JEREMIAH 25:31 - Lai (Hakha) Common Language Bible 2006

³¹ A au thawng cu vanhramdeng tiang a thang lai, zeicahtiah Bawipa cu miphun vialte cungah bia a ngei i minung vialte kha taza a cuai hna lai i a sualmi cu vainam in an thi lai, tiah na chimh hna lai,’ tiah Bawipa nih a ti.

JEREMIAH 25:31 ပူးပေါင်းရင်းမြစ်များ

ISAIAH 33:3

Nangmah nih ral na kan tukpiak tikah, miphun hna cu cu raltuknak thawngpang ah cun an zam dih.

ISAIAH 34:2

Miphun vialte hna le an ralkapbu vialte hna cungah Bawipa cu a thin a hung. Hrawh dih dingin a ruah cang hna.

ISAIAH 34:8

Hi caan hi Bawipa nih Zion kha a khamh i a ral hna cungah phu a hlam caan kha a si lai.

ISAIAH 66:16

A sual tiah a hmuhmi vawleicung mi vialte kha mei le vainam in dan a tat hna lai i an thi lai.

JEREMIAH 2:35

Nangmah nih cun naa thawh i, ‘ka sual lo, a thinhunnak a dam diam cang,’ na ti. Zohhmanh, ‘Ka sual lo,’ na timi cu kan zuam lai.

JEREMIAH 23:19

A kangh in mi a kangmi thli, Bawipa sinin a chuakmi khi zohhmanh, Ṭotho phuchim a si khi! Miṭhalo hna lung chungah aa zi len ko.

JEREMIAH 45:5

Na caah thil lianngan kha na kawl hna. Sihmanhsehlaw cu kawl cu ngol ko hna, zeicahtiah mi vialte cungah rawhralnak kha ka tlunter lai, tiah Bawipa nih a ti; nang cu na kalnak paoh ah kan nunter ko lai, sihmanhsehlaw na nunnak lawnglawng kha naa khamh kho lai i zeihmanh a dang na thil cu na chanh khawhmi an um lai lo,” tiah a ti.

EZEKIEL 30:3

Cu ni cu a nai ai cang, Bawipa ni cu a nai ai cang, Cu ni cu khua a dawm ni, miphun hna biaceih ni a si.

EZEKIEL 38:22

Ral le thisen chuahnak he biaceihnak ah ka chuahpi lai; a cungah khan a tuk ngaingaimi ruahpi ka surter lai i lung tlukin a hakmi rial le mei le kat cu amah le a ralkapbu hna le amah sinah a ummi mi tampi hna cungah khan ka tlakter lai.

HOSEA 12:2

Bawipa nih Judah cungah bia pakhat a ngei i Jakob cu a ziaza ruangah khan dantat aa tim; thil ṭhalo a tuahmi kha a lehrulh lai.

HOSEA 4:1

Maw Israel, Bawipa bia cu thei tuah; Zeicahtiah hi rammi hna cungah hin Bawipa nih bia pakhat a ngei: Hi ram chungah hin pakhat le pakhat i zumhnak le pakhat le pakhat i bochannak le Pathian hngalhnak a um lo,

JOEL 3:2

Miphun vialte cu ka pumh hna lai i Bawipa Biaceihnak Nelrawn timi ah ka kalpi hna lai. Khika ah ka mi hna cung i an tuahmi ruangah bia ka ceih hna lai. Israel mi cu ramdang ah an ṭhek dih hna i ka ram Israel cu an cheu dih.

MIKAH 6:2

Nannih tlang ngan pipi hna, zungzal in a hmunmi tung vawlei a dohtu hna, Bawipa bia hi thei tuah u; Zeicahtiah Bawipa nih a mi hna chalh awk bia a ngei i cu bia cu Israel he an i al lai.