JEREMIAH 25:26 - Lai (Hakha) Common Language Bible 2006

²⁶ Chaklei siangpahrang vialte hna, a hla he a nai he, pakhat hnu pakhat in. Vawlei cung i miphun a simi paohpaoh nih cun an din lai, a hmanung bik ah Babilon siangpahrang nih a din lai.

JEREMIAH 25:26 ပူးပေါင်းရင်းမြစ်များ

ISAIAH 51:23

Kha zu kha nanmah an hremtu hna, lamkalai ah an bawhter hna i an ke in leidip bantukin an lamtu hna kha, ka pek hna lai,” tiah an ti hna.

JEREMIAH 25:12

Cun kum sawm sarih cu a dih tikah, Babilon siangpahrang le a miphun cu an ṭhat lo ruangah khan dan ka tat hna lai i Khaldi mi hna ram cu zungzal in pakpalawng ah ka ser lai.

JEREMIAH 25:9

chaklei miphun vialte kha ka cah hna lai, tiah Ralkapbu Bawipa nih a ti. Ka sal Nebukhadnezzar, Babilon siangpahrang kha ka cah fawn lai. Hi ram le a chung i a ummi hna le a pawngkam i a ummi miphun vialte hna doh awkah ka ratpi hna lai i ka hrawh cikcek hna lai, tuksapur le cekcekhnawh thluahmah awk le zungzal nihsawh awkah ka ser hna lai.

JEREMIAH 51:41

Babilon vawlei cung dihlak nih an hlorhmi cu tlaih a si cang; Babilon cu miphun hna lakah tuksapur ah a cang cang!

JEREMIAH 51:51

Nannih nih, Kannih cu ningzahnak kan phan, Ramdangmi nih biakinn chung hmunthiang kha an lak hna caah hmaichiatnak nih a kan khuh, nan ti.

EZEKIEL 32:30

Khika ah Chaklei bawi hna le Sidon mi vialte hna kha an um ve, an ralṭhatnak thawngin ṭihphannak an chuahtermi vialte ruangah annih cu thahmi hna sinah khan ningzak in an vung kal ve. Vainam in thahmi hna sinah khan thazang zeihmanh ngei loin an it i khor chung i a vung kalmi hna ningzahnak kha an i hrawm.

HABAKKUK 2:16

Upatnak si loin ningzahnak in khuh nan si ve lai, nanmah zong cu zuri sawn in nan sawn ve lai. Bawipa nih nan dantatnak hrai kha an dinter hna lai i nan thangṭhat upatnak kha ningzahnak ah a cang lai.