JEREMIAH 3:17 - Lai (Hakha) Common Language Bible 2006

¹⁷ Khi caan a phak tikah Jerusalem cu Bawipa bawiṭhutdan ti a si lai, Miphun vialte cu Jerusalem ah cun Bawipa min upat awkah an i pum lai; Annih nih a ṭha lomi an lungthin kha fek ṭhup in an zul ti lai lo.

JEREMIAH 3:17 ပူးပေါင်းရင်းမြစ်များ

GENESIS 8:21

Bawipa nih cu rim thaw cu a theih tikah, “Minung tuahmi ruangah vawlei cu zeitikhmanh ah chiat ka serh ṭhan ti lai lo; minung cu a no lio tein a ruahnak cu a ṭhalo ti kha ka hngalh. Atu i ka tuah bantuk hin zeitikhmanh ah thilnung vialte kha ka hrawk ṭhan ti hna lai lo.

1 SIANGPAHRANG 8:41

“Cu bantukin, na mi Israel mi a si lomi ramdangmi nih na min ruangah lam hlatpi ram in a rat i.

SALM 102:23

Ka chan ṭim hmanh ti hlanah Bawipa nih ka thazang a ka derter i ka nunnak kha a tawiter.

SALM 78:8

Annih cu a hringsortu hna bantuk kha an si lai lo, kha hna kha cu ralthawh hmang, nawl ngai lomi, Pathian fek tein aa bochan lomi, Pathian sinah zumhawktlak in a um bal lomi an si.

SALM 87:3

Pathian nih nangmah kong ah a chimmi bia sunglawi cu ngai tuah, Maw Pathian khualipi; Selah

ISAIAH 26:8

Nangmah duhnak kha kan zul i nangmah kha kan in bochan; kan duhmi cu nangmah na si ko.

ISAIAH 56:6

Cun Bawipa nih a mi hna chung i aa tel vemi, amah a daw i a rian a ṭuanmi, Sabbath kha a ul i a biakamnak kha ṭha tein a zulmi ramdangmi kha a thawh hna i,

ISAIAH 59:19

Nichuahlei in nitlaklei tiang, mi kip nih an ṭih lai i a ṭhawnnak a nganmi kha an hmaizah lai. A hlonh in aa hlonhmi tiva bantukin a ra lai, a ṭhawngmi thlitu bantukin a ra lai.

ISAIAH 6:1

Siangpahrang Uzziah a thih kum ah khan Bawipa cu ka hmuh. A sang i aa hlorhmi a bawiṭhutdan cungah khan a ṭhu i a puan cu biakinn kha a khat.

ISAIAH 66:1

Bawipa nih aa thawh i, “Van hi ka ṭhutnak a si i vawlei hi ka ke chiahnak a si. Cucaah zei bantuk inn dah nan ka sakpiak khawh lai i ka umnak ding caah zei bantuk hmun dah nan ka serpiak khawh lai?

ISAIAH 66:18

An ruahnak le an tuahmi kha ka hngalh. “Miphun kip chung minung kha ka pumh hna lai. Hmunkhat i an i pumh tikah ka ṭhawnnak nih zeidah a tuah khawh ti kha an hmuh lai i

ISAIAH 66:20

Nan phunhawi vialte hna kha, miphun dang hna sin cun, ka sinah laksawng ah, an rak kirpi hna lai. Jerusalem i ka tlang thiang ah khan rang cung le laa cung le kalauk cung le rangleng in an ratpi hna lai, Israel mi nih Biakinn ah biaknak lei in a thiangmi bawm in rawl kha an ratpi bantukin an ratpi hna lai.

JEREMIAH 11:8

Sihmanhsehlaw annih nih an ngai lo i an hna zong an ka chit duh lo, an dihlak in anmah le an lungkhon ning cio khan an kal ko. Cucaah an cung i biakamnak ka tuahmi, annih nih an zulh duh lomi biakamnak chung i a ummi dantatnak vialte kha an cungah ka tlunter,” tiah a ti.

JEREMIAH 12:15

Sihmanhsehlaw ka lak hna hnuah cun, an cungah zaangfahnak ka ngei ṭhan lai i an ti le an ram cio ah khan ka kirpi ṭhan hna lai.

JEREMIAH 12:16

Cun ka mi hna cu Baal min in chiatser an rak cawnpiak hna bantuk khan, annih zong nih ka mi hna biaknak kha an lungthin dihumnak in an i lak ve i, ‘Bawipa a nun bangin,’ ti in chiat an ser ve ahcun, ka mi hna lakah telh chihmi innchungkhar an si ve lai.

JEREMIAH 14:21

Na min a umnak kha zeirello in um hlah law A sungmi na bawiṭhutdan cung zongah nihsawhnak phakter hlah. Kan sin i na biakam cu philh hlah law pakpalawng ah ser sawh hlah.

JEREMIAH 16:12

Cun nannih hi nan pupa hna nak chia deuh in nan um i milungkhong, miṭhalo nan si i ka bia kha ngaih nan duh lo.

JEREMIAH 16:19

Maw Bawipa, nangmah cu ka thazang le ka ralhruang, harnak caan i ka himnak na si; Vawlei khuazakip in miphun hna kha na sinah an ra lai i ‘Kan pupa hna nih an rak comi cu hlennak le pakpalawng le santlai lomi siasal men kha an rak si ko.

