JEREMIAH 27:5 - Lai (Hakha) Common Language Bible 2006

⁵ ‘Ka ṭhawnnak a nganmi le aa samhmi ka baan in vawlei cu ka ser i vawlei cung i a ummi minung le saram hna cu ka ser hna; cun aa tlak ti i ka ruahmi sin paoh ah ka pek khawh.

JEREMIAH 27:5 ပူးပေါင်းရင်းမြစ်များ

GENESIS 1:25

Cuticun inn zuat saṭil a phunphun le ramlak saram a phunphun a hme he a ngan he a ser hna. A tuahmi kha a zoh i a lung a si.

GENESIS 9:6

Minung cu Pathian mui keng in sermi a si caah, minung a thatmi cu, a minung hawi nih an thah ve lai.

1 SIANGPAHRANG 8:42

(zeitintiah na min lianngan le a ṭhawngmi na kut le na samhmi na ban cu an theih ṭheo ding si kaw), hi inn lei hoih in thla a cam tikah,

EZRA 1:2

“Hi bangin Persia siangpahrang Sairas nih a ti: Bawipa, vancung Pathian nih vawleicung ram vialte hi a ka pek dih cang i Judah ram i a ummi Jerusalem khua ah amah caah inn sak awk a ka fial.

NEHEMIAH 9:22

Cun annih cu pennak le miphun kha na pek hna i hranchaw bantukin na phawt hna. Cuticun Heshbon siangpahrang Sihon ram le Bashan siangpahrang Og ram cu an lak hna.

SALM 102:25

hlanpi ah vawlei cu na rak ser cang, Nangmah nih na kut hrimhrim in van khi na ser hna.

SALM 96:5

Miphun dang hna pathian cu siasal men an si, sihmanhsehlaw Bawipa nih cun van khi a ser hna.

EXODUS 20:11

Ni ruk chungah Bawipa nih van le vawlei le rili le an chung i a ummi thil vialte kha a ser hna i ni sarih ni ah cun aa din. Cucaah cun Bawipa nih dinh ni cu thluachuah a pek i amah ca rian ṭuannak caah a duh.

EXODUS 6:6

Cucaah cun Israel mi cu na va thawh hna lai i, ‘Keimah cu Bawipa ka si: Izipt mi hna nih hramhram in an in ṭuantermi hna rian hin kan luatter hna lai. An sal nan sinak chung hin kan chuah hna lai. Ṭih a nungmi dantatnak tlunter awkah aa samhmi ka baan ṭhawng hin, nannih cu kan khamh hna lai.

ISAIAH 42:5

Pathian nih van khi a ser hna i a samh hna; vawlei le a cung i a ummi thilnung vialte kha amah nih a ser hna; vawlei cung i a ummi vialte kha nunnak le thaw a pek hna. Cu Bawipa Pathian nih cun a sal cu a thawh i,

ISAIAH 44:24

“Keimah cu Bawipa, nanmah an sertu hna le an khamhtu hna ka si. Keimah cu zeizong vialte a sertu Bawipa ka si. Keimah lawnglawng nih van cu ka samh hna; vawlei ka rak ser ah hin ahohmanh nih an ka bawm lo.

ISAIAH 45:12

Vawlei a sertu cu keimah ka si i a cung um dingah mi a sertu cu keimah ka si. Ka ṭhawnnak in van cu ka samh hna i ni le thlapa le arfi cu ka uk hna.

ISAIAH 48:13

Ka kut in vawlei hram kha ka ser hna i van kha ka samh hna. Van le vawlei kha ka auh hna tikah, khulrang tein an ra chuak.

ISAIAH 51:13

Nanmah kha an sertu hna le van kha a samh i vawlei hram a bunhtu Bawipa kha nan philh cang dahra? Nanmah an hremtu hna an thinhun le nanmah thah an zaltu hna an thinlinh cu zeicahdah ṭih zungzal in nan um? An thinhunnak nih cun a tawngh hmanh an tawng kho hna lai lo.

