JEREMIAH 29:7 - Lai (Hakha) Common Language Bible 2006

⁷ Sal ah kan tanternak hna khuapi kha a ṭhatnak ding kawl cio u law kha khua caah khan Bawipa sinah thla cam cio ko u; zeicahtiah a ṭhat ahcun nannih zong ṭhatnak nan hmu ve lai.

JEREMIAH 29:7 ပူးပေါင်းရင်းမြစ်များ

EZRA 7:23

Vancung Pathian nawl pekmi paoh cu, siangpahrang le a fapa hna pennak cungah hin a thinhunnak a tlun sual nakhnga lo, vancung Pathian inn caah tling tein tuah si seh.

SALM 122:6

Jerusalem daihnak caah thla cam u! “Nangmah an duhmi cu an thluachuak hna seh!

JEREMIAH 38:4

Cun bawi hna nih cun siangpahrang sinah cun, “Hi mipa hi thah awk a si, zeicahtiah hi bantukin a chimnak thawng hin ralkap hna le hi khua chung i a tangmi hna hi an lung a derter hna. Hi pa hi mi ṭhatnak a kawlmi si loin an chiatnak a kawlmi tu a si deuh,” an ti.

EZEKIEL 11:16

Cucaah, mah hihi Bawipa bia an si, tiah chim hna: Miphun dang hna lakah ram hlapi ah ka ṭhawl hna i ram tampi ah ka ṭhek hna tikah, an va kalnak ram hna ah khan caan tlawmte cu an caah himnak hmun ka rak si. Cucaah mah hihi Bawipa Pathian bia cu an si, tiah chim hna:

DANIEL 4:19

Daniel, Belteshazzar ti zongah ti a simi cu, tlawmpal cu ar ṭhup in a hung um i zeihmanh a chim kho lo. Sihmanhsehlaw siangpahrang nih cun aa thawh i, “Ka mang le a sullam nih cun na khuaruah in harter hlah seh,” tiah a ti. Belteshazzar nih cun a leh i, “Ka bawipa, hi mang le a sullam hi nangmah an huatu hna le na ral hna ca tu ah hei si seh law ka hei duh hnga dah!

DANIEL 4:27

Cucaah lungthin kan cheuhmi hi ngai tuah, maw siangpahrang: mi sinah siannak tuahnak thawngin na sualnak kha i tlan law retheimi hna cung i ṭhatnak tuahnak khan na ṭhat lonak cu i tlan tuah, cuticun lungdaihnak saupi na hmuh lai,” tiah a ti.

ROM 13:1

Ram uktu bawi kha an nawl va ngai hna u, zeicahtiah Pa-thian hnatlaknak tel loin nawl ngeitu ahohmanh an um lo i nawl ngei liomi hna hi Pathian nih a chiahmi hna an si.

ROM 13:5

Hi caah hin nawl ngeimi cu an nawl va ngai hna u — Pathian thinhunnak ruang lawngah khan si loin nan chiaṭha thleidannak ruang zongah khan an nawl cu va ngai hna u.