JEREMIAH 26:21 - Lai (Hakha) Common Language Bible 2006

²¹ Siangpahrang Jehoiakim le a ralkap vialte hna le a bawi vialte hna nih a bia kha an theih i siangpahrang nih cun amah cu thah awkah a kawl. Cucu Uriah nih a theih tikah a thin a phang i Izipt ram ah a zam.

JEREMIAH 26:21 ပူးပေါင်းရင်းမြစ်များ

1 SIANGPAHRANG 18:10

Bawipa, na Pathian a nun bangin, ka bawipa nih hin nangmah kawl ah mi a thlah lonak ram le miphun a um ti lo; cun annih nih, ‘Hika ah a um lo,’ tiah an rak ti tikah, cu ram cu siseh, cu miphun cu siseh, kan hmu lo tiin, chiat a serter hna.

2 CHANRELNAK 16:10

Khi tikah Asa cu hmutu cungah khan a thin a hung i hi kong ah a cungah a thin a hun caah thong chungah hreng a khenh. Cun Asa nih mi cheukhat cungah hi caan ah hin hremnak zong a tuah.

2 CHANRELNAK 24:21

Sihmanhsehlaw an rawi i siangpahrang nawl in amah cu Bawipa inn tual ah khan lung in an cheh.

SALM 119:109

Nifate thinphang zungzal in ka um ko, sihmanhsehlaw na nawlbia cu ka philh lo.

PHUNGTHLÛKBIA 29:25

Midang nih zeitindah an ka ruah hnga ti hi thil ṭihnung a si, sihmanhsehlaw Bawipa i bochan hi himnak a si.

JEREMIAH 26:10

Cun Judah bawi hna nih hi thil cu an theih tikah siangpahrang inn khan Bawipa inn ah cun an kal i Bawipa inn i kutka thar luhnak ah cun an ṭhu cio.

JEREMIAH 36:26

Cun siangpahrang nih siangpahrang fapa Jerahmeel le Azriel fapa Seraiah le Abdeel fapa Shelemiah kha caṭialtu Baruk le profet Jeremiah kha va tlaih awkah a fial hna, sihmanhsehlaw Bawipa nih a thuh hna.

JEREMIAH 38:4

Cun bawi hna nih cun siangpahrang sinah cun, “Hi mipa hi thah awk a si, zeicahtiah hi bantukin a chimnak thawng hin ralkap hna le hi khua chung i a tangmi hna hi an lung a derter hna. Hi pa hi mi ṭhatnak a kawlmi si loin an chiatnak a kawlmi tu a si deuh,” an ti.

MATTHAI 10:23

Cun khua pakhat i an in hrem hna tikah, khua dang ah va zaam ko u. Hihi kan chimh hna: Mi Fapa a rat hlanah, Israel ram khua dihlak kha nan ṭol dih manh hna lai lo.

MATTHAI 10:28

Pum cu a that kho ko nain thlarau a that kho lomi cu va ṭih hlah u; hell chungah pum he thlarau he a that khotu Pathian tu kha va ṭih u.

MATTHAI 10:39

Ahohmanh a nunnak humhak a duhmi nih cun a nunnak cu a sung lai i keimah ruangah a nunnak a sungmi nih cun a nunnak cu a hmuh lai.

MATTHAI 14:5

Herod nih cun Johan cu thah a duh, sihmanhsehlaw Judah mi nih cun Johan kha profet a si tiah an ruah caah annih cu a ṭih hna.

MARKA 6:19

cucaah cun Herodias nih khan Johan cu a lung chung tein a uam ziar i thah a duh; sihmanhsehlaw Herod nih a dawnh caah a that kho lo.