JEREMIAH 29:21 - Lai (Hakha) Common Language Bible 2006

²¹ “Nan sinah lih in bia a chimmi Kolaiah fapa Ahab le Maaseiah fapa Zedekiah kong ah Ralkapbu Bawipa, Israel Pathian bia cu hi bangin a si: Annih cu Babilon siangpahrang Nebukhadnezzar kut ah ka chanh hna lai i nan mithmuh hrimhrim ah a thah hna lai.

JEREMIAH 29:21 ပူးပေါင်းရင်းမြစ်များ

JEREMIAH 20:4

“Zeicahtiah hi bangin Bawipa nih a ti: Nangmah cu nangmah lila caah le na hawikom hna caah ṭihnung ah kan ser lai. Na hmuh hngan hrimhrim ah annih cu an ral hna vainam in an tlu lai. Cun Judah ram vialte cu Babilon siangpahrang kut chungah ka pek lai i Babilon ah sal ah a kalpi hna lai i vainam in a thah hna lai.

JEREMIAH 20:6

Cun nangmah Pashhur le na innchungkhar vialte cu sal taannak chungah nan kal lai i Babilon kha nan phan lai. Cuka ah cun nan thi lai i cuka ah cun vui nan si lai, nangmah le hlennak in na chimhmi na hawile vialte hna cu,” tiah a ti.

JEREMIAH 23:14

Jerusalem profet hna chungah thil fihnung bik pakhat ka hmuh: Va cungin pa aa duhmi an si i miziathiam an si, Ṭhat lonak a tuahmi hna kha thazang an pek hna i Cucaah ahohmanh nih an sualnak kha an mertak duh lo. A chung i a ummi vialte hna cu, Ka caah Sodom le Gomorrah bantuk an si ko.

JEREMIAH 29:15

“Nannih nih, Babilon ah Bawipa nih profet a kan pek ve ko, nan ti.

ṬAHNAK HLA 2:14

Na profet nih an in hmuhpiakmi langhnak cu Ahmaan lomi le phuahchommi lawnglawng an si; Na sualnak kha i hngal lakin an in chim lo i Cucaah cun na cung i a tlung dingmi dantatnak nih an hrial kho lo. Annih nih an in hmuhpiakmi langhnak cu hlennak an si, a deu le dehnak an si.

2 PETER 2:1

Hlan lioah Israel mi hna lakah nal profet an rak chuah tawn bangin, nanmah lak zongah hin cawnpiaktu hmaanlo an chuak ve lai. Thil hrawktu a simi le ahmaan lomi zumhning kha an chuahpi lai i anmah a tlantu hna kan Bawipa kha an hlawt lai i cucaah an cungah a rian a rangmi rawhralnak kha an i tlunter lai.