JEREMIAH 29:14 - Lai (Hakha) Common Language Bible 2006

¹⁴ keimah cu nan ka hmuh lai, tiah Bawipa nih a ti. Cun nannih cu nan vanṭhatnak kha kan pek ṭhan hna lai i miphun vialte hna sin le hmun kip i kan ṭhawl hnanak hmun khan kan pumh ṭhan hna lai i saltannak chungah kan kalter hnanak hmun khan cuka i nan rak kalnak nan ram ah khan kan kirpi ṭhan hna lai, tiah Bawipa nih a ti.

JEREMIAH 29:14 ပူးပေါင်းရင်းမြစ်များ

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

SALM 126:1

Bawipa nih Zion i a kan kirpi ṭhan ah khan, kan mang bantuk a rak si!

SALM 126:4

Bawipa, kan ram ah kan kirpi ṭhan ko, a carmi tiva ah ruah nih ti a chuahpi ṭhan bangin, kan kirpi ṭhan ko.

SALM 32:6

Cucaah zumhawktlak a simi vialte hna nih cun, herhnak caan an ton tikah na sinah thla an cam awk a si; tilian a tlun tikah a phan hna lai lo.

SALM 46:1

Pathian cu kan i dornak le kan thazang a si, harnak caan ah a kan bawm zungzaltu a si.

ISAIAH 14:1

Bawipa nih a mi Israel mi cu a zaangfah ṭhan hna lai i amah mi ah khan a thim ṭhan hna lai. An ram ah khan a kirter ṭhan hna lai i ramdangmi nih khan an fuh hna lai i an sinah cun an um lai.

ISAIAH 43:5

Na thinphang hlah — na sinah ka um ko. A hlatmi nichuahlei ram le a hlat bik nitlaklei ram in, na mi cu inn ah ka tlunpi hna lai.

ISAIAH 43:6

Chaklei ram cu, thlah hna u, ka ti hna lai i thlanglei ram cu, tlai hna hlah u, ka ti hna lai. Ram hla pipi in ka mi cu kir hna seh law, vawlei cung khuazakip in kir hna seh.

ISAIAH 45:19

A thlithup in bia ka chim lo, kaa tinhmi zong kha ka thup lo. Thil aa tuaitamnak hmun ah khan ka kawl u, tiah Israel mi kha ka ti hna lo. Keimah hi Bawipa cu ka si i biatak kha ka chim; a hmaanmi kha ka langhter,” a ti.

ISAIAH 55:6

Atu cu Bawipa kha kan naih ah a um caah amah leiah cun i mer u law amah sinah cun thla cam u.

JEREMIAH 12:15

Sihmanhsehlaw ka lak hna hnuah cun, an cungah zaangfahnak ka ngei ṭhan lai i an ti le an ram cio ah khan ka kirpi ṭhan hna lai.

JEREMIAH 3:14

Maw zumh awk tlak lo fale hna, ra kir tuah u, tiah Bawipa nih a ti; Zeicahtiah keimah cu nan Bawipa ka si; Nanmah cu khua khat chungin pakhat, innchungkhar pakhat chungin pahnih in kan lak hna lai i Zion ah kan kalpi hna lai.

JEREMIAH 30:10

“Cucaah cun ṭih hlah maw Jakob, ka sal; Maw Israel, lungdong in um hlah, tiah Bawipa nih a ti. Zeicahtiah ram hlapi khan kan ratpi ṭhan lai i na tefa hna cu sal i an tannak hmun khan ka kirpi ṭhan hna lai; Cun Jakob cu hnangam tein a um ṭhan lai i thluachuak le lungdai in a um lai.

JEREMIAH 30:18

Bawipa nih hitin a ti: Zohhmanh, Jakob tefa hna cu an vanṭhatnak kha ka pek ṭhan hna lai i An umnak kip ah khan ka dawtnak kha ka hmuhsak hna lai. Khua cu an rawknak mual cungah khan sak an si ṭhan cio lai i Inn kip chungah khan a rak um tawnmi chungkhar kha an um ṭhan cio hna lai.

JEREMIAH 30:3

zeicahtiah mah hihi Bawipa bia hrimhrim a si: Ka mi Israel mi hna le Judah mi hna an vanṭhatnak ka pek ṭhan hna lai ni a ra lio, tiah Bawipa nih a ti; an pupa hna sinah ka pekmi ram ah khan ka kirpi ṭhan hna lai i cu ram cu an co lai.

