JEREMIAH 25:7 - Lai (Hakha) Common Language Bible 2006

⁷ Sihmanhsehlaw ka bia nan ngai lo, nan kut nih a sermi siasal khan ka thin nan ka phawh, cucaah nanmah lila nih nanmah cungah harnak nan i tlunter,” tiah Bawipa nih a ti.

JEREMIAH 25:7 ပူးပေါင်းရင်းမြစ်များ

2 SIANGPAHRANG 17:17

Cun annih nih an fapale le an fanule hna cu thawinak caah an khangh hna i litin mangih le eih kha an hman, Bawipa mithmuh i thil ṭhalo tuah awkah khan an i zuar i a thin kha an phawh.

2 SIANGPAHRANG 21:15

zeicahtiah annih nih an pupa hna Izipt ram in an chuah ni in atu tiang ka mithmuh i ṭhat lonak kha an tuah lengmang ko;” tiah a ti.

2 CHANRELNAK 24:19

Asinain, Bawipa sin i kirpi ṭhan awkah khan profet kha a thlahhnawh hna, sihmanhsehlaw zei ah an rel hna lo.

NEHEMIAH 9:26

“Sihmanhsehlaw nawl ngai loin an um i nangmah kha an in ral i na phungbia kha an hnulei ah an hlonh i annih cu nangmah lei ah merter ṭhan awkah ralrinnak a petu hna profet hna kha an thah hna i thangchiatnak nganpi kha an tuah.

PHUNGTHLÛKBIA 8:36

Sihmanhsehlaw keimah a ka hmu lomi nih cun amah le amah kha aa hliam ko; a ka huatu vialte cu thihnak he aa duhmi an si,” tiah a ti.

JEREMIAH 19:15

“Ralkapbu Bawipa, Israel Pathian nih hi bangin a ti: Hi khuapi cungah le a pawngkam khua vialte ah hin ka tlunter lai tiah ka rak timi dantatnak kha, nannih nih nan lung a ṭhawn i ka bia kha ngaih nan duh lo caah, ka tlunter taktak lai, a ti,” tiah a ti.

JEREMIAH 22:21

Nan tlam a tlin lioah kan chawnh hna, Sihmanhsehlaw ngaih nan duh lo. Mah hihi nan tlanval lio in nan umtuning a si tawnmi a si; Zeitikhmanh ah ka bia nan ngai bal lo.

JEREMIAH 25:8

“Cucaah ka bia kha nan ngaih duh lo caah,

JEREMIAH 29:19

Hihi an cungah a tlung lai, zeicahtiah annih sinah ka profet kha ka thlah lengmang ko hna nain, ka bia kha an ngai duh lo, tiah Bawipa nih a ti.

JEREMIAH 44:7

“Atu cu Bawipa, Ralkapbu Pathian, Israel Pathian nih hi bangin a ti: Zeicahdah nanmah lila cungah hi bantuk a nganmi rawhralnak hi nan i tlunter? Zeicahdah Judah mi nan cungah, pa si u, nu si u, ngakchia si u, bawhte si u law, a nungmi um lo tiangin, rawhnak nan i tlunter?

JEREMIAH 44:8

Mah hihi umnak hmun nan i khuarnak Izipt ram i pathian dang hna sinah raithawinak nan pekchanhnak thawngin siasal biaknak nan tuahmi in ka thin nan ka phawhnak ruangah a si. Nanmah le nanmah kha nan i hrawk lai i vawlei cung miphun vialte sinah nihsawh awk le zawmhtaih awkah nan cang lai.

ZEKHARIAH 1:4

Nan pupa hna bantuk kha si hlah u. Hlanlio profet hna nih, ‘Mah hihi Bawipa bia a si: Nan ziaza ṭhalo le nan tuahmi thilṭhalo khan i mer u,’ an rak ti hna. Sihmanhsehlaw ka bia an ngai lo i zei ah an ka rel fawn lo, tiah Bawipa nih a ti. Atu ah tah nan pupa hna cu khuazei ah dah an um kun?

DEUTERONOMI 32:21

Pathian a si lomi thil in ka nahchuahnak an tuah i An siasal in ka thin an ka phawh, Cu bantukin miphun a si lomi in an nahchuahnak ka tuah ve lai i, A hrutmi miphun in an thin ka phawh ve hna lai.