JEREMIAH 3:21 - Lai (Hakha) Common Language Bible 2006

²¹ Tlangpar kawng i ṭah thawng cu ngai hmanh. Israel mi hna nih zaangfah hal in an aunak aw cu! Zeicahdah hitin a si ti ahcun, annih nih lam kawi kha an zul i Bawipa an Pathian kha an philh caah a si.

JEREMIAH 3:21 ပူးပေါင်းရင်းမြစ်များ

JOB 33:27

Cun mi vialte hmaiah, ‘Ka sual cang, Dinnak kha dinlonak ah ka ser cang i cucu ka rak ruat bal lo,’ a ti ahcun,

PHUNGTHLÛKBIA 10:9

Ding tein a kalmi cu him tein a kal, sihmanhsehlaw a lam kha a ningcang loin a tuahmi cu a langh lai.

PHUNGTHLÛKBIA 19:3

Minung cu a hruhnak nih khan rawhnak ah a phakter i Cu tikah Bawipa cungah khan a lung chungin a thin a hung.

ISAIAH 15:2

Dibon khuami hna cu hmunthiang i va ṭah awkah tlang ah khan an kai. Moab mi hna nih cun Nebo khua le Medeba khua kha an ṭah hna; an ngaihchiat in an lu an i kongh i an khahmul an i ziah.

ISAIAH 17:10

Israel, nangmah an chanhtu le lungpi bangin an hupphengtu na Pathian cu na philh cang. Dum thiang tu kha naa serh hna i ramdang pathian kha na biak.

ISAIAH 57:11

Bawipa nih aa thawh i, “Zei pathian nan ṭih hna caah dah keimah kha a philh in nan ka philh? Sau tuk dai tein ka um caah maw keimah cu nan ka ṭih ti lo?

JEREMIAH 12:12

Ramlak tlangsang hmun kawng ah khan ramhtu an ra phan lulhmalh cang, cu hna cu ram kha khattelei kam in khattelei kam tiang a eitu Bawipa vainam kha an si; dai tein a um khomi zeihmanh an um lo.

JEREMIAH 13:25

Nannih nih keimah kha nan ka hlawt i pathian deu kha nan i bochan hna caah Mah hihi nan covo, ral thawh hmangmi hna covo, Keimah nih kan tahpiakmi hna cu a si, tiah Bawipa nih a ti.

JEREMIAH 18:15

Reu hlah, sihmanhsehlaw ka mi hna nih cun an ka philh; Annih nih siasal menmen hna sinah khan raithawinak an khangh, Annih nih an zulh awk hnga lam a simi ah khan an ril i hlan lam kha an zul ti hna lo; Lam hleng le ser lomi lam tu ah khan an i mer.

JEREMIAH 2:32

Ngaknu nih a hlawn kha a philh khawh lai maw? Mo nih a thuam kha a philh khawh lai maw? Sihmanhsehlaw ka mi hna nih cun atu le atu an ka philh.

JEREMIAH 3:2

Tlangpar kolh khi hei cuan hna u law zoh hna hmanh u, Khuazei ah khin dah it ṭi loin nan um? Ramlak i Arab mi hna bantukin an duhtu hna kha hngak in lam pawngah nan ṭhu. Hlawhhlan ṭhalo nan tuahnak thawngin ram kha nan thurhhnawmh cang.

JEREMIAH 31:9

Inn ah an ra tlung, an tlun pah in an ṭap, Sihmanhsehlaw ka hnemh hna lai i keimah cu a cawngtu hna ka si lai. A luangmi tiva ah ka hruai hna lai; An lam kha a mil tuk caah an tlu an ril lai lo. Zeicahtiah keimah cu Israel mi caah an pa ka si cang i Efraim cu ka fapa upa bik a si.

JEREMIAH 7:29

Maw Jerusalem, Pathian sin i naa peknak hmelchunhnak na sam kha i met law hlonh tuah; Tlang par kolh ah khin va ṭap tuah, Zeicahtiah a thin a huntertu chan kha Bawipa nih a hlawt cang i a kaltak cang hna,’ na ti lai.

EZEKIEL 23:35

Cucaah cun mah hihi Bawipa Pathian bia an si: Nangmah nih na ka philh i na hnulei ah na ka hlonh caah na hornak le na zuanzamnak man cu nangmah nih na in lai,” tiah a ti.

EZEKIEL 7:16

A luatmi an um i tlang ah an zam ahcun, khika ah a ṭap lengmangmi ṭhuro bantukin ka thah hna lai,

HOSEA 13:6

Sihmanhsehlaw ram ṭha chungah khan nan vung luh tikah nan paw a khim, nan thi a hnim i nan i porhlaw i nan ka philh.

HOSEA 8:14

Israel nih inn ṭhaṭha kha a sak hna, sihmanhsehlaw a Sertu kha a philh cang. Judah nih kulhnak ralhau a ngeimi a khua kha a karhter luaimai hna, Sihmanhsehlaw a khua cu mei in ka duah hna lai i a inn ṭhaṭha hna cu a kangh dih hna lai.

MIKAH 3:9

Israel uktu hna, ka bia ngai tuah u, nannih dinnak kha a hua i ṭhatnak kha palhnak i a mertu hna, ngai tuah u.

NAMBAR 22:32

Cun Bawipa vancungmi nih amah sinah cun, “Zeicaahdah hi voi thum tiang na laa kha na tuk? Zohhmanh, na tuahnak cu ka hmaiah a ṭha lomi a si caah nangmah kha donh awkah ka ra chuak.

2 KORIN 7:10

Pathian nih a hmanmi ngaihchiatnak nih cun khamhnak lei kalpitu lungthlennak a chuahpi i cu bantuk ngaihchiatnak cu i ngaihchih awk zeihmanh a um lo. Asinain vawlei cung phung ningin ngaihchiatnak kha kan in ahcun cu nih cun thihnak kha a chuahpi.