JEREMIAH 28:14 - Lai (Hakha) Common Language Bible 2006

¹⁴ Zeicahtiah hi bangin Ralkapbu Bawipa, Israel Pathian nih a ti, ‘Hi miphun vialte hna hngawng ah hin thir hngawngkual ka chiah lai i Babilon siangpahrang cu an rianh lai. Amah cu an rianh lai, amah riantu dingah ramlak saram hmanh amah cu ka pek cang hna,’ ” tiah a ti.

JEREMIAH 28:14 ပူးပေါင်းရင်းမြစ်များ

JEREMIAH 15:12

Thir nih chaklei in a rami kahpathir cu a khiah khawh maw?

JEREMIAH 27:4

An bawile caah khan hi bia hi pe hna: Hi bangin Ralkapbu Bawipa, Israel Pathian nih a ti: Mah hihi nan bawile cu va chim hna u,

JEREMIAH 27:8

Zei miphun hmanh si hna seh, zei ram hmanh si hna seh, hi Nebukhadnezzar, Babilon siangpahrang hi a rian a ṭuan duh lo i a hngawngkual tangah hin a hngawng chiah a duh lomi cu, cu hna cu vainam le mangṭam le rai in, amah kut tang i ka umter dih hna hlan tiang, dan ka tat hna lai,’ tiah Bawipa nih a ti.

JEREMIAH 40:4

Sihmanhsehlaw nang Jeremiah cu nihin ah na kut ṭemnak cikcin cu kan phoih cang. Na duh ahcun ka sinah Babilon ah ra tuah, ṭha tein kan zohkhenh lai, sihmanhsehlaw rat lo kha na duh deuh ahcun a ṭha ve ko. Ram cu a ning piin na hmaika ah a um ko, a ṭha bik na tinak paoh ah kal ko,” tiah a ti.

ṬAHNAK HLA 1:14

Ka palhnak cu ka cungah ṭem chih an si i Amah kut hrim nih ka velchum in a ngerh hna; A hngawngkual cu ka hngawng ah khan a ka khinh i A rih tuk caah ka tha nih a celh lo; Cu ti i a ka khinh bu cun Bawipa nih a ka kaltak i ka dir kho lo.

DANIEL 2:38

nangmah na kut chungah minung siseh, saram siseh, van i a zuangmi va si hna seh, a chiah hna i khuazei ka i an um hmanh ah an dihlak cung i nawl ngeih khawhnak ding cu nangmah cu an pek — cu sui lu cu nangmah na si.

HOSEA 10:11

Israel cu ṭha tein cawnpiak cangmi, facang cil zong a duh cangmi cawla bantuk a si; Sihmanhsehlaw aa dawhmi a hngawng ah khan thuantum khinh i leithuannak thingthluan tu kha ṭemchih awkah ka ruah cang; Judah cu leithuannak kha ka hnuhter i Israel cu leitlang dennak kha ka hnuhter.

DEUTERONOMI 28:48

cucaah Bawipa nih an thlahhnawhmi hna nan ral hna cu rawlṭam tihal, puan lo le zeizong vialte herhbau cukmak in nan rianh hna lai i, an hrawh hna hlantiang thir hngawngkual nan hngawng ah an banh hna lai.

DEUTERONOMI 4:20

sihmanhsehlaw nannih cu Bawipa nih thir titnak meiphu, Izipt ram cun, amah miphun hrimhrim si awkah, atu i nan si bang hin, an chuahpi hna.