JEREMIAH 3:10 - Lai (Hakha) Common Language Bible 2006

¹⁰ Hi vialte hnuah hin, zumhawktlak lo a simi a unaunu Judah nih khan ka sinah lungthin taktak he si loin i titer men in a ra kir,” tiah Bawipa nih a ti.

JEREMIAH 3:10 ပူးပေါင်းရင်းမြစ်များ

2 CHANRELNAK 34:33

Josiah nih cun Israel mi hna ta a simi ram chung khan fihnung vialte kha a hlonh dih i Israel ram i a ummi vialte kha Bawipa, an Pathian rian cu a ṭuanter hna. Amah chan chung cu annih nih Bawipa an pupa hna Pathian zulhnak khan an pial lo.

SALM 18:44

Ka bia an theih tikah ka nawl an ka zulh, ramdangmi kha ka hmaiah an kun.

SALM 66:3

Pathian sinah cun, “Na tuahmi thil hi zeitluk in dah khuaruahhar an si. Na lianhngannak kha a ngan tuk caah na ral cu na hmaiah therphang in an kun.

ISAIAH 10:6

Pathian zei ah a rel lomi miphun, ka thin a ka phoktu hna tuk awkah Assiria cu ka thlah. An thil va chuh awk le ramh awk le mi kha khualak lam i nawncek he lamh chih awkah annih cu ka thlah hna,” a ti.

ISAIAH 29:13

Bawipa nih, “Hi mi hna nih hin kan in biak tiah an ka ti, sihmanhsehlaw an bia cu sullam a ngei lomi lawngte an si i an lung cu kaa dangpi ah a um. Biaknak an timi cu minung serchommi phung le pupa nih an zulh tawnmi lam lawnglawng kha a si i an kaa in a chim a thiam sawhsawh in an thiammi kha a si.

ISAIAH 31:6

Pathian nih, “Israel mi hna, fak piin ka thin nan ka hunter i nan ka doh. Sihmanhsehlaw atu cu ka sinah ra kir cang ko u.

JEREMIAH 11:10

An pupa hna sualnak ah khan an kir ṭhan i ka bia kha ngaih an duh lo; pathian dang hna kha an zulh hna i an biak hna; Israel le Judah nih an pupa hna he ka rak tuahmi biakamnak kha an hrawh.

JEREMIAH 12:2

Nangmah nih na phun hna i hram an thla, An ṭhang i thei an tlai. An hmur ah cun na cuang lengmang ko, Asinain an lung cu nangmah he aa hlat ko.

JEREMIAH 9:1

Ka lu hi tikhor hei si seh law, Ka mit hi mitthli cerhtiput hei si seh law ka hei duh dah, Cuticun ka mi a thimi hna kha chunzan in ka ṭah khawh hna hnga.

HOSEA 7:14

Ka sin i thla an cammi hi lungtak in an si lo; An ihkhun cungah khan an kiao an ai men i a si ko, Rawl le mitsur hang thar caah khan nam in an i at, Sihmanhsehlaw keimah kha an ka doh.

AMOS 4:9

A kangh in a kangmi thli le bangbuar in kan hrem hna; Nan dum le nan mitsur lo hna cu ka hrawh hna; Nan theipi kung hna le nan oliv kung hna cu khaubawk nih an ei dih hna; Sihmanhsehlaw ka sinah nan kir hlei lo. Hihi Bawipa bia hrimhrim a si.

MALAKHI 2:11

Judah cu zumhawktlak lo a si ko, Israel ram chung le Jerusalem khua chungah mi nih fihnung a simi thil kha an tuah hna; Judah nih ramdang pathian fanu kha a duh hna i a ṭhit hna ruangah Bawipa thiannak kha a buar cang.