JEREMIAH 26:2 - Lai (Hakha) Common Language Bible 2006

² Bawipa nih Jeremiah cu a thawh i, “Bawipa inntual ah va dir law, khika ah biak awkah a rami Judah ram chung mi vialte hna sinah cun, bia va chim tuah. Annih kha na chimh hna lai tiah nawl kan pekmi vialte kha zeihmanh ngan loin na chimh hna lai.

JEREMIAH 26:2 ပူးပေါင်းရင်းမြစ်များ

JEREMIAH 1:17

Sihmanhsehlaw nang cu na lung ṭhawng ko, tho law nawl kan pekmi vialte kha chim hna. Annih ruangah na lung dong hlah, atu i na lung a dongh ahcun an hmaika i na um tikah na lung kaan donghter chinchin sual lai.

JEREMIAH 1:7

Sihmanhsehlaw Bawipa nih a ka thawh i, “Ngakchiate men ka si, ti hlah; Zeicahtiah cu hna sinah cun va kal, tiah kan tinak ah na kal lai i nawl kan pekmi paoh kha na chim lai.

JEREMIAH 19:14

Cun Jeremiah cu Bawipa nih bia va chim ti i a kalternak hmun Tofeth khan a ra i Bawipa inn a tual ah khan a dir. Mi vialte cu a thawh hna i,

JEREMIAH 23:28

Profet pakhatkhat nih mang a manh ahcun, a mang cu chim ko seh, bia chim awk a ngeih ahcun, ka bia cu a ning tein chim ko seh. Favai le a fang cu nan thleidang kho hna lo maw, tiah Bawipa nih a ti.

JEREMIAH 25:2

cun cu bia cu profet Jeremiah nih Judah mi vialte le Jerusalem khua chung i a ummi vialte kha a chimh hna:

JEREMIAH 28:5

Cun profet Jeremiah nih profet Hananiah cu Bawipa inn chungah a dirmi tlangbawi hna le mi vialte hmaiah khan a thawh i,

JEREMIAH 36:10

Khi tikah Bawipa inn chungah cun mi vialte theih ah, Baruk nih Jeremiah bia cu cazual chung khan a rel; cu a relnak cu biakinn chung, caṭialtu Safan fapa Gemariah khaan chungah khan a si. Cu Khaan a umnak cu biakinn i a ummi Kutka Thar an timi cunglei tual ah khan a si.

JEREMIAH 42:4

Khi tikah profet Jeremiah nih cun annih cu, “Nan bia cu ka theih cang; nan duhnak bangin Bawipa nan Pathian sinah cun thla ka cam lai i Bawipa nih an leh hnanak paoh kha kan chimh hna lai; zeihmanh kan phehmi hna a um lai lo,” tiah a ti.

JEREMIAH 7:2

Bawipa inn kutka ah khan va dir law khika ah khan va thanh tuah: Bawipa biak awkah hi kutka hna chungah a lutmi Judah mi vialte hna, Bawipa bia hi thei tuah u, va ti.

JEREMIAH 7:27

Hi bia hi na chimh hna tikah an in ngai lai lo. Na auh hna zongah an in let lai lo.

EZEKIEL 3:10

Cun a ka thawh i, “Mipa, nangmah kan chimhmi hi ṭha tein ngai law na lung chungah i cinken tuah.

EZEKIEL 33:7

Mipa, nangmah cu Israel mi hna caah ralvengtu ah kan ser. Ka sinin bia kha na lak hna lai i annih sinah ralrinnak kha na pek hna lai.

EZEKIEL 40:4

A ka thawh i, “Mipa, ṭha tein zoh law ṭha tein ngai hmanh, kan hmuhsakmi thil vialte kha ṭha tein i chingchiah hna, cucaah cun pei hika ah hin ratpi na si fam cu. Cun na hmuhmi vialte kha Israel mi va chim dih hna,” a ka ti.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

LUKA 19:47

Jesuh nih Biakinn ah khan nifate in a cawnpiak hna. Tlangbawi upa pawl hna le Phungbia cawnpiaktu saya hna le hruaitu pawl nih khan thah an duh,

JOHAN 18:20

Jesuh nih cun, “Langhngan in mizapi kha ka chimh zungzal ko hna; ka cawnpiak hnanak cu a dihlak in Judah mi an i pumhnak inn le biakinn ah a si ko. A thli in zeihmanh ka chim bal lo.

JOHAN 8:2

A thaizing zingkate ah biakinn ah cun a kal ṭhan. Mizapi nih cun an pumhhnawh i a cawnpiak hna.

LAMKALTU 20:20

Nannih kha zapi lakah siseh, nan inn cio ah siseh, phung kan chimh hna i kan cawnpiak hna tikah nan ca i a ṭha dingmi kha zeihmanh ka nganhtakmi a um lo ti kha nan hngalh.

LAMKALTU 20:27

Zeicahtiah Pathian nih aa tinhmi kha a dihumnak in kan chimh dih cikcek hna i ka nganhmi zeihmanh a um lo.

LAMKALTU 5:25

Cun mipa pakhat a rung lut i, “Ngai hmanh u, thong i nan thlakmi hna kha biakinn chungah an dir ko i mi an cawnpiak len ko hna,” tiah a ti.

LAMKALTU 5:42

Cun nifate in biakinn chung le mi inn kip ah Messiah a simi Jesuh kong Thawngṭha kha an cawnpiak hna i an chimh lengmang hna.

DEUTERONOMI 12:32

“Nawl kan pekmi hna thil vialte kha ralring tein nan tuah hna lai; nan chap lai lo, nan zuk fawn lai lo.

DEUTERONOMI 12:5

Sihmanhsehlaw Bawipa nan Pathian nih a min chiahnak le a umnak i ser awkah nanmah phun chungin a thim laimi hmun cu nan kawl lai;

DEUTERONOMI 4:2

Bawipa nan Pathian nawlbia kan pekmi hna cu nan ulh nakhnga, nawlbia kan pekmi hna hi nan chap lai lo, nan zuk fawn lai lo.

JOSHUA 8:35

Moses nawl pekmi chungin, Israel mi aa pummi vialte le nu le ngakchia le an sin i a ummi mipem hna hmaiah, Joshua nih a rel lomi bia pakhat hmanh a um lo.

BIAPHUAN 22:19

Cun hi cauk chung i aa ṭialmi profet bia kha azeihmanh a hlawmi cu, hi cauk chungah aa ṭialmi nunnak thingkung theitlai a co hnga ding le Khua Thiang chung i um venak a co hnga ding cu Pathian nih a lakpiak lai.