JEREMIAH 3:1 - Lai (Hakha) Common Language Bible 2006

¹ Mipa pakhat nih a nupi kha a mak i a nupi nih cun a kaltak i midang nupi a si tikah, Cu pa nih cun cu nu cu a fuh ṭhan lai maw? Cu nu cu thurhhnawmh a si cang lo maw? A la ṭhan kho ti lo. Sihmanhsehlaw nannih cu duhtu tampi he hlawhhlang nan i celh i Atu cu ka sinah ra kir nan duh! tiah Bawipa nih a ti.

JEREMIAH 3:1 ပူးပေါင်းရင်းမြစ်များ

SALM 106:38

a sual lomi an fanule le an fapale hna cu an thah hna i Kanaan mi siasal hna sinah khan raithawinak ah an pek hna; hi ti an thah hnanak nih hin vawlei kha a thurter.

ISAIAH 24:5

Mi nih Pathian nawlbia kha an buar caah vawlei cu an thurter i zungzal hmun dingin a sermi biakamnak kha an hrawh caah an hnawmhter.

JEREMIAH 2:20

“Hlanpi ah na hngawngkual cu na khiah cang i na hri cu na chah cang hna i, ‘Na sal ka si ti lai lo,’ na ti. Asinain, tlang sang kip cungah le thing hring kip toiah hlawhhlangnu bangin na it.

JEREMIAH 2:23

Zeitindah, ‘Kaa thurhhnawmh lo, Baal kha ka zul hna lo,’ na ti khawh? Nelrawn i na kalnak na lam khi zoh ngat; Na thil tuahmi kha philh hlah ngat. Hrem khawh lomi kalauk-la, a tlik tik i a ping le a pang i a tlimi,

JEREMIAH 2:7

Keimah nih thil tampi a chuahnak ram ah, A theitlai hna le a thil ṭha hna kha ei awkah kan luhpi hna. Sihmanhsehlaw nan rung luh tikah ka ram kha nan thurhhnawmh i Ka ro kha fihnung ah nan ser.

JEREMIAH 22:20

Jerusalem khuami hna, Lebanon ah khin hung kal u law hung au tuah u, Bashan ah khin fak piin hung au tuah u; Abirim in fak piin au u, zeicahtiah nanmah sin i a ṭangmi vialte kha an sung cang.

JEREMIAH 3:22

Maw a tlaumi ka fale hna, ka sinah ra kir u, Nan tlaunak kha kan damter hna lai. Maw Bawipa, na sinah kan ra, nangmah sinah kan ra; Zeicahtiah nangmah cu kan Pathian na si.

JEREMIAH 3:9

Zeihmanh ruahnak ngei loin hlawh a hlan le vacung pa duh bantuk a simi lung le thing a biaknak thawng khan ram cu a thurter.

JEREMIAH 31:22

Zeicahdah lung awṭawm in nan um lai, nannih zumhawktlak lomi hna? Bawipa nih thil thar pakhat vawlei cungah hin ka ser: nu nih pa an tluk hna lai.”

JEREMIAH 4:1

“Maw Israel, ka sinah ra kir ko, ka sinah ra kir ko, tiah Bawipa nih a ti. Ka hmaika in fih a nungmi na siasal kha na ṭhial hna i pial ti loin na um i,

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

ṬAHNAK HLA 1:2

Zan ah lunghno in a ṭap, A bel ah a mitthli a luang; Amah a dawtu hna lakah khan A hnemtu pakhat hmanh an um lo; A hawi vialte cu rawitu ah an cang dih i a ral ah an i cang dih.

EZEKIEL 16:26

A hormi na innpa Izipt he khan sualnak na tuah i sualnak na tuahmi a rel in rel cawk a si lomi nih khan ka thin a ka phawh.

EZEKIEL 16:30

“Ka thin na hei ka phawk hringhran dah! tiah Bawipa Pathian nih a ti. Mah hi vialte hi ningzah hngal lomi hlawhhlangnu bantukin na tuah.

EZEKIEL 16:35

“Cucaah maw hlawhhlangnu, Bawipa bia cu ngai tuah. Mah hihi Bawipa Pathian bia cu a si: Na luannak ah hin na tlau cang, an duhtu hna he sualnak na tuahnak ah na pum cu naa langh cang. Fih a nungmi na siasal hna le annih sin pek awkah na thahmi ngakchia hna lehrulhnak ah,

EZEKIEL 33:11

Cucaah annih cu, ‘Ka nun bangin ka chim, miṭhalo mi an thih cu ka duhmi a si lo. Miṭhalo mi nih an ziaza kha an ṭhinh i an nun kha ka duh deuh. Nan ziaza ṭhalo kha hlaw hna u, hlaw hna u; maw Israel mi hna, zeicahdah nan thih lai?’ a ti, tiah chim hna, a ka ti.

HOSEA 1:2

Bawipa nih Hosea sinin Israel sinah a hmasa bik bia a chim tikah, Bawipa nih amah cu a thawh i, “Va kal law mizuangzamnu kha va ṭhi law cu mizuangzamnu he cun fa va ngei u; zeicahtiah hi ram hi Bawipa sinah zumhawktlak loin a um caah mizuangzamnu bantuk a si cang,” tiah a ti.

HOSEA 2:2

Nan nu cu lem tuah u, Amah cu keimah nupi a si lo maw? Keimah cu a va ka si lo maw? Hlawhhlangnu muisam a kenmi cu a hlawt i a duhtu hna cu a ṭang in a ṭhen hna nakhnga, lem tuah u.

MIKAH 2:10

Tho u law kal u, hihi dinhnak hmun a si lo. Sualnak ruangah ṭih a nungmi rawhralnak he nan i tong lai.

MATTHAI 5:31

“Ahohmanh nih a nupi kha a mak ahcun maknak ca kha pe seh, tiah ti a si fawn.

DEUTERONOMI 22:21

ngaknu cu a pa innka ah an kalpi lai i cu khua chung pa hna nih cun thi lakin lung in an cheh lai, a pa inn chungah hlawhhlangnu aa celhnak in Israel mi lakah hruhnak a tuah caah; cuticun nan lakin ṭhat lonak cu nan thianh lai.

BIACEIHTU 19:2

Cun a nuchun cu a cungah a thin a hung i a sinin Judah ram Bethlehem khua i a pa inn ah khan khua a tli, khika ah thla li tluk a um.