JEREMIAH 27:18 - Lai (Hakha) Common Language Bible 2006

¹⁸ Annih cu profet an si i Bawipa bia cu an chungah a um taktak a si ahcun, Bawipa inn chungah le Judah siangpahrang inn chungah le Jerusalem ah nganhtami umkheng hna cu Babilon ah kalpi loin Bawipa nih a umter hna nakhnga Ralkapbu Bawipa cu nawl hna ngat seh.

JEREMIAH 27:18 ပူးပေါင်းရင်းမြစ်များ

GENESIS 20:17

Abraham nupi Sarah cung i a tlungmi thil ruangah khan Bawipa nih Abimelek inn chung i a ummi nu vialte kha fa ngei kho loin a tuah dih hna. Cucaah Abraham nih Abimelek kha thla a campiak i Pathian nih a damter. A nupi le a salnu hna zong kha a damter hna i fa an ngei kho ṭhan.

1 SIANGPAHRANG 18:24

Cun nannih nih nan pathian min kha nan auh lai i kei nih Bawipa min kha ka auh lai; mei in a kan lettu Pathian cu, amah cu Pathian cu a si lai,” tiah a ti. Cun mi vialte nih an leh i, “Na chimmi cu a ṭha,” tiah an ti.

1 SIANGPAHRANG 18:26

Cun annih nih an pekmi hna cawtum cu an i lak i an can i Baal min cu zingka in chun tiang an auh i, “Maw Baal, kan let tuah!” tiah an ti. Sihmanhsehlaw zei aw hmanh a um lo i zeihmanh nih a let hna lo. Cun an sermi biakṭheng a velchum ah cun heh tiah an i hlok.

2 CHANRELNAK 32:20

Khi tikah Siangpahrang Hezekiah le Amoz fapa profet Isaiah kha hi ruangah hin thla an cam i van leiah an au.

JEREMIAH 15:1

Cun Bawipa nih a ka thawh i, “Moses le Samuel hmanh kha ka hmaiah dir hna seh law, hi mi hna hi ka zaangfah hlei hna lai lo. Ka hmaika in dawi hna law kal ko hna seh.

JEREMIAH 18:20

Ṭhatnak hi ṭhat lonak in maw lehrulh a si lai? Na thinhunnak kha an sinin aa ṭhial khawh nakhnga anmah aiawh in nangmah cu kan nawl i na hmai i ka dir kha philh sawh hlah.

JEREMIAH 42:2

profet Jeremiah cu an thawh i, “Zaangfah kan in halnak hi kan cohlanpiak ko: Kanmah aiawh in le hi a tangmi hna aiawh hin Bawipa na Pathian sinah thlacam tuah; zeicahtiah nangmah nih na kan hmuh bangin mi tampi chung khan a tangmi cu tlawmte lawng kan si.

JEREMIAH 7:16

Jeremiah, hi mi hna caah hin thlacam hlah, an caah nawlnak le thlacamnak tuah hlah, keimah zong kha ka nawl len hlah; zeicahtiah na bia cu ka ngai lai lo.

EZEKIEL 14:14

Noah, Daniel le Job, kha mi pathum hna hmanh kha nung rih hna seh law, anmah nunnak dah ti lo cu an dinnak nih khan ahohmanh a khamh kho hlei hna lai lo. Mah hihi Bawipa Pathian bia hrimhrim a si.

EZEKIEL 22:30

Ram cu rawk lo dingin chanhtu dingah, a pemnak ah cun ka hmaiah a dir kho i a phit khotu ding annih lakah ka kawl hna i ahohmanh ka hmu hna lo.

MALAKHI 1:9

Nannih tlangbawi hna mithmai ṭha kan pe tuah tiah Bawipa cu hal hnek u, nan thlacamnak cu an let hna lai lo; nanmah palh a si ko lai.

1 SAMUEL 12:19

Cun mi vialte nih Samuel sinah cun, “Bawipa na Pathian sinah cun, kan thih nakhnga lo, na sal hna caah hin thla kan campiak tuah; zeicahtiah kan sualnak vialte cungah hi thil ṭhalo hi kan i chap cang, kan ca i siangpahrang kan hal hi,” tiah an ti.

1 SAMUEL 12:23

Cuhleiah nan ca i thlacam ka ngol thawngin Bawipa cung i sualnak ka tuah hnga cu ka duh ding naisai a si lo; lam ṭha le lam ding chung kal awk kha kan cawnpiak ko hna lai.

1 SAMUEL 7:8

Israel mi nih Samuel cu, “Filistin mi hna kut chungin a kan khamh nakhnga, kan ca i Bawipa kan Pathian sin i na aunak cu ngol hlah,” tiah an ti.