JEREMIAH 27:4

An bawile caah khan hi bia hi pe hna: Hi bangin Ralkapbu Bawipa, Israel Pathian nih a ti: Mah hihi nan bawile cu va chim hna u,

JEREMIAH 32:17

‘Maw Bawipa Pathian, Na ṭhawnnak a nganmi le samhmi na ban in van le vawlei hi na ser hna; nangmah caah a si kho lomi thil zeihmanh a um lo.

JEREMIAH 51:15

Pathian nih vawlei hi a ṭhawnnak in a ser, Vawlei hi a umnak hmun ah hin a fimnak in a umter; Van khi a thiamnak in a samh hna.

DANIEL 2:38

nangmah na kut chungah minung siseh, saram siseh, van i a zuangmi va si hna seh, a chiah hna i khuazei ka i an um hmanh ah an dihlak cung i nawl ngeih khawhnak ding cu nangmah cu an pek — cu sui lu cu nangmah na si.

DANIEL 4:14

Cu nih cun fak piin a au i, “Thingkung kha hau u, a nge kha thlam hna u, a hnah kha zun hna u law a thei kha ṭhek dih hna u. A toi i aa dormi ram sa hna kha zam hna seh law a nge i aa fumi va hna kha zuang hna seh;

DANIEL 4:17

Hi kong cu cawngtu vancungmi hna nih an ruah ciami a si. Cucaah khuazeika ram i a ummi minung paohpaoh hna nih, Cung Nung Bik Pathian nih cun minung pennak cungah nawl a ngei ti kha hngal hna seh. A duhmi paoh kha siangpahrang ah a ser khawh ko hna, santlailo bik hmanh kha a ser khawh ko hna, ti kha hngal hna seh,” a ti.

DANIEL 4:22

Nangmah cu na ṭhang i na ṭhawng. Na lianhngannak cu a thang i van a tawng; na bawi sinak cu vanhramdeng a phan.

DANIEL 4:25

Minung bu sinin nang cu ṭhawl na si lai i ram sa sinah na um lai; cawtum bantukin ram kha na ei lai i vandap nih cin cikcek in kum sarih chung an tlak lai. Khi tikah nangmah nih Cung Nung Bik cu minung pennak cungah khan bawi a si i cu pennak cu pek a duhmi hna sinah khan a pek ko, ti na vun hngalh ruangmang te lai.

DANIEL 5:18

Siangpahrang ka bawipa, Cung Nung Bik Pathian nih na pa Nebukhadnezzar cu pennak le ṭhawnnak le sunparnak le lianhngannak kha a pek;

LAMKALTU 14:15

“Zeicahdah mah hihi nan tuah? Kannih zong minung sawhsawhte kan si ve ko, nanmah bantuk minung kan si ve ko. Hika i kan ratnak cu nannih kha hi santlailo thil hna hi hlawt i van le vawlei le rili le a chung i a ummi thil vialte a sertu Pathian lei i mer awkah Thawngṭha ra chim kha a si.

LAMKALTU 17:24

Vawlei le a cung i a ummi thil vialte a sertu Pathian hi vancung le vawlei Bawi a si i minung sermi biakinn chungah a ummi a si lo.

LAMKALTU 17:26

Minung pakhat chungin miphun vialte kha a ser hna i vawlei cungah hin khua a sakter hna. A hlankan in an caan le an umnak hmun kha a khiahpiak hna.

DEUTERONOMI 2:19

Ammon fapa hna ramri nan va naih tikah, annih cu awlokchonh hna hlah u, a tuk zong tu hna hlah u, zeicahtiah co awkah Ammon fapa hna ram cu kan pe hna lai lo, Lot fapa hna kha ka coter cang hna a ti.

