JEREMIAH 25:35 - Lai (Hakha) Common Language Bible 2006

³⁵ Tuukhal hna caah zamnak hmun khuazei hmanh ah a um lai lo. Tuurun bawi hna caah luatnak lam zeihmanh a um lai lo.

JEREMIAH 25:35 ပူးပေါင်းရင်းမြစ်များ

JOB 11:20

Sihmanhsehlaw miṭhalo cu mitcawtnak nih khan a tlakhnawh lai i Luatnak lam vialte kha a thlau hna lai, An i ruahchanmi cu, an thaw hmanung bik chuah kha a si ko lai,” tiah a ti.

SALM 142:4

Ka pawngkam kha ka zoh tikah, a ka bawmtu ding ahohmanh ka hmu hna lo, a ka hupphengtu ding ahohmanh an um lo, ahohmanh ka zawn a ka ruattu an um lo.

JEREMIAH 11:11

Cucaah Bawipa nih hi bangin a ti: Atu cu an luat khawh lomi ṭhat lonak kha an cungah ka tlunter lai; an ka au lai nain annih cu ka ngai hna lai lo.

JEREMIAH 25:36

Tuukhal hna ai thawng cu ngai hmanh, Tuurun bawi hna kiao thawng cu thei hmanh, Zeicahtiah an tlonnak ram cu Bawipa nih a hrawh lio i,

JEREMIAH 32:4

“Zedekiah Siangpahrang hi Babilon mi hna kut in a luat lai lo. Babilon siangpahrang sinah khan pek a si lai i amah cu hmaitonh tein a hmuh lai i a pum hrimhrim in a chawnh lai.

JEREMIAH 34:3

A kut chungin na luat lai lo, tlaih na si hrimhrim lai i a kut chungah chanh na si hrimhrim lai. Amah cu hmaitonh tein na hmuh lai i nan pum hrimhrim in bia nan i ruah lai, cun Babilon ah na kal lai.

JEREMIAH 37:17

Zedekiah Siangpahrang nih Jeremiah cu a hei cah i a sinah a hunter. Siangpahrang nih cun a inn ah a thli tein bia a hal i, “Bawipa sinin zei bia a um maw?” tiah a ti. Cun Jeremiah nih a leh i, “A um ko. Nang cu Babilon siangpahrang kut chungah chanh na si lai,” tiah a ti.

JEREMIAH 38:18

Sihmanhsehlaw Babilon siangpahrang i a bawi hna sinah naa pek lo a si ahcun, hi khua hi Khaldi mi hna kut chungah pek a si lai i an khangh lai i nangmah zong an kut in na luat lai lo,” tiah a ti.

JEREMIAH 38:23

Na nupi vialte hna le na fale vialte hna cu Khaldi mi hna sinah hruai an si lai i nangmah hrimhrim zong an kut chungin na luat lai lo. Babilon siangpahrang nih an tlaih lai i hi khua hi mei in a khangh lai,” tiah a ti.

JEREMIAH 48:44

Ṭihnung chungin a zam khomi kha khor chungah a tla lai, Cun khor chungin a chuak khomi kha rap ah aa foih lai. Hi thil vialte hna hi dantatnak an hmuh kum ah Moab cungah ka tlunter lai, tiah Bawipa nih a ti.

EZEKIEL 17:15

Asinain Judah siangpahrang kha ral a tho i rang le ralkap tampi hal awkah Izipt ram ah khan lamkal a thlah hna. Cu bantuk mi cu a hlawh a tling kho hnga maw? Hi bantukin a tuah caah rawhnak cu a luat kho lai maw? Biakamnak kha hrawk in a luat kho hnga maw?

EZEKIEL 17:18

A chiatsermi le a biakammi kha a let ṭhan hna. Hi thil vialte cu a tuah hna, atu cu an luat ti lai lo.

DANIEL 5:30

Cu zan hrimhrim ah cun Khaldi mi hna siangpahrang Belshazzar cu thah a si i Media mi Darius nih pennak kha a lak, Darius cu kum sawm ruk le kum hnih a si.

AMOS 2:14

A khul a rangmi zong kha a zam hmanh ah a him hlei lai lo, A ṭhawngmi zong kha a ṭhawnnak cu san a tlai hlei lai lo; Ralkap zong nih khan amah le amah aa khamh kho hlei lai lo.