JEREMIAH 27:22 - Lai (Hakha) Common Language Bible 2006

²² Babilon ah kalpi an si lai i ka auh ṭhan hna hlantiang khika ah an um lai, tiah Bawipa nih a ti; cun ka kirpi ṭhan hna lai i hi hmun ah hin ka chiah ṭhan hna lai, a ti fawn.

JEREMIAH 27:22 ပူးပေါင်းရင်းမြစ်များ

2 SIANGPAHRANG 25:13

Cun Bawipa inn chungah a ummi dar tung pipi hna le Bawipa inn chungah a ummi hmaihumpi le a hunnak hna kha Khaldi mi hna nih cun an den cikcek hna i a dar cu Babilon ah an kalpi.

2 CHANRELNAK 36:21

mah hihi Jeremiah kaa in Bawipa bia a chuakmi, ram nih a sabbath hna cu aa lawmhpi dih hlantiang, timi tlinternak caah khan a si. Kum sawm sarih tlinternak caah khan rawkral in a um chung vialte sabbath kha a ul ko.

EZRA 1:11

sui umkheng le ngun umkheng vialte cu a dihlak ah thong nga, za li an si. Saltangmi hna cu Babilonia in Jerusalem ah hunpi an si tikah hi thil vialte hna hi Shesh-bazzar nih a hun ken hna.

EZRA 7:19

Na Pathian inn rianṭuannak caah an in pekmi umkheng hna cu Jerusalem Pathian hmaika ah cun na va chiah hna lai.

EZRA 7:9

thla khatnak thla a ni khatnak ni ah Babilonia in aa thawh i thla nganak thla a ni khatnak ni ah Jerusalem cu a phan, zeicahtiah a Pathian kut velngeihnak cu a cungah khan a um.

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

JEREMIAH 20:5

Cu hleiah, khuapi chung chawva vialte, rumnak vialte le Judah siangpahrang hna rorah vialte cu an ral hna kut chungah hranchaw ah ka pek hna lai i an tlaih hna lai i Babilon ah an kalpi hna lai.

JEREMIAH 27:21

Bawipa inn chungah le siangpahrang inn ah le Jerusalem ah a tang rihmi umkheng kong ah Israel Pathian, Ralkapbu Bawipa bia cu hihi a si:

JEREMIAH 27:7

Miphun vialte hna nih amah le a fapa le a tupa kha, a ram nih, a caan a phak hlantiang, an rianh hna lai; cun miphun ṭhawng hna le siangpahrang ngan hna nih amah cu an duhduh in an hman ve te lai.

JEREMIAH 29:10

“Mah hihi Bawipa chimmi bia cu a si: Babilon cungah hin kum sawm sarih kha a tlin tikah nan bia cu kan lakpiak ṭhan hna lai i thil ṭha nan cungah ka tlunter lai ti in bia kan kammi hna kha ka tlinter lai i hi hmun ah hin kan kirpi ṭhan hna lai.

JEREMIAH 32:5

Zedekiah cu Babilon ah an kalpi lai i khika ah a cung i rian ka ṭuan hlantiang a um lai. Babilon mi kha do hmanh hna seh law, a tei hna lai lo, tiah Bawipa nih a ti, tiah Jeremiah cu na chim”, tiah Zedekiah Siangpahrang nih cun a ti i cucaah khika ah khan thong i a thlaknak cu a si.

JEREMIAH 34:2

Mah hihi Bawipa, Israel Pathian bia cu a si: “Va kal law Judah siangpahrang Zedekiah cu va chim, mah hihi Bawipa bia a si: Hi khua hi Babilon siangpahrang kut chungah ka pek lai i mei in a khangh lai.

JEREMIAH 34:3

A kut chungin na luat lai lo, tlaih na si hrimhrim lai i a kut chungah chanh na si hrimhrim lai. Amah cu hmaitonh tein na hmuh lai i nan pum hrimhrim in bia nan i ruah lai, cun Babilon ah na kal lai.

JEREMIAH 34:5

Dai tein na thi ko lai. Na pupa hna, nangmah hlanah a ummi siangpahrang hna caah meiphu an tih bantuk khan nangmah upatnak caah an tih ve lai. Nangmah cu an in ṭah lai i an ṭang an i cumh pah in, ‘Aize, bawipa!’ an ti lai. Mah hihi keimah chimmi a si,” tiah Bawipa nih a ti.

DANIEL 5:23

A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangṭhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.

DANIEL 9:2

keimah Daniel cu cathiang kha ka rel i Bawipa nih profet Jeremiah sinah a chimmi bia ningin Jerusalem khua cu kum sawm sarih chung a rawk lai timi kong kha ka ruat.