DEUTERONOMI 2:21

Cu hna cu Anak mi hna bantukin mi ngan, mi tam, le mi sang pipi an si. Sihmanhsehlaw Bawipa nih annih hmaiah a hrawh hna i an pawnchuah hna i an umnak kha an rawlh hna;

DEUTERONOMI 2:7

Zeitintiah Bawipa nan Pathian nih nan kut rianṭuannak vialte ah thluachuah an pek hna; hi ramlak kaupi chung i nan kalnak hi a hngalh ko; hi kum sawm li chung hi Bawipa nan Pathian cu nan sinah a um i zeihmanh nan bau lo,’ tiah a ka ti.

DEUTERONOMI 2:9

Cun Bawipa nih a ka chawnh i, ‘Moab cu awlokchonh hna hlah u, a tuk zong tu hna hlah u, zeitintiah annih ram cu co awkah zeihmanh kan pe hna lai lo, zeicahtiah Lot fapa hna cu Ar kha an co awkah ka pek cang hna.’

DEUTERONOMI 32:8

Cung Nung Bik nih miphun hna kha an ro a pek hna i Minung fapa hna kha a ṭhen hna tikah, Pathian fapa an tlawm an tam ningin minung an ramri kha a fehter.

DEUTERONOMI 4:17

vawlei cung i a ummi zei bantuk saram paoh a lomi maw, van i a zuangmi thla ngei va a lomi maw,

DEUTERONOMI 4:25

“Cun tu le fa nan ngeih tik le ram chungah nan tar tikah, zei mui a lomi hmanh si ai kun, suaimi siasal sernak in le Bawipa nan Pathian hmai i thil ṭhalo tuahnak in nan i thurhnawmhter i a thin nan hunter ahcun,

DEUTERONOMI 4:32

“Zeitintiah nannih hlan i a rak ummi hlanlio ni hna kha hal tuah hna u, Pathian nih vawlei cung i minung a rak ser ni ri khan, cun vanhramdeng khattelei in khattelei tiang zong hal tuah u, mah bantuk thil lianngan hi a rak um bal maw um bal lo, an rak thei bal maw thei bal lo dik?

DEUTERONOMI 4:35

Bawipa cu Pathian a si kha nan hngalh nakhnga, nannih cu hmuhsak nan si; amah hleiah a dang ahohmanh an um lo.

DEUTERONOMI 5:16

“ ‘Bawipa na Pathian nawl an pek bangin na nu le na pa kha va upat hna, Bawipa na Pathian nih an pekmi ram chungah na chan a sau lai i nangmah caah a remrel lai.

DEUTERONOMI 9:29

Zeitintiah annih cu nangmah mi le ro, a liannganmi na ṭhawnnak le samhmi na ban in na chuahpimi hna an si,’ a ti.

KOLOSE 1:16

Pathian nih Khrih thawng cun van le vawlei i a ummi thil vialte kha a ser hna, hmuh khawhmi thil si hna seh, hmuh khawh lomi thil si hna seh, amah thawng cun a ser hna; cun nawlngeitu thlarau hna le uknak thlarau hna le ṭhawnnak thlarau hna zong kha amah thawng cun a ser hna. Pathian nih vanle vawlei hi a dihlak in Khrih thawng cun a ser hna i Khrih caah cun a ser hna.

HEBRU 1:2

Sihmanhsehlaw atu kan chan, chan hmanung bik a simi chan ah hin cun, kan sinah a Fapa in a bia cu a chim. Amah thawng cun Pathian nih van le vawlei vialte kha a ser hna i amah cu Pathian nih a donghnak i zeizong vialte uktu ding i a thimmi cu a si.

BIAPHUAN 4:11

“Kan Bawipa le kan Pathian, Nangmah cu sunparnak le upatnak le lianhngannak kha hmuh awkah aa tlakmi na si. Zeicahtiah zeizong vialte kha nangmah nih na ser hna i Nangmah duhnak bangin annih cu ser an si i nunnak an ngei,” tiah an ti.