JEREMIAH 31:16

Bawipa nih hi bangin a ti: “Fak piin na ṭah lengmang ko cu ngol cang law na mitthli thla ti hlah; Zeicahtiah na rianṭuan man ah laksawng kan pek lai, Annih cu an ral hna ram in an kir ṭhan lai.

JEREMIAH 31:17

Na hnu i a rung um dingah tefa na thlautak hna lai; Na fale hna cu anmahle an ram te ah khan an kir ṭhan lai.

JEREMIAH 31:23

Ralkapbu Bawipa, Israel Pathian nih hitin a ti: “Annih cu an ram ah ka kirter ṭhan hna tikah, Judah ram le a khua hna ah cun, ‘Bawipa nih Jerusalem tlang thiang a umnak hmun thiang cu, Thluachuahnak pe ko seh,’ tiah an ti ṭhan lai.

JEREMIAH 51:10

Bawipa nih, “Ka mi hna, au u law, ‘Kannih cu kan sual lo kha Bawipa nih nih fiang tein a langhter cang; Ra u law, Bawipa kan Pathian nih a tuahmi cu, Zion ah thanh u sih,’ ti u,” tiah a ti.

JEREMIAH 8:3

Hi miphun ṭhalo chungin a nungmi paohpaoh nih hin, ka ṭhawl hnanak hmun kip ah, nun nakin thih an duh deuh lai,” tiah Ralkapbu Bawipa nih a ti.

EZEKIEL 37:21

annih cu na thawh hna lai i Bawipa Pathian nih hi bangin a ti, na ti hna lai, Israel mi cu ṭhek an sinak miphun hna chung khan ka lak hna lai i ram kip chung khan ka pumh hna lai i anmahle an hmunte ah khan ka chiah hna lai.

EZEKIEL 39:25

Cucaah hihi Bawipa Pathian bia cu an si: Atu cu Jakob vanṭhatnak kha ka kirter ṭhan lai i ka tlaihchan hna nak kha Israel mi vialte cungah ka langhter lai i ka min thiang kha ka ṭanh lai.

AMOS 9:14

Ka mi Israel mi hna cu an vanṭhatnak kha ka pek ṭhan hna lai; Chuahtak ciami khua kha an ser ṭhan hna lai i an umhnawh ṭhan hna lai, Mitsur dum kha an ser hna lai i mitsur hang kha an din hna lai, Dum kha an ser hna lai i an theitlai kha an ei hna lai.

MIKAH 4:12

Sihmanhsehlaw annih nih Bawipa ruahnak kha an hngal lo i aa tinhmi zong kha an hngalthiam lo. A ngaingai ti ahcun, annih kha phuhri i faphal pumh bantukin a pumtu hna cu Bawipa kha a si.

ZEFANIAH 3:20

Kan pumh hna caan a phak tikah cun inn ah kan tlunpi hna lai. Nan vanṭhatnak kha kan pek ṭhan hna tikah, Vawleicung mi vialte sinah minthannak le thangṭhatnak kha kan hmuhter ṭhan hna lai i cucu nan mit in nan hmuh lai. Hi bia a chimtu hi Bawipa a si.

ROM 10:20

Cun Isaiah nih ralṭha deuh vak in: “A ka kawl lomi nih khan an ka hmuh, A ka hlam lomi sinah khan ka lang,” a ti fawn.

DEUTERONOMI 30:1

“Cun mah thil vialte, thluachuahnak le chiatnak hna, nan hmaiah ka chiahmi hna hi nan cungah a tlun i, Bawipa nan Pathian nih an dawi hnanak miphun vialte hna lakah cucu nan hun hngalh ṭhan hna i,

DEUTERONOMI 30:3

khi tikah Bawipa nan Pathian nih khan nan van kha an pek ṭhan hna lai i nan cungah zaangfahnak a ngei lai i Bawipa nan Pathian nih an ṭheknak hna mi vialte sin khan an pumh ṭhan hna lai.

DEUTERONOMI 30:5

Nannih nih nan co nakhnga, Bawipa nan Pathian nih nan pupa hna i an rak comi ram chungah khan an luhpi hna lai i nan pupa hna nakin rum deuh le tam deuh ah an ser hna lai.

DEUTERONOMI 4:7

Kannih nih Bawipa kan Pathian kha kan kawh fate Bawipa kan Pathian nih cun a kan naih tlukin naihtu pathian a ngeimi miphun ngan ahodah a um?