JEREMIAH 26:9 - Lai (Hakha) Common Language Bible 2006

⁹ “Zeicahdah Bawipa min in bia na chim i, hi inn cu Shiloh bantuk a si lai i hi khua cu a chung ummi pakhat hmanh um lo tiangin a ṭiao lai, na ti,” an ti. Cun mi vialte nih cun Jeremiah cu Bawipa inn ah khan an kulh.

JEREMIAH 26:9 ပူးပေါင်းရင်းမြစ်များ

2 CHANRELNAK 25:16

Sihmanhsehlaw bia a chim lioah cun siangpahrang nih khan a thawh i, “Nangmah cu siangpahrang fimchimtu ah maw kan in ser? Ngol ko! Zeicahdah thah na si lai?” tiah a ti. Cucaah profet nih cun a ngol, sihmanhsehlaw, “Mah hihi na tuah i kan chimhmi na ngaih lo caah, Pathian nih nangmah hrawk awk cu a ruah cang tiah ka hngalh,” tiah a ti.

ISAIAH 29:21

Mi congoih a hmangmi hna le misual dantat loin a luattertu hna le lihchim lomi nih biakhiahnak a dingmi an hmuh ding hmu kho loin a dawntu milihchim hna cu, Pathian nih a hrawh hna lai.

JEREMIAH 32:3

“Bawipa nih, ‘Hi khua hi Babilon siangpahrang sinah ka pek lai i a lak lai.

JEREMIAH 33:10

Bawipa nih hitihin a ti: “Nannih nih nan i thawh i, hi hmun cu a rawk cang, Judah ram khua chungah siseh, Jerusalem khua chungah siseh, mi siseh, saram siseh, an um ti lo. Pakpalawng ah a cang ko cang, mi zong an um ti lo, saram zong an um ti lo, nan ti.

JEREMIAH 36:29

Cun Judah siangpahrang Jehoiakim sinah cun Bawipa nih hi bangin a ti, tiah na va ti lai: Hi cazual cu na khangh i, ‘Zeicahdah a chungah hin Babilon siangpahrang cu a ra hrimhrim lai i hi ram hi a hrawh lai i minung siseh, saram siseh a thah dih hna lai, tiin na ṭial? na ti.

JEREMIAH 9:11

Jerusalem cu a rawkmi thil pon ah le cenghngia nih an veh lengmangmi hmun ah ka ser lai; Cun Judah ram khua hna cu an chungah mi um ti loin ka ṭhio dih hna lai.

ṬAHNAK HLA 4:13

A kulhnak vampang chungah Miding mi hna thisen a chuahtu A profet hna sualnak ruang le A tlangbawi hna ṭhat lonak ruangah a si.

AMOS 5:10

Ṭhat lonak tuahtu zung i a chuahpitu a hua i Biatak a chimmi a fihmi hna:

MIKAH 2:6

Mizapi nih an i thawh i, “Phung kan chim len hlah; cu bantuk kong hoi hna cu kan chim len hlah. Pathian nih cun ningzahnak ah a kan phakter lai lo.

MATTHAI 21:23

Jesuh cu Biakinn ah khan a ra ṭhan i a cawnpiak hna lioah khan tlangbawi upa pawl le Judah mi hruaitu pawl kha an ra i, “Zei nawl in dah hi thil hi na tuah hna? Aho nih dah cu nawl cu an pek?” tiah an hal.

MATTHAI 27:20

Tlangbawi upa pawl le upa hna nih khan mizapi cu Pilat kha, Bar-Abbas kan thlahpiak, tiah nan hal lai i Jesuh kha that, tiah nan ti lai, tiah an lem khawh hna.

MARKA 15:11

Sihmanhsehlaw tlangbawi upa pawl nih cun mizapi kha, Barabbas na kan chuahpiak lai, tiah Pilat kha nan hal lai, tiah an forh hna.

JOHAN 8:20

Hi bia Jesuh nih a chimnak hi biakinn chung, thawhlawm kuang an hun hnanak hmun i a cawnpiak hna ah khan a si. A caan a tlin rih lo caah ahohmanh nih an tlai lo.

JOHAN 8:59

Amah chehnak ah lung kha an i char, sihmanhsehlaw Jesuh cu aa thup i biakinn chung khan aa zuk.

LAMKALTU 13:50

Sihmanhsehlaw Judah mi hna nih khan, cu khua chung i hruaitu deuhdeuh a simi hna le Pathian a biaminu, upat hmaizah awk deuh a simi kha an forh hna i Paul le Barnabas cu hrem hram an thawk hna; cun cuka ram cun an dawi hna.

LAMKALTU 21:30

I tuainak cu khuapi chungah cun a khat i mi vialte kha an tli an le i Paul kha an tlaih i biakinn chung khan an chuah. Khulrang in innka kha an hrenh.

LAMKALTU 22:22

Hi tiang a chim ah hin cun mizapi nih khan Paul kha an ngaih ko; sihmanhsehlaw an aw reng chuak khan an au ṭhan i, “Kha pa kha hlo ko u. That ko u. A nung ding tlak a si lo,” an ti.

LAMKALTU 3:11

Mipa cu Peter le Johan sin lawngah khan aa hel caah mizapi cu an khuaruah a har i Solomon Innleng timi ah khan an sinah cun an va le i,

LAMKALTU 5:12

Khuaruahharnak tampi le hmelchunhnak tampi kha lamkaltu hna nih cun mizapi lakah khan an tuah.

LAMKALTU 5:28

A thawh hna i, “Hi pa min hin cawnpiak hna hlah u tiah fek tein nawl kan in pek hna, sihmanhsehlaw nan tuahmi hi zohhmanh u! Jerusalem khua hi nan cawnpiaknak in nan khahter i hi pa thihnak hi kanmah tuahmi siter nan duh,” tiah a ti.

LAMKALTU 6:14

Cun hi Nazareth khuami Jesuh nih hin biakinn hi a ṭheh dih lai i Moses nih a kan pekmi kan phunglam vialte hi a thlen dih lai, a ti kha kan theih,” tiah an ti.

JOSHUA 18:1

Cun Israel mibu cu an ning piin Shiloh ah an i pum i khika ah tonnak thlam kha an bunh; an hmaiah ram cu tei in a um ko.