JEREMIAH 27:10 - Lai (Hakha) Common Language Bible 2006

¹⁰ An in chimhmi hna cu lih a si; cucaah nannih nih nan ngaih ahcun nan ram in a hlat ngaingaimi ram ah kalpi nan si lai i keimah nih kan ṭhawl hna lai i nan thi lai.

JEREMIAH 27:10 ပူးပေါင်းရင်းမြစ်များ

EXODUS 22:18

“Hnam ngeimi nu kha nan nunter hna lai lo.

JEREMIAH 14:14

Cun Bawipa nih a ka thawh i, “Profet hna nih keimah min in lihbia kha an chim; keimah nih ka thlah hna lo, nawl zong ka pe hna lo, a chawnh zong ka chawn hna lo. Annih nih annih cu lih a simi langhnak le santlailo bong le anmah lung chung ruahnak menmen kha an chimh hna.

JEREMIAH 23:16

Ralkapbu Bawipa nih hi bangin a ti: Profet nih an chimmi bia kha ngai hlah u, Ruahchannak pakpalawng in nan lung an thawhtertu hna kha an bia ngai hna hlah u; Annih nih an chimmi langhnak kan hmuh an timi cu anmah lung chungin thil an suaimi chungin a chuakmi a si, Bawipa kaa chungin a chuakmi a si lo.

JEREMIAH 23:25

Ka min in lih a chimmi profet hna nih, ‘Mang ka manh cang, mang ka manh cang,’ an ti cu ka theih.

JEREMIAH 27:14

Babilon siangpahrang kut tang um cu duh hlah, tiin an titu profet hna cu an bia ngai hna hlah, zeicahtiah an in chimhmi cu lih a si.

JEREMIAH 27:15

Annih cu ka thlahmi an si lo, hlennak in ka min in bia an chim i cucaah cun nangmah kha kaan dawi lai i na thi lai, nangmah le nangmah sin i bia a chimmi profet hna hi, tiah Bawipa nih a ti,” tiah ka ti.

JEREMIAH 27:16

Cun tlangbawi hna le mi vialte hna sinah cun ka chim i, Bawipa nih hi bangin a ti, tiah ka ti: Bawipa inn umkheng hna cu tuante Babilon in kirpi an si ṭhan lai, tiah a titu profet hna cu an bia ngai hna hlah u, an in hlennak hna men a si.

JEREMIAH 28:11

mi vialte hmaiah cun, “Bawipa nih hi bangin a ti: Hi bangin Babilon siangpahrang Nebukhadnezzar hngawngkual cu ka khiah lai, mah hihi kum hnih chungah ka tuah lai, a ti,” tiah a ti; cun Jeremiah cu a kal.

JEREMIAH 28:16

Cucaah Bawipa nih hi bangin a ti: ‘Zohhmanh, vawleicung in nang cu kan ṭhial lai. Bawipa dohnak kha na chim caah tukum chung hrimhrim ah na thi lai,’ a ti,” tiah a ti.

JEREMIAH 32:31

Hi khua nih hin tlak a si ka in atu tiang ka thinhunnak kha a tuah lengmang i ka thin kha a ka phawh lengmang, cucaah ka hlonh ko lai;

JEREMIAH 8:19

Ram hlapi ah a ummi ka mi hna au thawng cu ngai hmanh: ‘Bawipa cu Zion ah a um lo maw? A Siangpahrang cu a chungah cun a um ti lo maw?’ tiah an au. Zeicahdah an siasal hna le ramdang pathian hna in ka thin an ka phawh? a ti.

ṬAHNAK HLA 2:14

Na profet nih an in hmuhpiakmi langhnak cu Ahmaan lomi le phuahchommi lawnglawng an si; Na sualnak kha i hngal lakin an in chim lo i Cucaah cun na cung i a tlung dingmi dantatnak nih an hrial kho lo. Annih nih an in hmuhpiakmi langhnak cu hlennak an si, a deu le dehnak an si.

DANIEL 4:7

Mitlehthiam hna le khuachia thawl thiam hna le Khaldi mi hna le mang ih thiam hna kha an ra i an hmaiah cun ka mang cu ka chim.

ZEKHARIAH 10:2

Innchungkhar khuazing hna nih cun pakpalawng biakamnak kha an chim i, Litinthiam hna nih cun ahmaan lomi hmelchunhnak kha an hmuh, Mangihthiam minu hna nih khan hlennak mang an manh i pakpalawng bia kha an chim. Mi cu tuu bantukin an vak, tuukhal a um lo caah harnak kha an in.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

DEUTERONOMI 18:10

Nannih lakah ahohmanh pekchanhnak caah a fapa siseh a fanu siseh a khaangmi nan um lai lo, litinthiam, bong zummi, mang ihthiam, eihthiam,