JEREMIAH 29:32 - Lai (Hakha) Common Language Bible 2006

³² “Keimah Bawipa nih, Shemaiah le a tefa vialte cu dan ka tat hna lai. Amah cu ka thlahmi a si lo. Asinain profet bantukin bia a chim hna i lih kha a zumhter hna. Nan lakah tefa zeihmanh a ngeih hna lai lo. Ka mi hna cu, keimah doh awk kha a fial hna caah ka mi hna ca i thil ṭha ka tuah ding kha a thih hlanah a hmu manh hna lai lo. Keimah Bawipa nih hi bia cu ka chim,” tiah a ka ti.

JEREMIAH 29:32 ပူးပေါင်းရင်းမြစ်များ

1 SIANGPAHRANG 13:18

Cun anih nih amah cu a thawh i, “Keimah zong hi nangmah bantukin profet ka si ve, Bawipa bia in vancungmi pakhat nih pei ka sinah a chim i, ‘Rawl a ei i ti a din nakhnga, na inn ah hin hun kirpi ṭhan,’ a ti cu,” tiah a ti. Sihmanhsehlaw amah cu lih a chimh a si.

2 SIANGPAHRANG 5:27

Cucaah Naaman thinghmui zawtnak nih khan nangmah le na tefa hna cu zungzal in an kaih hna lai,” a ti. Cucaah a sin cun amah cu mithinghmui in a chuak, hawhra bantukin a rang.

2 SIANGPAHRANG 7:2

Cun siangpahrang nih a kut aa hngatchanmi ralbawi nih khan Pathian mi cu a thawh i, “Bawipa hrimhrim hmanh nih van ah khin thlalangawng hna a ser hmanh ah, mah thil hi a si kho hnga maw?” tiah a ti. Sihmanhsehlaw anih nih, “Na mit hrimhrim in na hmuh lai, sihmanhsehlaw a ei cu na ei lai lo” tiah a ti.

EXODUS 20:5

Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

ISAIAH 14:20

Siangpahrang dang bang in nang cu vui zong na tong lai lo, zeicahtiah nangmah nih na ram cu na hrawh i na mi cu na thah hna. A ṭha lomi na innchungkhar chungin a nungmi ahohmanh an um lai lo.

ISAIAH 14:22

Ralkapbu Bawipa nih, “Babilon cu ka tuk lai i ka hrawh lai. Zeihmanh ka nganhmi a um lai lo — ngakchia siseh a tangmi si hna seh, ka nganhmi zeihmanh an um lai lo. Bawipa nih hi bia cu ka chim.

JEREMIAH 17:6

Amah cu thetse ram i a ummi burbuk bantuk a si, Ṭhat lonak a rat tikah zeihmanh a hmu lai lo. Ramlak i lungtamnak hmun ah cun khua a sa lai, ahohmanh an um khawh lonak cite ram ah cun, a um lai.

JEREMIAH 20:6

Cun nangmah Pashhur le na innchungkhar vialte cu sal taannak chungah nan kal lai i Babilon kha nan phan lai. Cuka ah cun nan thi lai i cuka ah cun vui nan si lai, nangmah le hlennak in na chimhmi na hawile vialte hna cu,” tiah a ti.

JEREMIAH 22:30

“Hi pa hi upatnak vialte chuh dihmi, Amah chan chung i a hlawhtling lo ding, David bawiṭhutdan cung i ṭhu ding siseh, Judah ram chung a uktu ding siseh, Tefa zeihmanh a thlau lomi, tiin ṭial tuah,” tiah Bawipa nih a ti.

JEREMIAH 28:16

Cucaah Bawipa nih hi bangin a ti: ‘Zohhmanh, vawleicung in nang cu kan ṭhial lai. Bawipa dohnak kha na chim caah tukum chung hrimhrim ah na thi lai,’ a ti,” tiah a ti.

JEREMIAH 29:24

Ralkapbu Bawipa, Israel Pathian nih, Nehelam fapa Shemaiah sin i va chim awk bia a ka pek. Nehelam nih cun Jerusalem khuami vialte hna le Maaseiah fapa profet Zefaniah le tlangbawi dang vialte hna sinah khan amah min in ca a rak kuat i a ca chungah cun Shemaiah nih khan Zefaniah cu

JEREMIAH 30:1

Bawipa sinin Jeremiah sinah a rami bia.

JEREMIAH 35:19

hi bangin Ralkapbu Bawipa, Israel Pathian nih, ‘Rekhab fapa Jonadab nih zeitikhmanh ah ka hmai i a dir dingmi tefa a bau bal lai lo,’ a ti,” tiah a ti hna.

JEREMIAH 36:31

Nangmah le na tefa hna cu na bawile vialte hna he, sualnak nan tuahmi ruangah dan kan tat hna lai. Nangmah nih siseh, Jerusalem mi le Judah mi nih si hna seh, ralrinnak kan pekmi hna cu zeihmanh ah nan rel lo, cucaah nan cungah ka tlunter lai ka timi rawhralnak vialte nan dihlak cungah ka tlunter lai,” tiah a ti.

EZEKIEL 20:38

Keimah a ka dohtu le a ka raltu kha nan sinin ka ṭhawl hna lai. Atu i an umnak ram chung hin ka lak hna lai, sihmanhsehlaw Israel mi ram cu an ke nih a lam lai lo. Cuticun Bawipa ka si kha nan hngalh lai.

AMOS 7:17

Cucaah Bawipa bia cu hihi a si: Na nupi cu khuapi chung hlawhhlangnu ah a cang lai i Na fapale hna le na fanule hna cu vainam in an thi lai. Na vawlei cu tahnak hri in an tah hna lai i mi an phawt hna lai; Nangmah cu lawkihmi ram ah na thi lai; Cun Israel cu anmah an ram khan lamhlapi ah an kalpi hna lai i sal ah an tang lai,” tiah a ti.

AMOS 9:10

Ka mi hna lak i misual, ‘Vanchiatnak cu kan pawng na phakter lai lo i a ton zong na kan tonter lai lo,’ a timi hna cu vainam in an thi lai.

DEUTERONOMI 13:5

Sihmanhsehlaw cu profet cu siseh mang mantu cu siseh thah an si lai, zeicahtiah Bawipa nan Pathian nih zulh awkah nawl an pekmi hna lam kha hlawt awkah, Izipt ram chungin an chuahtertu hna, hremnak inn chungin an tlantu hna Bawipa nan Pathian kha ralchanh awkah an cawnpiak hna. Cu bantukin ṭhat lonak cu nan lakin nan thianh awk a si.