JEREMIAH 29:10 - Lai (Hakha) Common Language Bible 2006

¹⁰ “Mah hihi Bawipa chimmi bia cu a si: Babilon cungah hin kum sawm sarih kha a tlin tikah nan bia cu kan lakpiak ṭhan hna lai i thil ṭha nan cungah ka tlunter lai ti in bia kan kammi hna kha ka tlinter lai i hi hmun ah hin kan kirpi ṭhan hna lai.

JEREMIAH 29:10 ပူးပေါင်းရင်းမြစ်များ

2 CHANRELNAK 36:21

mah hihi Jeremiah kaa in Bawipa bia a chuakmi, ram nih a sabbath hna cu aa lawmhpi dih hlantiang, timi tlinternak caah khan a si. Kum sawm sarih tlinternak caah khan rawkral in a um chung vialte sabbath kha a ul ko.

2 CHANRELNAK 36:22

Jeremiah kaa in a langmi Bawipa bia cu a tlin nakhnga, Persia siangpahrang Sairas a bawi kum khatnak ah, Bawipa nih Sairas thlarau cu a hninhsaih i cucaah a pennak ram chung vialte ah thawng thanhnak a tuah i,

EZRA 1:1

Persia siangpahrang Sairas a bawi kum khatnak ah, Jeremiah kaa in Bawipa nih a chimmi bia kha a tlin nakhnga, Persia siangpahrang Sairas lungthin cu Bawipa nih a thawhter i cucaah a ram dihlak ah khan thawngthanhnak a tuah i ca zongin a ṭial:

EZRA 1:2

“Hi bangin Persia siangpahrang Sairas nih a ti: Bawipa, vancung Pathian nih vawleicung ram vialte hi a ka pek dih cang i Judah ram i a ummi Jerusalem khua ah amah caah inn sak awk a ka fial.

SALM 102:14

Hrawh dih cikcek a si ko nain na salle nih kan duh ṭhiamṭhiam, a rawk dih ko nain a cungah zaangfahnak kan ngei ṭhiamṭhiam.

JEREMIAH 25:11

Kum sawm sarih chung hi ram hi ningzak le tuksapur in a um lai i hi miphun hna nih hin Babilon siangpahrang cu an rianh lai.

JEREMIAH 25:12

Cun kum sawm sarih cu a dih tikah, Babilon siangpahrang le a miphun cu an ṭhat lo ruangah khan dan ka tat hna lai i Khaldi mi hna ram cu zungzal in pakpalawng ah ka ser lai.

JEREMIAH 27:22

Babilon ah kalpi an si lai i ka auh ṭhan hna hlantiang khika ah an um lai, tiah Bawipa nih a ti; cun ka kirpi ṭhan hna lai i hi hmun ah hin ka chiah ṭhan hna lai, a ti fawn.

JEREMIAH 27:7

Miphun vialte hna nih amah le a fapa le a tupa kha, a ram nih, a caan a phak hlantiang, an rianh hna lai; cun miphun ṭhawng hna le siangpahrang ngan hna nih amah cu an duhduh in an hman ve te lai.

JEREMIAH 29:28

Babilon i a ummi hna kha, khika ah khan saltang saupi nan si lai caah inn le lo i khuar hna u law dum i ser hna u law, nan cinthlakmi khan i cawm hna u, tiin ca a kuat hna caah amah kha thlauh hrimhrim awk a si,” a ti

JEREMIAH 29:32

“Keimah Bawipa nih, Shemaiah le a tefa vialte cu dan ka tat hna lai. Amah cu ka thlahmi a si lo. Asinain profet bantukin bia a chim hna i lih kha a zumhter hna. Nan lakah tefa zeihmanh a ngeih hna lai lo. Ka mi hna cu, keimah doh awk kha a fial hna caah ka mi hna ca i thil ṭha ka tuah ding kha a thih hlanah a hmu manh hna lai lo. Keimah Bawipa nih hi bia cu ka chim,” tiah a ka ti.

JEREMIAH 30:3

zeicahtiah mah hihi Bawipa bia hrimhrim a si: Ka mi Israel mi hna le Judah mi hna an vanṭhatnak ka pek ṭhan hna lai ni a ra lio, tiah Bawipa nih a ti; an pupa hna sinah ka pekmi ram ah khan ka kirpi ṭhan hna lai i cu ram cu an co lai.

JEREMIAH 33:14

“Hngak ko, Israel le Judah cungah bia ka kamhmi hna thluachuahnak vialte ka tlunter lai ni a ra lio.

EZEKIEL 11:17

Miphun dang hna chung khan ka pumh ṭhan hna lai i ka ṭhek hnanak ram chung khan ka khawmh ṭhan hna lai, cun Israel vawlei cu ka pek ṭhan hna lai.

DANIEL 9:2

keimah Daniel cu cathiang kha ka rel i Bawipa nih profet Jeremiah sinah a chimmi bia ningin Jerusalem khua cu kum sawm sarih chung a rawk lai timi kong kha ka ruat.

ZEFANIAH 2:7

Rilikam ram cu Judah ram mi a tangmi hna ta a si lai. Bawipa an Pathian nih a merhnawh hna lai i An vanṭhatnak kha a pek ṭhan hna lai caah An tuurun kha rilikam ah khan an tlonter hna lai i zanlei ah Ashkelon khua inn chungah khan an riak lai.

ZEKHARIAH 1:12

Khi tikah Bawipa vancungmi nih cun aa thawh i, “Maw ralkapbu Bawipa, hi kum sawm sarih chung na thinhunnak na chuahhnawhmi Jerusalem khua le Judah ram khua hna hi, zei can dah zaangfah loin na um rih hna lai?” tiah a ti.

ZEKHARIAH 7:5

“Ram chung i a ummi mi vialte hna le tlangbawi hna cu, ‘Hi Kum sawm sarih chung, thla nganak thla le thla sarihnak thla i rawl nan ulh i nan ṭah tawn tikah hin, nan rawl ulhnak hi keimah upatnak ca taktak ah maw a si?

RUTH 1:6

Cun a fapale nupi hna he khan tiah kir ṭhan awkah Moab ram khan aa thawh, zeitintiah Bawipa nih a mi kha a len cang hna i rawl a pek hna ti kha, Moab ram chung khan a theih.