JEREMIAH 29:18 - Lai (Hakha) Common Language Bible 2006

¹⁸ Annih cu vainam le mangṭam le rai in ka zulh hna lai i vawlei cung ram kip ah tuksapur ah ka ser hna lai, ka ṭhawl hnanak miphun kip sinah khan fihnung le ṭeifiak, zawmhtaih awk le nihsawh awkah ka ser hna lai.

JEREMIAH 29:18 ပူးပေါင်းရင်းမြစ်များ

2 CHANRELNAK 29:8

Cucaah Bawipa thinhunnak cu Judah le Jerusalem cungah a tlung i tuksapur, khuaruahhar le serhsat awk thil ah, nannih nih nan mit hrim i nan hmuh bang hin a ser hna.

SALM 44:11

Tuu an thah hna bantukin an kan thah i ram dang ah na kan ṭhek dih.

ISAIAH 65:15

Ka thimmi ka mi hna nih cun nan min cu chiatserhnak ah an hman lai. Bawipa nih kan thah hna lai. Sihmanhsehlaw ka nawl a zulmi cu min thar ka pek hna lai.

JEREMIAH 15:4

Cun Judah siangpahrang Hezekiah fapa Manasseh nih Jerusalem khua chung i a tuahmi sualnak ruangah annih cu vawleicung ram vialte hna sinah tuksum ah ka ser hna lai.

JEREMIAH 18:16

Anmah nih an ram cu pakpalawng ah an ser i Zungzal in mi nih an nihsawh lai. A pawng i a kalmi paoh cu an thla a hlauh hna lai i an lu an i thin sek len lai.

JEREMIAH 19:8

Cun hi khua hi mi thla a hlauhmi khua le cekcekhnawh thluahmah awk khua ah ka ser lai; a cung i ṭhat lonak a tlungmi vialte ruangah hin a pawng i a kalmi paoh cu an thla a hlauh hna lai i an cekcek len lai.

JEREMIAH 24:10

Cun anmah le an pupa hna sinah ka pekmi hna ram in annih cu hrawh cikcek an si hlantiang, an cungah vainam le mangṭam le rai ka tlunter lai,” tiah a ti.

JEREMIAH 24:9

Vawlei cung ram kip ah annih cu tuksapur ah ka ser hna lai, annih cu ka dawi hnanak ram kip ah nihsawh awk le phungthluk bia le zawmhtaih awk le chiatserh awkah ka ser hna lai.

JEREMIAH 25:9

chaklei miphun vialte kha ka cah hna lai, tiah Ralkapbu Bawipa nih a ti. Ka sal Nebukhadnezzar, Babilon siangpahrang kha ka cah fawn lai. Hi ram le a chung i a ummi hna le a pawngkam i a ummi miphun vialte hna doh awkah ka ratpi hna lai i ka hrawh cikcek hna lai, tuksapur le cekcekhnawh thluahmah awk le zungzal nihsawh awkah ka ser hna lai.

JEREMIAH 26:6

hi inn hi Shiloh bantuk ah ka canter lai i hi khuapi hi vawlei cung miphun vialte caah nihsawh awk thil ah ka ser lai, a ti, na ti hna lai,” tiah a ti.

JEREMIAH 27:8

Zei miphun hmanh si hna seh, zei ram hmanh si hna seh, hi Nebukhadnezzar, Babilon siangpahrang hi a rian a ṭuan duh lo i a hngawngkual tangah hin a hngawng chiah a duh lomi cu, cu hna cu vainam le mangṭam le rai in, amah kut tang i ka umter dih hna hlan tiang, dan ka tat hna lai,’ tiah Bawipa nih a ti.

JEREMIAH 29:17

Mah hihi Ralkapbu Bawipa bia cu a si: An cungah vainam le mangṭam le rai kha ka tlunter lai i theipi ṭhalo, a ṭhat lo tuk ca i ei awk tlak a si lomi bantuk ah ka ser hna lai.

JEREMIAH 29:22

Jerusalem in Babilon ah sal ah kalpimi hna nih, chiat ser an duh tikah, ‘Babilon siangpahrang nih a nung in a kiaomi Zedekiah le Ahab bantukin Bawipa nih na cungah tuah seh,’ tiah an ti lai.

JEREMIAH 32:24

Babilon mi hna nih khuapi cu lak awkah a velchum in kulhnak chuntlung an ser i annih nih an tuk. Raltuknak le mangṭam le rai nih khuapi cu an kut chungah a tlakter lai. Bawipa, nangmah nih na chimmi cu a tling ko cang ti kha na hmuh ko.

JEREMIAH 34:17

Cucaah hitin Bawipa nih a ti: Ka bia nan ngai lo; nan phunhawi Hebru mi kha luatnak nan pe hna lo. Cucaah keimah zong nih luatnak kan pek ve ding hna cu: tuknak le rai le mangṭam in thihnak kha a si lai. Nan cung i ka tuahmi ruangah vawlei cung ram vialte cu an tuksa nan purh hna lai.

JEREMIAH 42:18

Hi bangin Ralkapbu Bawipa, Israel Pathian nih a ti: Ka thinhunnak le ka thinlinhnak cu Jerusalem khuami hna cungah bungh a si bantuk khan Izipt ram i nan kal ahcun nan cungah bungh a si ve lai. Nannih cu vawlhpamhmi, tuksapur, holh chia tlenghnak le thangchiatmi nan si lai. Hi hmun hi zeitikhmanh ah nan hmu ti lai lo, tiah a ti hna.