JEREMIAH 17:12

Kan Biakinn cu sunparnak bawiṭhutdan bantuk a si. A hramthawk in tlangsang cungah a dirmi bantuk kha a si.

JEREMIAH 18:12

Sihmanhsehlaw annih nih an in thawh lai i, ‘Zeicahdah kan i remh len ko lai? Kan duhning cio paoh in kan tuah cio ko lai i kan lung chungin a chuakmi ning cio paoh in kan um ko lai,’ tiah an in leh lai.

JEREMIAH 3:19

Zeitluk in dah nannih cu lawmhnak he fa bantukin ka hei in tuah hna hnga i A nuammi ram, miphun vialte hna ram lak i aa dawh bik ro cu ka hei in pek ko hna hnga, ka ti. Cun nannih nih keimah cu, ka Pa, tiah nan ka ti lai i Keimah zulhnak lam khan nan pial ti lai lo, tiah ka ruah.

JEREMIAH 31:23

Ralkapbu Bawipa, Israel Pathian nih hitin a ti: “Annih cu an ram ah ka kirter ṭhan hna tikah, Judah ram le a khua hna ah cun, ‘Bawipa nih Jerusalem tlang thiang a umnak hmun thiang cu, Thluachuahnak pe ko seh,’ tiah an ti ṭhan lai.

JEREMIAH 33:9

Jerusalem khua nih hin vawlei cung miphun vialte hmaiah min ṭhatnak le thangṭhatnak le sunparnak a ka pek lai. A cungah ka tluntermi thluachuahnak vialte kha an theih i a cung i ka tluntermi thluachuahnak le daihnak kha an hmuh tikah an lung a suk hna lai i an khuaruah a har lai,” a ti.

JEREMIAH 4:2

‘Bawipa a nun bangin,’ tiin biatak le biading le dinnak in chiat na ser ahcun, Miphun hna nih nangmah bantukin thluachuakmi si ve awkah thla an cam lai i Nangmah ah cun sunparnak an hmuh lai.”

JEREMIAH 7:24

Sihmanhsehlaw ngaih an duh lo i zeizong ah an rel duh lo, anmah ruahnak le anmah lungkhonnak tu kha an zul deuh i hmailei ah kal loin hnulei tu ah an kir.

JEREMIAH 9:14

Annih nih an pupa hna nih an cawnpiak hna bang khan an lung a khong i Baal siasal lehlam kha an biak hna.

EZEKIEL 1:26

Cun an lu cung i a ummi cungkhuh cungah cun bawiṭhutdan bantuk, safaiar lungvar, bawiṭhutdan a lomi kha a um i cu cungah cun minung pumruang a lomi pakhat a ṭhu.

EZEKIEL 43:7

A ka thawh i, “Mipa, ka bawiṭhutdan umnak hmun, ka ke chiahnak hmun, Israel mi sinah zungzal in ka umnak ding hmun khi na hmu maw? Annih nih siseh, an siangpahrang nih si hna seh, ka sinah zumhawktlak loin an umnak le an thih tikah an siangpahrang hna ruak in ka min thiang cu an thurhhnawmh ti lai lo.

EZEKIEL 48:35

Khuapi velchum cu dong sang khat le thong riat a si lai i cu caan thawk in khuapi cu a min ah Bawipa Umnak Hmun ti a si lai.

ZEKHARIAH 2:11

Khi ni ah Bawipa sinah miphun tampi an ra lai i a mi an si lai i nannih lakah amah cu a um lai.

ZEKHARIAH 8:8

“Zohhmanh, ka mi hna cu nichuahlei ram le nitlaklei ram in ka chuah hna lai i Jerusalem khua chung i um awkah ka kirpi hna lai. Annih cu ka mi an si lai i biatak le dinnak in kei cu an Pathian ka si lai,” tiah a ti.

NAMBAR 15:39

cun nannih nih hmumbor kha nan zoh lai i Bawipa nawlbia vialte kha tuah awkah nan hngalh ṭhan lai, i sum loin zulh nan duh tawnmi nanmah nan lung duhnak le mit duhnak kha nan zul ti lai lo.

ROM 1:21

Pathian cu hngalh cu an hngalh ko, sihmanhsehlaw pek awk a simi upatnak kha an pe duh lo; a lawmh zong an lawm duh fawn lo. An ruahnak kha pakpalawng tu ah a cang i an lungthin kawlawngpi cu muihnak in a khat.

ROM 6:14

Sualnak nih cun in uk hrimhrim ti hna hlah seh, zeicahtiah nawlbia tangah nan um ti ṭung lo, Pathian vel tangah pei nan um cang cu.

GALATI 4:26

Sihmanhsehlaw vancung Jerusalem cu a luatmi nu kha a si i amah cu kan nu cu a si.

DEUTERONOMI 29:29

“Aa thupmi thil hna cu Bawipa kan Pathian ta an si; sihmanhsehlaw hi phungbia vialte hi kan tuah khawh nakhnga, phuanmi thil hna cu kanmah le kan fale hna ta zungzal in an si.

BIACEIHTU 2:19

Sihmanhsehlaw biaceihtu cu a thih fate, annih cu an i mer ṭhan i an pale nakkhan chia deuh in an nung, pathian dang kha an zulh hna i an biak hna i an hmaiah an kun; an tuah tawnmi le lungkhong lam an zulh tawnmi kha pakhat hmanh an hlaw hna lo.