JEREMIAH 29:17 - Lai (Hakha) Common Language Bible 2006

¹⁷ Mah hihi Ralkapbu Bawipa bia cu a si: An cungah vainam le mangṭam le rai kha ka tlunter lai i theipi ṭhalo, a ṭhat lo tuk ca i ei awk tlak a si lomi bantuk ah ka ser hna lai.

JEREMIAH 29:17 ပူးပေါင်းရင်းမြစ်များ

JEREMIAH 27:8

Zei miphun hmanh si hna seh, zei ram hmanh si hna seh, hi Nebukhadnezzar, Babilon siangpahrang hi a rian a ṭuan duh lo i a hngawngkual tangah hin a hngawng chiah a duh lomi cu, cu hna cu vainam le mangṭam le rai in, amah kut tang i ka umter dih hna hlan tiang, dan ka tat hna lai,’ tiah Bawipa nih a ti.

JEREMIAH 29:18

Annih cu vainam le mangṭam le rai in ka zulh hna lai i vawlei cung ram kip ah tuksapur ah ka ser hna lai, ka ṭhawl hnanak miphun kip sinah khan fihnung le ṭeifiak, zawmhtaih awk le nihsawh awkah ka ser hna lai.

JEREMIAH 32:24

Babilon mi hna nih khuapi cu lak awkah a velchum in kulhnak chuntlung an ser i annih nih an tuk. Raltuknak le mangṭam le rai nih khuapi cu an kut chungah a tlakter lai. Bawipa, nangmah nih na chimmi cu a tling ko cang ti kha na hmuh ko.

JEREMIAH 43:11

Cun Izipt cu a doh lai i thah awk kha a thah hna lai i sal i kalpi awk kha a kalpi hna lai i vainam in thah awk kha vainam in a thah hna lai.

JEREMIAH 52:6

Cun khuapi chungah cun mangṭam cu a fak tuk hringhran cang i mi caah rawl a um ti lo caah cu kum thla linak thla a ni kua ni ah khuapi cu an bauh khawh.

LUKA 21:11

hmun kip ah ṭih a nungmi lihnin le mangṭam le ngal-eu zawtnak a tlung lai; thil ṭihnung le hmelchunhnak ngan pipi kha van in an lang lai.

LUKA 21:23

Cu caan ah cun fapawi nu ca le hnuktlai lio nau a ngeimi hna caah zeitluk in dik a har lai. Hi ram chungah hin harnak ṭihnung a tlung lai i hi miphun cungah hin Pathian thinhunnak a tlung lai.

BIAPHUAN 6:8

Ka hun zoh i rangrau diapduap pakhat ka hmuh. A cung i aa citmi cu a min ah Thihnak a si i Hell nih a hnulei in a zulh. Vawlei cung cheu li cheu khat uknak nawl kha pek an si i ral in siseh, mangṭam in siseh, rai in siseh, sahrang in siseh, mi thah khawhnak nawl kha pek an si.