah rai ah na thawi hna. Hlawh na hlannak nakin mah hihi a hme deuhmi thil a si maw?

EZEKIEL 16:61

Cun na rak tuahmi kha na hun hngalh ṭhan hna lai i na unau nu hna kha, a cang deuh he a no deuh he na hmuh hna tikah na ning a zak lai. Zeicahtiah annih cu na fanu si dingah nangmah kha kan pek hna lai i na biakamnak lengah a ummi an si lai lo.

EZEKIEL 16:63

Na tuahmi vialte kha kan ngaihthiam dih hnuah cun, na lung a pem lai i na ning a zak lai i na lung a ar lai i voi khat hmanh na kaa na ang ṭhan ti lai lo. Mah hihi Bawipa Pathian bia hrimhrim a si,” tiah a ti.

HOSEA 10:6

Siasal cu Assiria ah kalpi a si lai i Uktu Siangpahrang ngan cu laksawng ah va ṭhenh a si lai; Efraim cu ningzahnak nih a phak lai i Israel mi nih an nawl ngaih lonak ningzahnak kha an in lai.

HOSEA 2:8

Anih nih cun rawl le mitsur hang thar le chiti a petu kha keimah ka si kha a hngal lo i Baal siasal sernak ca i an hmanmi sui le ngun tam piin amah a petu kha keimah ka rak si kha a hngal fawn lo.

HOSEA 9:10

Bawipa nih aa thawh i, “Israel hi ka rak hmuh terte ah cun thetse ram i a khomi mitsur thei bantuk a rak si. Nan pupa hna ka rak hmuh hmasa terte ah hin theipi a hung tlai hmasa bikmi hna hmuh bantuk khi a rak si. Sihmanhsehlaw Baal-Peor an phak tikah Baal biak hram kha an thawk i an duhmi an siasal ka huat tluk khan anmah cu ka huat hna.