JEREMIAH 44:12

Izipt ram chung i um hmun khuar awkah kal aa tim pengmi cu Izipt ram ah cun an donghnak an phan dih lai. A cheu cu nam in an thi lai, a cheu cu mangṭam in an thi lai. A sang he a niam he aa khatrep in vainam in siseh, mangṭam in siseh, an thi lai i annih cu vawlhpamhmi, tuksapur, holhchia tlenghnak le thangchiatmi an si lai.

JEREMIAH 44:22

a in khawh ti lo tiangin a lung chungah cun an kai luaimai. Nan tuahnak cu an ṭhalo tuk hringhran i nan tuahmi thil cu fih an nung tuk hringhran. Nan ram cu ṭiaotakmi hmun pakpalawng ah a cang i nihin i a si ko rih bantuk hin tuksapur le nihsawh awk, ahohmanh um lonak hmun a si ko rih.

EZEKIEL 12:15

Cun miphun dang hna sin le ram dangdang ah ka ṭhek hna tikah khan Bawipa ka si cu an hngalh lai.

EZEKIEL 22:15

Nannih cu miphun hna lakah khan kan ṭhek hna lai i ram hlapi ah kan dawi dih hna lai; cuticun nannih cu nan i thurhhnawmhnak khan kan thianh hna lai.

EZEKIEL 23:46

“Mah hihi Bawipa Pathian bia an si: Ramhtu ralkapbu cu au hna; ṭihnak le ramhnak chungah khan annih cu kaltak hna.

EZEKIEL 36:19

Miphun kip sinah ka ṭhek hna i ram dangdang ah an i ṭhen dih; an ziaza le an tuahsernak nih a hlawhmi dantatnak kha an cungah ka tlunter.

EZEKIEL 5:15

Nannih cu nihsawh awk le zawmhtaih awk thil ah nan cang lai i nan cung i biachahnak le biakhiahnak thinhung le thinlin in ka tuah tikah nan velchum i a ummi miphun hna caah i zohchunh awk thil ṭihnung nan si lai.

EZEKIEL 6:8

Sihmanhsehlaw annih cu an thih tikah, miphun hna lakah khan vainam thahnak in a luatmi tlawmpal cu kan zuahpiak hna lai.

LEVITIKAS 26:33

Miphun hna lakah kan ṭhek hna lai i nan hnu in vainam kan zuhhnawh hna lai i nan ram cu a ṭhing lai i nan khua cu an ṭiao lai.

AMOS 9:9

Keimah nih nawlbia kha ka chuah lai i Miphun vialte hna lakah khan Israel mi cu ka vamh hna lai, Mi nih fingrilh an rilh i cu fingrilh chungin lungtekem pakhat hmanh vawlei ah a tlak lo bantukin Israel mi cu ka rilh hna lai.

MIKAH 6:16

Omri siangpahrang cawnpiaknak kha nan i ken, A fapa Ahab le a innchungkhar nih an tuahmi kha nannih zong nih nan tuah ve; An lam paoh kha nan zulh hna. Cucaah nannih cu rawk cikcek in kan ṭhio hna lai, Miphun dang hna nih nannih cu an in nihsawh hna lai i an in serhsat hnanak cu nan in lai,” a ti.

ZEKHARIAH 7:14

Cucaah an hngalh bal lomi miphun hna lakah ka dawi hna i an ram cu ṭiao relrul in an kaltak i pakhat hmanh an i chawk an i let ti lo. Cuticun an ram a nuam ngaimi cu pakpalawng ah an ser.

ZEKHARIAH 8:13

Judah innchungkhar le Israel innchungkhar hna, nannih cu miphun vialte hna sinah chiatserhnak hmelchunhnak kha nan rak si; sihmanhsehlaw atu cu kan khamh hna lai i thluachuahnak hmelchunhnak nan si cang lai. Lung ṭhawng in um u, nan thin phang hlah u!

NAMBAR 5:27

Cun minu kha ti cu a dinter tikah, amah kha a rak i thurhhnawmh i a va toiah zumh awk tlak loin a rak um ahcun, chiatnak a tlunhtu ti cu a chungah a lut lai i a ngan a fahter lai i a pum cu a phing lai i a phei cu a tlong lai i, cu nu cu a mi hna lakah chiathrutnak a ingmi ah a cang lai.

LUKA 21:24

Annih cu vainam in thah an si lai i ram kip ah sal ah an hruai hna lai, Jentail mi nih Jerusalem khua cu an naan lai i an caan a dih hlantiang an ke tangah an chiah lai.

DEUTERONOMI 28:25

“Bawipa nih nannih cu nan ral hna hmaiah khan an sunghter hna lai; annih doh awkah lam pakhat in nan kal lai i an hmai in lam pasarih in nan zam lai; vawleicung pennak vialte hna mithmuh ah tuksapur nan si lai.

DEUTERONOMI 28:37

Cun Bawipa nih an hruai hna lainak mi hna lakah cun nannih cu tuksapur le phungthlukbia le nihchuak capo men ah nan cang lai.

DEUTERONOMI 28:64

Cun khattelei vanhramdeng in khattelei vanhramdeng tiang Bawipa nih miphun kip sinah an ṭhek hna lai i, nanmah nih siseh nan pupa hna nih siseh nan hngalh lomi pathian, thing le lung in an sermi hna kha, khika ah nan biak hna lai.